1 Tham 13:6 - JAM DE NHIALIC 2011

⁶ Na wën ke ke mɛk kɔc ke Yithriɛl, agokï keek tɔ mum nïïm. Go kɔc kɔ̈k ke Yithriɛl lɔ thiaan ë kur thäär, ku pɔ̈l yiic, ku yïth yiic,

1 Tham 13:6 ပူးပေါင်းရင်းမြစ်များ

2 Tham 24:14

Go Debid lɛ̈k Gad an, “Yɛn tɔ̈u në riäŋdït yic! Ku acä kɔɔr bï mɛnh ë raan ya luöi këtuc. Tɔ Bɛ̈nydït lui wo këtuc guöpde, në biäk ee Bɛ̈nydït piɔ̈u kok.”

Yith 42:22

Ku ënɔɔnë kɔcke acï ke peec ku rum keek, acï ke thiɔ̈ɔ̈k në pɔ̈l yiic, acï ke guöör ë ɣööt ke döm yiic. Acïï kuɛ̈l ku rum keek, ke cïn raan töŋ bï ke bɛ̈n luök.

Jeremia 41:9

Ku yïnh ë cuɛt Yicmiɛl kɔc cï ke nɔ̈k thïn, aaye yinh dït, yinh wään wec ë melik Atha, wään cïï Baaca melik de Yithriɛl ye mak. Yicmiɛl acï yith bɛ̈n thiɔ̈ɔ̈ŋ ë kɔc cï thou.

Edhekiɛl 33:27

“Lɛ̈kë keek an Yɛn Bɛ̈nydït Awärjäŋ ajääny keek, në yic, kɔc rɛ̈ɛ̈r në pɛ̈ɛ̈ny cï riɔ̈ɔ̈k yiic abïï ke nɔ̈k. Kɔc rɛ̈ɛ̈r në wuöt biic yiic abïï läi roor ke cuet. Kɔc cï thiaan në kur nïïm ku në kök ke kur yiic abïk thou në jɔɔk.

Pilipoi 1:23

Yɛn ë miɛn ë kaamden kaarou, yɛn cïï ŋɔ̈ɔ̈ŋ de jäl dɔm, jäl jäl ɛn aguɔ tɔ̈u wokë Kërtho ëtök, yen aŋuän arëëtdït.

Ɣeberuu 11:38

Piny aacïï rɔ̈ŋ kekë ee kɔc piɛthkë! Aake ye tai në jɔ̈ɔ̈riic ku kur nïïm ku yek rëër në kɔ̈kiic ku puɔ̈liic piny, aake cït kamaan.

Jocua 8:20

Na wën, aliec kɔc ke Ai kekɔ̈ɔ̈th, ke ke tïŋ tol acï rɔt cɔ̈k nhial wutic. Ku cïn kueer däŋ ë be kek ban. Kɔc ke Yithriɛl wën copkï ë jɔ̈ɔ̈ric, acïk röt bɛ̈n lɔ pɔ̈k keek.

Bäny 10:9

Go kɔc ke Ammon Jordan teem ayadäŋ bïk lɔ thɔ̈ɔ̈r ke Juda, ku Benjamin ku dhiën de Eparaim ago Yithriɛl jɔ nuan aläldïïtë.

Bäny 20:41

Go rem de tɔŋ dïït de Yithriɛl rɔt guɔ puk, go kɔc ke Benjamin riɔ̈ɔ̈c arëët, në biäk cïï kek e ŋic nɔn cï kek thiɔ̈k në riääk.

Bäny 6:2

Në luɔi ë ril kɔc ke Midian awär Yithriɛl, go kɔc ke Yithriɛl lɔ thiaan në kɔ̈k ke kur yiic ku ɣään kɔ̈k piɛth ë kuriic.

1 Tham 13:15

Go Thamwɛl jäl ë Gilgal ke kuɛny kueerde yic. Ku kɔc kɔ̈k cï döŋ acïk Thaulo kuany cök të wën lee yen tëde remdɛn ë tɔŋ. Gokï jäl ë Gilgal lekï Gibia në piny de Benjamin. Ago Thaulo remdɛn ë tɔŋ kueen go ke yök aye bot kadhetem.

1 Tham 14:11

Agokï röt nyuöth nëëm ke Pilithiin kedhie, go Pilithiin lueel, an, “Tiëŋkï Ɣeberuu, amulkï bei në pɔ̈liic të wën cï kek thiaan thïn.

1 Tham 14:22

Na lɔ kɔc ke Yithriɛl wään cï thiaan piny ë kuur de Eparaim ye piŋ nɔn cïï ë Pilithiin kat, gokï mɛt tɔŋ ku copkï Pilithiin arëët,

1 Tham 23:19

Na wën ke kɔc ke Dhip ë ke lɔ tënu Thaulo në Gibia, ku lëkkï yen, an, “Debid kï cï thiaan në piny de Ɣorec, në kuur de Ɣakila nɔm, të lɔ wöuwic në jɔ̈ɔ̈r de Judaya yic në Jecimon.

1 Tham 24:3

Go bɛ̈n ë köŋ thiääk kekë kal de thök thok, të lɔ kueer këc, go rɔt yal bï lɔ biic. Ku yen ee kuur manë guöp yen aacï Debid thiaan ë yethar ciëën ya, kekë kɔcke në kökic.

1 Tham 31:7

Na ɣɔn aa lɔ kɔc ke Yithriɛl tɔ̈u ë Wak de Jedhreel nɔm lɔɔk ye piŋ nɔn cïï rem de tɔŋ ë Yithriɛl kat ku Thaulo kekë wɛ̈ɛ̈tke acï ke nɔ̈k, acïk wuötken bɛ̈n nyääŋ piny ku kɔtkï. Go kɔc ke Pilithiin bɛ̈n ku ɣapkï wuöt.

1 Tham 7:7

Na wën aacï Pilithiin ye piŋ nɔn cï Yithriɛl kenïïm kut në Midhpa, go meliik ke Pilithiin kadhïc ku kɔckɛn ke tɔŋ jäl bï ke lɔ mak. Na wën piŋ kɔc ke Yithriɛl yen gokï riɔ̈ɔ̈c arëët,