1 Tham 15:12 - JAM DE NHIALIC 2011

¹² Na ɣɔn amiäk ke Thamwɛl ë jɔt rɔt le Thaulo kɔɔr. Ago piŋ nɔn cï Thaulo lɔ wun cɔl Karmel, aacï rɔt yiëk kuur ëtɛ̈ɛ̈n, ku jiël ke lɔ Gilgal.

1 Tham 15:12 ပူးပေါင်းရင်းမြစ်များ

Cäk 21:14

Ago Abraɣam rɔt jɔt ɣɔn amiäk aduduur, ku gëm Ɣajer kacaam, ku athep ë pïïu athiäŋ ke pïïu. Kɛ̈k ë yekët, ku tɛ̈ɛ̈u meth ë yekɔ̈u, ku cieec ke wei. Go jɔ lɔ tɔ̈u në jɔ̈ɔ̈r ë Biirceba yic.

2 Tham 18:18

Të ɣɔn ŋoot ë Abthalom ke pïïr, aacï rɔt yiëk yïk ë Wak de Meliik yic, në luɔi cïn en nɔm mɛwä bï rinke lɔ̈ɔ̈k muk. Go yïk cäk ë rinke, aɣet cï ee köölë acɔl Yïïŋ de Abthalom.

1 Mel 18:42

Na wën aacï Aɣap lɔ cam, ke Elija ë lɔ nhial ë kuur ë Karmel nɔm, le yenɔm guöt piny ku tɛ̈ɛ̈u e nɔm ë yemiɔl.

2 Lëk 26:10

Ku yïk ɣööt ril bär në jɔ̈ɔ̈ric ku wec yith ke pïïu, në biäk de yen nɔm ɣɔ̈k juëc në kur nu të lɔ aköl athɛ̈i ku në riaaŋ nɔm. Ku në biäk nhiɛɛr en pɔ̈ɔ̈r, aaye kɔc riit piɔ̈ɔ̈th bïk duum ke enap com ë kur thäär ku në tiɔɔm piɛth yic.

Jocua 15:55

Ku wuötkɛn kɔ̈k ee Mawon kekë Karmel, ku Dhip, ku Juta,

1 Tham 13:12

Guɔ tak an, ‘Pilithiin abï a mook në Gilgal eenë, ku akɛ̈n them bä Bɛ̈nydït tɔ gam yɛn.’ Guɔ tïŋ ke piɛth luɔi bän miɔ̈c gäm Bɛ̈nydït.”

1 Tham 13:15

Go Thamwɛl jäl ë Gilgal ke kuɛny kueerde yic. Ku kɔc kɔ̈k cï döŋ acïk Thaulo kuany cök të wën lee yen tëde remdɛn ë tɔŋ. Gokï jäl ë Gilgal lekï Gibia në piny de Benjamin. Ago Thaulo remdɛn ë tɔŋ kueen go ke yök aye bot kadhetem.

1 Tham 17:20

Ago Debid rɔt jɔt adurduur, ku nyiëëŋ thök raandäŋ, ku jɔt kacaam cït man cïï Jethe ye lɛ̈k en. Na wën aa ɣeet, ke yök rem de tɔŋ ë Yithriɛl ke lɔ në këërkëër de tɔŋic, ke ke kit diɛt ke tɔŋ.

1 Tham 25:2

Ku aa de raan ë nu në Mawon, raan de nɔm käŋ në Karmel ku ye raan kueth aläl. Ade nɔm agum de bou ku aguum kadiäk ke amɛ̈l, ku aake ye tiit në Karmel. Raanë acɔl Nabal ku tiiŋde acɔl Abigail, Abigail ee tiiŋ pelnɔm ku lɛ̈k aläl, ku monyde aaye raan ee piɔ̈u dap diu ku ye raan piɔlpiɔ̈u aläl. Kööl tök Nabal aa tem nhïm ke thökke në Karmel,

1 Tham 7:12

Na wën ke Thamwɛl ë nöm kuur, ku wec piny në kaam de Midhpa kekë Cen, lueel an, “Bɛ̈nydït acï wo kony ee kakë yiic kedhie.” Ku jɔ ëtɛ̈ɛ̈n cäk an, “Kuur ë kuɔɔny.”