1 Tham 13:5 - JAM DE NHIALIC 2011

⁵ Go Pilithiin kenïïm kut në baŋ bïk kek tɔŋ luöi kɔc ke Yithriɛl, aake de nïïm bot kathiërdiäk 30,000 ke abëël ke tɔŋ, ku aguum kathiërdhetem 60,000 de kɔc ke jöŋgöör, ku rem de tɔŋ juëc cie lëu ë kuɛ̈n acït liɛɛt tɔ̈u ë wɛ̈ɛ̈r yɔu. Agokï lɔ Mikmac, të lɔ aköl amiäk në Bethaben, ku jɔkï piɔ̈ɔ̈t ëtɛ̈ɛ̈n.

1 Tham 13:5 ပူးပေါင်းရင်းမြစ်များ

Cäk 22:17

Yïn bä thieei aläl, mïthku abä keek ŋuak nyïïn, ka bïk juëc cït man ë kuɛl nhial, ku cïtkï liɛɛt ë wɛ̈ɛ̈r yɔu. Ku mïthku abïk kɔc de kek ater aa tiaam.

2 Tham 17:11

Täŋdï ee luɔi bï yïn kɔc ke Yithriɛl määt yiic, gɔl ë Dan lee Biirceba. Abï dɛ kɔc juëc cït liɛɛt ë wɛ̈ɛ̈r yɔu, ku yïn guöp jɔ tɔŋ wat.

1 Mel 20:27

Ku kɔc ke Yithriɛl aake cï röt coc, gokï lɔ biic në tuŋ kaarou ku lek piɔ̈ɔ̈t ë kuut kaarou ke ke wël kenïïm kɔc ke Thiriya. Ku kɔc ke Yithriɛl aake cït luuny thik ke bɔɔth kaarou të thööŋë keek në kɔc ke Thiriya, cï piny thiɔ̈ɔ̈ŋ ëbɛ̈n.

2 Lëk 1:9

Yïn Bɛ̈nydït Nhialic, tääuwë cït man cïn gutguut luöi wäär Debid. Yïn cï ya tɔ ee melik ë kɔc juëc nïïm, kɔc cïï lëu në kuën,

Yith 10:28

Rem de tɔŋ de kɔc ke ater acïk pänydït de Ayiath peec! Ku acïk Migron reetic! Ku kutkï kakɛn ë tɔŋ nïïm në Mikmac!

Yith 48:19

Ku kuatdun aduëër juëc abï ciët liɛɛt de kiir yɔu, ku cït käudu nyïïn ke rap cïï lëu në kuɛ̈n, ku aduëër keet tiit apiɛth, abïï ciën kë bï ke riɔ̈ɔ̈k.”

Jeremia 15:8

Ade diëër abɛɛr juëc pinydun, diëër wär liɛɛt ë wɛ̈ɛ̈r yɔu. Yɛn ee dhuökkun nɔ̈k ke ke kor, ku ta märken nuan. Aya keek yuöp piny ëthiäu në tɔ̈ɔ̈k ku riɔ̈ɔ̈cdït.

Ɣodh 10:5

Kɔc cieŋ Thamaria, ayek riɔ̈ɔ̈c në yanh dau, dan de Bethaben. Ku yen ee yanhë, abïï kɔc de ye dhiëëu mɛ̈tkï në bänyke, në baŋ de diɛkde në luɔi bïï ë ye peec.

Ɣodh 4:15

“Na cakaa nɔn cä wek wäc, wek kɔc ke Yithriɛl, duökï kɔc ke Juda bï tɔ mɛt röt në awänydun yic. Duökï ee lɔ Gilgal, ku duökï lɔ Bethaben, ku duökï ee kuëëŋ në rin ke Bɛ̈nydït pïïr.

Ɣodh 5:8

Kuɔthkï kɛŋ ke tɔŋ në Gibia, ku lɛ̈kkï kɔc ke Rama. Kiɛɛukï tɔŋ në Bethaben. Guiɛɛrkï röt baai de Benjamin ee wek abï tɔŋ miɔ̈ɔ̈c.

Romai 9:27

Ku Yithaya ee cööt në këde Yithriɛl an, “Na cak mïth ke Yithriɛl juëc acïtkï nɔn ë liɛɛt nu wɛ̈ɛ̈r yɔu, ee kɔc lik cï döŋ tei, kek abï kony wëi.

Jocua 11:4

Agokï guëër në kɔckɛn ke tɔŋ, kɔc juëc aläl cït liɛɛt de wɛ̈ɛ̈r yɔu. Ku de nïïm Jöŋgöör juëc aläl, ayï abëël ke tɔŋ juëc aya.

Jocua 18:12

Pinyden të lɔ rut, aa gɔl rɔt në Jordan kɔ̈u, ku tëëk në Jeriko kɔ̈u baŋ të lɔ rut, ku gut piny ë kuur të lɔ aköl athɛ̈i, ku le ë jɔ̈ɔ̈r de Bethaben.

Jocua 7:2

Ku Jocua acï kɔc kɔ̈k tooc ë Jeriko, tooc keek Ai, wun dïït tɔ̈u në Bethel kɔ̈u baŋ të lɔ aköl amiäk, në Bethaben lɔ̈ɔ̈m, lek piny caath. Na wën, acïk piny lɔ caath,

Bäny 7:12

Na wën, go kɔc ke Midian, ku kɔc ke Amalek, ku kɔc rɛ̈ɛ̈r ë biäk të lɔ aköl amiäk bɛ̈n piɔ̈ɔ̈t në wakic cït lönydïït ë kɔyɔm ku keek adekï thɔ̈rɔ̈ɔ̈l juëc cïï lëu në kuɛ̈n, thɔ̈rɔ̈ɔ̈l cït liɛɛt ë wɛ̈ɛ̈r yɔu.

1 Tham 13:11

ago Thamwɛl lueel an, “Eeŋö cï looi?” Go Thaulo puɔ̈k nɔm en an, “Kɔc aake gɔl jäl ku nyiëëŋkï ya piny, ku yïn kën bɛ̈n aya, cït man wään cï yïn e lueel, ku däŋ aya, kɔc ke Pilithiin acïk kenïïm kut në Mikmac.

1 Tham 13:2

Ago Thaulo aguum kadiäk 3000 ke rem de tɔŋ guiir, ku tɔ aguum kaarou dɔ̈ŋ në yen ë Mikmac ku në piny ë kuur ë Bethel yic, ku tooc agum 1000 de rem ë tɔŋ kekë wënde Jɔnathan bïk lɔ Gibia, piny de dhiën ë Benjamin. Ku tɔ Thaulo kɔc kɔ̈k dɔk kenïïm baai.

1 Tham 14:23

agokï thɔ̈ɔ̈r në keek abïk ɣet ë Bethaben baŋtui. Go Bɛ̈nydït kɔc ke Yithriɛl bɛ̈n luök ee köölë.

1 Tham 14:52

Në akööl ɣɔn pïïr ë Thaulo kedhie, Thaulo aaye thiɔɔr kekë Pilithiin aläl dïïtë. Ku të cï Thaulo raan ril tïŋ ku nɔn yen jöt, aaye mat në remdɛn ë tɔŋic.

1 Tham 17:1

Na wën ke kɔc ke Pilithiin ë ke mɛ̈ɛ̈t remdɛn ë tɔŋic në Thokoth piny de Juda, ku lek piɔ̈ɔ̈t të cɔl Epeth Damim në kaam de Thoko kekë Adheka.

1 Tham 7:13

Gokï kɔc ke Pilithiin jɔ tiaam, ago Bɛ̈nydït ke pɛ̈n luɔi peec kek wuöt ke Yithriɛl wään ŋoot ë Thamwɛl ke pïïr.