1 Tham 15:22 - JAM DE NHIALIC 2011

²² Ago Thamwɛl puk nɔm an, “Ye Bɛ̈nydït piɔ̈u miɛt në miɔ̈c ye nyop ëbɛ̈n kekë ka ye nɔ̈k, cït man yen piɔ̈u miɛt në rïïu ye jam de Bɛ̈nydït riëëu? Rïïu apiɛth awär ka ye nɔ̈k, ku piŋ de jam apiɛth awär miök de nyök cuai,

1 Tham 15:22 ပူးပေါင်းရင်းမြစ်များ

Cäk 4:4

Ku bïï Abel nyɔɔŋ kɛ̈ɛ̈i de thɔ̈ɔ̈k tök në thökke yiic, ku nɛ̈k ku gëm Bɛ̈nydït biäk piɛthde, ke ye miɔ̈cde. Ago Bɛ̈nydït piɔ̈u miɛt ke miɔ̈c de Abel,

Bɛ̈n 19:5

Ku ënɔɔnë, na bäk Ɛn piŋ thok ku dɔ̈tkï löŋdï, ke we bï aa kɔc ke naamdï. Piny nɔm ëbɛ̈n ee këdï, ku we bï ya kɔckï kɔc cä ke lɔc.

Kɛ̈ŋ 21:3

Luɔi de yic ku piathëpiɔ̈u awär miɔ̈c tëde Bɛ̈nydït.

Wɛ̈ɛ̈t 5:1

Ye rɔt tiit të le yïn ɣön ë Nhialic. Ye lɔ ëtɛ̈ɛ̈n ke yï bï wëët, yen aŋuän në miɔ̈c de kɔc piɔlpiɔ̈ɔ̈th, kuc nɔn ye kek karɛc looi.

Jeremia 11:4

Ee löŋ wään bä mac wo kuarken, wään bɛ̈ɛ̈i Yɛn keek bei ë Rip, piny wään cït many ë wëëth dɛ̈p tëde keek. Acä lɛ̈k keek bïk Yɛn riëëu ku loikï këriëëc cä lëk keek ëbɛ̈n. Acä lëk keek, na lek Yɛn riëëu, abïk aa kɔckï, ku Yɛn bï aa Nhialicden.

Jeremia 11:7

Wään bɛ̈ɛ̈i Yɛn kuarken bei ë Rip, Acä keek yɔ̈ɔ̈k arëët bïk Yɛn riëëu, ku Aya ŋoot ke ke yɔ̈ɔ̈k agut cï ee köölë.

Jeremia 26:13

Wek bï kueerduön ya wek rëër ku kakuön yak looi dhil waaric, ku we bï Bɛ̈nydït Nhialicdun dhil riëëu, na lak looi, abï yenɔm waar në riääk cï lueel an bïï yiɛ̈n week.

Ɣodh 6:6

Ee nhiëër agɔk yen akaar acie miɔ̈c. Ee luɔi bïï kɔckï Ya ŋic nɔn yan Nhialicden Yen akaar, acie miɔ̈c ye nyop ëbɛ̈n yen ee këdït.

Ɣodh 8:13

Ayek Ɛn gäm miɔ̈c, ku pukkï röt cuetkï rïŋ. Bɛ̈nydït acïï piɔ̈u mit ke keek. Bɛ̈nydït acïï awɛ̈ɛ̈cken bï puɔ̈l, abï keek luöi këtuc në baŋ de karɛcken. Ka abä keek be tɔ ye lïïm, cït man ɣɔn kɔnë keek lïïm paan ë Rip.

Math 12:7

Ku tëë we cï jamë ŋic thar an, “Ee kokdepiɔ̈u yen kaar, ku acie kë bï nɔ̈k yen kaar, adï kɛ̈nkï kɔc jɔ̈ɔ̈ny kɔc cïn kë cïk wööc.

Math 23:23

Amawoou në week, wek kɔc ë löŋ gɔ̈ɔ̈r ku Parithai, kɔc de yäc aguk! We ye wal juaar, yï mint, ku anith, ku kumin, ku we ye ka ke löŋ pɔ̈l, ka cït guiëërëlöŋ, ku kokdepiɔ̈u, ku gäm, ka de naamden awärkï wɛl awën, kake adï cäk ke dhil aa looi, ku cäkï kak awën ee pɔ̈l ayadäŋ.

Math 5:24

ke yï lɔ kë bä gäm Nhialic pɔ̈l ëtɛ̈ɛ̈n tëde yïïŋ de läm, ku jël kankï mät lueel wekë mɛnhkui, na ëlë, ke yï be bɛ̈n, ku gämë Nhialic këdu.

Math 9:13

Lakï tei, kaarkï cöökë thar abäk yök, Yɛn kɔɔr kokdepiɔ̈u, acie kë bïï nɔ̈k en kaar, yɛn ë cïï bɔ̈ bä kɔc piɛth piɔ̈ɔ̈th bɛ̈n cɔɔl, bïk kepiɔ̈ɔ̈th puk, ee kɔc ë kërac looi kek aa bä bɛ̈n cɔɔl.”

Mak 12:33

ku nhiëër nhiɛɛrë raan en ë yepiɔ̈u ëbɛ̈n, ku yenɔm ëbɛ̈n, ku wëike ëbɛ̈n, ku riɛlde ëbɛ̈n, ku nhiëër nhiɛɛr en raan rɛ̈ɛ̈r ke ye acït man nhiɛɛr en rɔt, yen adït awär ka cï gäm Nhialic, ke ye miɔ̈c ye nyop ëbɛ̈n, ayï ka cï lam ku näk keek kedhie.”

1 Tham 13:12

Guɔ tak an, ‘Pilithiin abï a mook në Gilgal eenë, ku akɛ̈n them bä Bɛ̈nydït tɔ gam yɛn.’ Guɔ tïŋ ke piɛth luɔi bän miɔ̈c gäm Bɛ̈nydït.”

1 Tham 13:13

Go ë Thamwɛl lueel an, “Yïn cï këde pialëpiɔ̈u looi. Yïn kën lööŋ cïï Bɛ̈nydït Nhialicdun gäm yïn riëëu. Na ë cï keek döt aduëër yïn tääu në kɔc ke Yithriɛl nïïm wekë käudu ëbɛ̈n aɣet athɛɛr.