1 Tham 14:6 - JAM DE NHIALIC 2011

⁶ Go Jɔnathan dhuŋ ee kakɛn ë tɔŋ muk yɔ̈ɔ̈k an, “Bäär lokku të de rem de kɔc kuc Nhialic, tɛk däŋ bï Bɛ̈nydït wook kuɔny, acïn kë duëër Bɛ̈nydït pɛ̈n luɔi kony En wo, cakaa nɔn ye wok kɔc lik.”

1 Tham 14:6 ပူးပေါင်းရင်းမြစ်များ

2 Tham 1:20

Duökï cɛɛl ë Gath, ku du tɔ cɛɛlë në kuɛɛr ke Acekelon yiic. Duökï diäär ke Pilithiin tɔ mit piɔ̈ɔ̈th, ku duökï duet ke kɔc kuc Nhialic tɔ dɔl.

2 Tham 16:12

Tɛk däŋ bï Bɛ̈nydït piɔ̈u kok kekë yɛn, ku gëm ɛn këpiɛth në biäk cïï Cimei yɛn cieen!”

2 Mel 19:4

Rabcaka bɛ̈ny ë rem de tɔŋ de Athiriya alɛ̈ɛ̈t Nhialic pïïr. Ku Bɛ̈nydït Nhialicdu abï ee lɛ̈ɛ̈të piŋ ku bïï kɔc luel ke luöi këtuc. Ku läŋë në biäk de kɔckuɔn cï döŋ apïr.”

2 Lëk 14:10

Go melik Atha lɔ biic bï lɔ piɔ̈t kekë yen, ku jɔ kuut kedhie kɔ̈ɔ̈c ë ɣäänken, në Wak de Dhepatha yic të thiääk kekë Mareca.

2 Lëk 14:11

Na wën ke melik Atha ë läŋ Bɛ̈nydït Nhialicde an, “Bɛ̈nydït, Yïn de nɔm riɛl duëër Yïn rem de tɔŋ kɔ̈c kony cït man de rem de tɔŋ ril. Kony wook ënɔɔnë, Yïn Bɛ̈nydït Nhialicda, në biäk kɛn wok röt në Yïn, ku në rinku yen abïï wok biic buk bɛ̈n thɔ̈ɔ̈r në rem dïït ë tɔŋë. Bɛ̈nydït, Yïn ee Nhialicda, acïn raan duëër ye ŋɔ̈ɔ̈th bïï Yïn tiaam.”

Diɛt 135:6

Ee kë kɔɔr në yepiɔ̈u looi ë pinynɔm ku paannhial në pïïu yiic ku në pïïu thäär piny tëthuth.

Jeremia 9:23

Aye Bɛ̈nydït lueel an, “Kɔc pelnïïm ë ke cïï röt ee leec në pɛlënɔmden, ku kɔc ril ë ke cïï röt ee leec ë riɛlden, ku kɔc kueth ë ke cïï röt ee leec ë kuɛthden.

Jeremia 9:25

Aye Bɛ̈nydït lueel an, “Akööl abïkï, kööl bän kɔc cï cueel, ayï kɔc kën ë cueel luöi këtuc.

Jeremia 9:26

Kɔc ke Rip, ku Juda, ku Edom, ku wɛ̈ɛ̈t ke Ammon, ku Mowap, ku kɔc ee rëër ë jɔ̈ɔ̈ric kedhie, kɔc ë nhïmken tem nïïm, kek e juöörkë kedhie akënë keek cueel, ku baai de Yithriɛl ëbɛ̈n akën ë keek cueel piɔ̈ɔ̈th.”

Amoth 5:15

Nhiaarkï këpiɛth, ku mankï kërac. Ku yak gööny ŋiëc guiir tëde gööny. Tɛk däŋ bï Bɛ̈nydït Nhialic Awärjäŋ piɔ̈u kok kekë kɔc lik cï döŋ baai de Jothep.

Dhep 2:3

Calkï Bɛ̈nydït wek kɔc ee röt kuɔɔr piny cieŋ piny, kɔc ee löŋde gam. Liɛpkï piathëpiɔ̈u, ku koor ë rɔt piny. Tɛk däŋ bäk poth në këtuc thok në kööl agönh de Bɛ̈nydït.

Dhek 4:6

Go jɔ puɔ̈k nɔm ɛn an, “Kënë ee jam lëk ë Bɛ̈nydït Dherubabel an: Acie riɛl, ku acie jööt, ee në wëikï. Yen kë cï Bɛ̈nydït de rɛm lueel ka. Eeŋö bä cök nɔm yïn kuur dït? Yïn bï rai piny në Dherubabel nɔm tueŋ, ka yïn bï nɔm kït wekë piny.

Kuɛ̈n 10:32

Ku të le yïn caath we wook, yïn buk miɔɔc në këriëëc piɛth cïï Bɛ̈nydït gäm wook ëbɛ̈n.

Kuɛ̈n 31:4

Në dhiëën ke Yithriɛl thook kedhie, abïï dhiën tök agum de raan aa tuɔɔc tɔŋ.”

Math 19:26

Go Yecu ke woi, ku yöök keek an, “Kënë ee kë dhal kɔc: ku Nhialic ee käŋ lëu kedhie.”

Romai 8:31

Buk ŋö jɔ lueel në këde kake? Të mɛtë Nhialic ke wook, ke eeŋa bï dɛ ater ke wook?

Nyöŋ 32:30

Eeŋö duëër ë raan tök agum cop, ku tɔ kɔc kaarou aguum kathiëër tɔ kɔt. Bɛ̈nydït Nhialicden acï keek pɔ̈l Bɛ̈nydït Awärjäŋ acï keek nyääŋ wei.

Pilipoi 3:3

Ku wook, wok aye aŋueel yith, wok kɔc ee lam ë Wëidït ke Nhialic, ku yok röt leec në Kërtho Yecu, ku cuku röt ee ŋɔ̈ɔ̈th ë guöp.

Jocua 14:12

Ka yïn, gämë ya piny ë kuur cït man wään cïï Bɛ̈nydït ye than kööl ɣɔn bïï wok thok. Acuk bɛ̈n lɛ̈k yïn nɔn nu jööt ke Anakim në pɛ̈ɛ̈nydït cï gël aril. Go lueel an, Bɛ̈nydït abï tɔ̈u ke yɛn ka abä ke cuɔp wei cït man cïï Bɛ̈nydït ë lueel.”

Bäny 15:18

Ago Thamthon yal aläl, go Bɛ̈nydït lɔ̈ŋ an, “Yïn cï lïmdu tɔ tiëm arëët ku ënɔɔnë yɛn bï thou ë reu, ku kɔc ee yiëth lam bïk a dɔm?”

1 Tham 14:5

Tök aa tɔ̈u ë kueer biäk të lɔ rut ke wel enɔm Mikmac, ku däŋë atɔ̈u ë biäk lɔ wöuwic ke wel enɔm Geba.

1 Tham 14:7

Ago dhuŋ muk kakɛn ë tɔŋ bɛ̈ɛ̈r an, “Loi këduön kɔɔr bä looi, lɔ tueŋ yɛn bï nu wokë ë yïn ëtök.”

1 Tham 17:26

Go Debid rɔt cuöt kɔc thiääk në yen, ku lop keek an, “Eeŋö bï gäm raan lɔ ee raan ë Pilithiinë nɔ̈k, ku dɛ̈k kɔc ke Yithriɛl yiëth në ayärdïïtë? Ku në yic, eeŋa yen ee Pilithiin kuc Nhialicë, ka duëër rem de tɔŋ de Nhialic pïïr jɔ riääc?”

1 Tham 17:36

Yɛn ë kɔ̈ɔ̈r nɔ̈k ku näk köör ayuääl, ka yɛn bï ee Pilithiin cïn nɔm Nhialicë nɔ̈k ayadäŋ, Pilithiin ee rem de tɔŋ de Nhialic pïïr läät.”

1 Tham 17:46

Bɛ̈nydït abï yï gäm ɛn ee köölë, yïn bä nɔ̈k ku tɛ̈ɛ̈m yïnɔm bei. Ku gup ke rem de tɔŋ ë Pilithiin abä ke tɔ ciɛm ë diɛt ee köölë ayï läi roor. Yen abï piny nɔm e jɔ ŋic nɔn de Yithriɛl nɔm Nhialic.

1 Tham 17:47

Yen abï amatnɔmë ëbɛ̈n ye jɔ ŋic ë gɔk, nɔn cïï Bɛ̈nydït abätɛ̈ɛ̈u ayï tɔɔŋ kɔɔr bïï En kɔcke kony. Tɔŋ ee këde, ka bï we gäm wook wedhie ee köölë.”

1 Tham 31:4

Go Thaulo dhuŋ muk kakɛn ë tɔŋ yɔ̈ɔ̈k an, “Bɛ̈ɛ̈iyë abätäudu bei ku näk ɛn, ke ya cïï kɔc kuc Nhialic bï bɛ̈n leeŋ ku näkkï yɛn.” Ku dhuŋ ee kakɛn ë tɔŋ muk aacï riɔ̈ɔ̈c arëët në luɔi bïï yen kë cït ee kënë looi.” Go Thaulo abätäude nööm ku cuɛt rɔt në ye thok.