1 Tham 14:33 - JAM DE NHIALIC 2011

³³ Na wën ke lëk ë raan däŋ Thaulo an, “Tïŋ kɔc aluikï kërac Bɛ̈nydït, në cuën cuet kek rïŋ ke thith.” Ago Thaulo bɛ̈ɛ̈r, an, “Wek cï gäm dhoŋ kɔ̈u, laarkï kuurdït agök eenë raantök.”

1 Tham 14:33 ပူးပေါင်းရင်းမြစ်များ

Cäk 9:4

Ku kë cän jaai në yen, ee rïïŋ ŋoot ë riɛmde ke kuëër yetök, yen acï bï ya cuet, në luɔi nu ë pïïr në riɛmic.

Lebai 17:10

Raan baai de Yithriɛl ëbɛ̈n ayï alei bï rɛ̈ɛ̈r në keyiic, ku ee riɛm cam, Yɛn bï Yanyin wɛ̈l ee raanë, ku abä tɛ̈ɛ̈m bei në kɔckï yiic

Lebai 19:26

Du rïïŋ ee cam ke ŋoot ke de yic riɛm, du tïït ee looi, ku du yiëth ee lam.

Lebai 7:26

Ku tëduön rɛ̈ɛ̈r wek thïn ëbɛ̈n, wek cïï bï dhil cam në riɛm de dit ayï riɛm de läi.

Lebai 7:27

Ku na de raan lɔ riɛm cam, yen ë raanë, abï dhil tɛɛm wei në kɔckï yiic.

Math 7:5

Yïn ee raan deyic aguk, kɔn tim dït nu ë yïnyin bɛ̈ɛ̈i bei, na ëlë, ke yïn bï daai ëgɔk ku yïn duëër wɛ̈ɛ̈lthiin nu ë mɛnhkui nyin dap bɛ̈ɛ̈i bei.

Luɔi 15:20

ku abuk keek gäär tei an, bïk luɔi de yiëth pɔ̈l luɔi nhiany, ku pälkï dhööm, ku cäm de läi cï dec, ku riɛm.

Romai 2:1

Yen ënɔɔnë, yïn ŋadï, yïn raan jäny raan däŋ, yïn cïn të bï yïn rɔt kɔ̈c, jäny jiëëny yïn raan däŋ, yen a jiëëny yïn rɔt, yïn raan jäny raan däŋ, yïn ee käŋ looi kamankë gup.

Nyöŋ 12:16

Ku wek cïï riɛmden bï cam cït man ë kuïn, wek bï riɛm dhiɛl wäl piny cït man ë pïïu.

Nyöŋ 12:23

Ku ee rïïŋ de yic riɛm thïn yen acïkï bï aa cuet, në biäk tɔ̈u ë pïïr në riɛmic, ku we cïï pïïr bï cam kekë rïïŋ.

Nyöŋ 15:23

Ku we cïï riɛmden bï cam cït këcam, abäk dhil wäl piny cït man ye pïïu wäl piny.

1 Tham 14:34

Na wën ke be lueel an, “Lɔ biic në kɔc yiic ku lëk ë keek an, ŋɛk ë ye weeŋde kekë thɔ̈ɔ̈kde bɛ̈ɛ̈i, ku teem ke röl eenë, ku cuetkï keek. Duökï kërac lui Bɛ̈nydït në cuën cuet wek rïŋ ke thith.” Ago ŋɛk weeŋde bɛ̈ɛ̈i ee wɛ̈ɛ̈rë yic, ku teem röl ëtɛ̈ɛ̈n.