1 Tham 12:9 - JAM DE NHIALIC 2011

⁹ Ku yen acï kɔc nïïm guɔ määr ë Bɛ̈nydït Nhialicden, go Pilithiin ku melik ke Mowap ku Thithera, bɛ̈ny ë rem de tɔŋ ë wun cɔl Ɣadhar piɔ̈t kekë kuarkun, ago kuarkun keek tiam.

1 Tham 12:9 ပူးပေါင်းရင်းမြစ်များ

2 Tham 7:11

Të la Yɛn bäny ee löŋ guiir kuɛ̈ny kɔckiën ke Yithriɛl, yïn bä gäm mät wekë kɔc dɛ wek ater kedhie. Ku acä lɛ̈k yïn aya nɔn bän käudu tɔ ye melik ë yïcök.

Diɛt 106:21

Acïk nïïm määr ë Nhialic wään cï ke kony në riɛldɛn dït wään ë Rip.

Yith 63:10

ku acïk bɛ̈n rɛɛc ku tɔkï wëidït ɣerke göth. Ago Bɛ̈nydït ja aa raan de aterden ku thɛ̈ɛ̈r ke keek.

Jeremia 2:32

Duëër tiiŋ koor nɔm määr në kuatdɛn adhääp, ku nɔn ee yen nyan thiak duëër nɔm määr në lupɔɔkɛn ke thiëëk? Ku kɔckï acïk nïïm määr në Yɛn në nïn juëc cïï ke duëërë kueen.

Nyöŋ 32:18

Acïk nïïm määr në Nhialicden, Awärjäŋ Konyden, raan ë gëm keek pïïr.

Nyöŋ 32:30

Eeŋö duëër ë raan tök agum cop, ku tɔ kɔc kaarou aguum kathiëër tɔ kɔt. Bɛ̈nydït Nhialicden acï keek pɔ̈l Bɛ̈nydït Awärjäŋ acï keek nyääŋ wei.

Bäny 10:7

Go Bɛ̈nydït gɔ̈th ke keek, ago ke tɔ yɔŋ ë kɔc ke Pilithiin ku kɔc ke Ammon. Aa gɔl rɔt në thon de Jayir cök.

Bäny 13:1

Na ɣɔn ke kɔc ke Yithriɛl ë ke be kërac looi ë Bɛ̈nydït nyin, ago ke tɔ kuum ë kɔc ke Pilithiin ë run kathiërŋuan.

Bäny 2:14

Go Bɛ̈nydït piɔ̈u diu kekë kɔc ke Yithriɛl, go keek tɔ mɛk ë kɔc ee käŋ peec ku peckï keek. Acï kɔc ke aterden thiääk në keek tɔ tiam keek, ago kɔc ke Yithriɛl nïïm jɔ ciën riɛl kony kek röt.

Bäny 3:12

Na wën ke kɔc ke Yithriɛl ë ke be kërac looi në Bɛ̈nydït nyin, go Bɛ̈nydït Eglon Melik de Mowap tɔ ril awär Yithriɛl.

Bäny 3:31

Ku bɛ̈ny ee löŋ guiir däŋ ee Camagar wën ë Anath. Yen ayadäŋ ë Yithriɛl luök, në luɔi cï yen bot kadhetem (600) ke kɔc ke Pilithiin nɔ̈k në thieny ye ɣɔ̈k kuaath.

Bäny 4:2

Go Bɛ̈nydït keek tɔ peec ë Jabin, aaye melik de Kanaan mac wun ë Ɣadhor, ku bɛ̈nydɛn de rem ë tɔŋ acɔl Thithera, aa ceŋ Ɣaroceth de Ɣagoyiim.

1 Tham 12:15

Ku na cäkï röl de Bɛ̈nydït lɔ piŋ, ku lak lööŋke dhɔ̈ŋ yiic, abï piɔ̈u rɔc kekë week në melikdun.