1 Tham 14:13 - JAM DE NHIALIC 2011

¹³ Go Jɔnathan kɛɛc nhial ke ruec kuur në yecin ku mool në yecök, ku lɔ dhuŋ muk kakɛn ë tɔŋ ë yecök. Ago Jɔnathan Pilithiin yuöp piny ku jɔ dhuŋ muk kakɛn ë tɔŋ keek aa nɔ̈k.

1 Tham 14:13 ပူးပေါင်းရင်းမြစ်များ

Diɛt 18:29

Yïn ee ya gäm riɛl bän kɔc ke aterdï mak ku riɛl tiaam ɛn keek.

Romai 8:31

Buk ŋö jɔ lueel në këde kake? Të mɛtë Nhialic ke wook, ke eeŋa bï dɛ ater ke wook?

Nyöŋ 28:7

“Bɛ̈nydït abï kɔc ke aterdun tiaam të le kek week mak. Abïk week aa mak në tuuŋ tök, ku abïk aa kat në week në tuŋ thook kedhie.

Nyöŋ 32:30

Eeŋö duëër ë raan tök agum cop, ku tɔ kɔc kaarou aguum kathiëër tɔ kɔt. Bɛ̈nydït Nhialicden acï keek pɔ̈l Bɛ̈nydït Awärjäŋ acï keek nyääŋ wei.

Ɣeberuu 11:34

Keek acïk bɛ̈n poth në manydïït ajaŋjaŋic, ku acïk poth abätɛ̈ɛ̈u ë kɔc ke ater thook. Aake kɔ̈c, ku acïk bɛ̈n riɛl në tɔŋic, ku yen aa tiɛɛm kek kɔc lei.

Jocua 23:10

Raan tök në weyiic ee agum ë raan cop, në luɔi biök ë Bɛ̈nydït Nhialicdun ë tɔŋdunic, cït man wään cï en ë lueel.

Bäny 9:54

Go dhuŋ ee kakɛn ë tɔŋ muk cɔɔl an, “Bɛ̈ɛ̈iyë abätäudu bei ku näk ɛn, ke cïï bï aa lueel, an, ee tik yen ë näk ɛn.” Go dhuŋ ee könde muk ye rɛɛtic piny ku jɔ thou.

1 Tham 14:12

Go Pilithiin wën tɔ̈u ëtɛ̈ɛ̈n Jɔnathan kekë dhuŋ muk kakɛn ë tɔŋ cɔɔl në röldït, an “Bäkkï tënu wok thïn, ke we buk bɛ̈n nyuöth kë kaarkï!” Ago Jɔnathan dhuŋ muk kakɛn ë tɔŋ cɔɔl an, “Bäär nhial kuany ya cök. Acïï Bɛ̈nydït keek tääu në Yithriɛl ciin.”

1 Tham 14:14

Në ee tɔŋ tueŋë yic, Jɔnathan kekë dhuŋ muk kakɛn ë tɔŋ, acïk Pilithiin kathiërrou bɛ̈n nɔ̈k, në kaam cït pëër ë lɔ̈ɔ̈ric.