1 Tham 12:23 - JAM DE NHIALIC 2011

²³ Na yɛn, yɛn cï kuëëŋ në Bɛ̈nydït nɔn bän aa lɔ̈ŋ në biäkdun. Kë bä looi ee luɔi bän we piööc bäk këpiɛth ku yic aa looi.

1 Tham 12:23 ပူးပေါင်းရင်းမြစ်များ

1 Mel 8:36

ke Yï jɔ lɔ̈ŋden piŋ paannhial. Pälë melik awɛ̈ɛ̈c, ku kɔc ke Yithriɛl. Wɛ̈ɛ̈të ke bïk yic aa looi. Bɛ̈nydït, tuɔɔcë deŋ ee pinyduönë nɔm, piny cï gäm kɔcku ke ye këdɛn bï kek tɔ̈u thïn ananden.

2 Lëk 6:27

Bɛ̈nydït piŋ lɔ̈ŋden paannhial, ku pälë awɛ̈ɛ̈c lïïmku kɔckuön ke Yithriɛl, ku nyuöth ë keek bïk këpiɛth aa looi. Ku Bɛ̈nydït tuöc ë keek deŋ, piny cï gäm keek bï aa këden athɛɛr.

Diɛt 122:6

Läŋkï në biäk de män ë Jeruthalem an: “Kɔc nhiaar yïn abïk kuɛth.

Diɛt 34:11

Bäkkï mïth, bäk piɛŋkï kë luɛɛl, wek bä nyuöth riëëu ye Bɛ̈nydït riëëu.

Diɛt 34:12

Na de raan kɔɔr pïïr de miɛtëpiɔ̈u ë weyiic? De raan kɔɔr bï pïïr ë run juëc ke mitpiɔ̈u?

Bɛ̈n 32:30

Na ɣɔn amiäk, ke lëk ë Mothe kɔc an, “Wek ë kërɛɛc dïït tuc thok looi. Ku ënɔɔnë, yɛn bï yanɔm puɔ̈k Bɛ̈nydït nhial në kuur nɔm ke we bä teem gum, në luɔi bï Yen we päl kërɛɛcdun.”

Kɛ̈ŋ 4:11

Yïn cä nyuöth pɛlënɔm, ku nyuöth yïn kueer yic bï yïn pïïr.

Wɛ̈ɛ̈t 12:10

Ku them bï wël ke miɛtëpiɔ̈u kɔɔr, ku në piɔ̈n ɣɛɛrde gɛ̈ɛ̈r wël yith piny.

Yith 30:21

Të cä wek määr kueer ke we lɔ ciɛɛm ku cuëëc abäk piŋ röl ke yɔ̈ɔ̈k week an, “Kueerkï pɔ̈kkï röt, tɛ̈kkï tënë.”

Jeremia 15:1

Na wën, go ë Bɛ̈nydït lɛ̈k ɛn an, “Acakaa Mothe kekë Thamwɛl kek ë läŋ Yɛn eenë, Yɛn cïï ee kɔckë duëër nyuöth kokëpiɔ̈u. Tɔ keek lɔ biic, tɔ keek jël ë Yanyin.

Jeremia 27:18

Na yek tït ë yic, ku na cath jam de Nhialic ke keek, ke takkï keek läŋ Bɛ̈nydït de rɛm, ke cïï wëu cï döŋ ë Luaŋdïtic ku ke cï döŋ ë ɣön ë bäänyic, ku ka nu ë Jeruthalem, ke ke cïï bï lɛɛr Babilonia.”

Jeremia 42:4

Ago tiët Jeremia bɛ̈ɛ̈r an, “Apiɛth arëët, Yɛn bï Bɛ̈nydït Nhialicda lɔ̈ŋ, cït man cä wek ye thiëëc, kë bïï lueel ëbɛ̈n abä lɛ̈k week. Acïn këthiin bä möny week.”

Jeremia 6:16

Go Nhialic lɛ̈k kɔcke an, “Kääckï në apɔ̈k kuɛɛr ku daaikï. Yak kuɛɛr thɛɛr luɔp ku të nu kueer piɛth. Cathkï thïn, ku wek bï rëër në mät.” Ku ayek lueel an, “Ei, acuku bï looi!”

Luɔi 12:5

Ku yok Petero a tït aloocic. Ku ɣön ë Nhialic aa ye cool ë läŋ Nhialic në biäkde.

Luɔi 20:20

Ku aŋiɛckï aya nɔn cïn en jam cä pɛ̈n week, jam duëër we muk, yɛn aaye week guiëër wël ku wɛ̈ɛ̈t week ë kɔc nïïm ayï ɣööt yiic.

Romai 1:9

Nhialic, Raan aa luööi në wëikï në wëlpiɛth ke Wënde, yen aye cäätɔdï, në luɛl aa yɛn cool ë luel këdun acïn pëk ë lɔ̈ŋdïyic,

1 Kor 9:16

Na ya cak wëlpiɛth aa guiir, ke yɛn cïn nɔm ke bän rɔt leec, yɛn cï mac thok, an, bä wëlpiɛth dhil aa guiir, yeka, amawoou në yɛn, të cän wëlpiɛth ee guiir.

Kolothai 1:28

Yen aye raan ee wok këde guiir, ke yok raan nen ëbɛ̈n ku yok raan wɛ̈ɛ̈t ëbɛ̈n në pɛlënɔm ëbɛ̈n, luɔi bï wok raan ëbɛ̈n tääu ë yenɔm ke ye piɔ̈u dikëdik ë Kërtho Yecuyic.

Kolothai 1:9

Yen aye wok cool ë läŋ Nhialic në biäkdun acïn pëk, gɔl ëkööl ɣɔn kɔn wok e piŋ, ke we bï kuɛth ë ŋïny ŋiɛc wek këde piɔ̈nde në pɛlënɔm ëbɛ̈n ku në yöŋ aa wek ka ke wëi yök yiic,

1 Theth 3:10

Wok ee cool ë lɔ̈ŋ aläl wɛ̈ɛ̈rwakɔ̈u ku aköl, ke we buk tïŋ nyïïn, agoku ka dak week ë gämdun looi abïk dikëdik.

2Tim 1:3

Aya lueel an, Thieithieei Nhialic, Raan luɔɔi ɛn këde në ŋïny aa yɛn apiɔ̈u ŋic nɔn le en gɔk, acït man ë ye kuarkuɔ ye looi, luɔi aa yɛn a nɔm tak ë këdu ë lɔ̈ŋdïyic wɛ̈ɛ̈rwakɔ̈u ku aköl.

1 Tham 12:19

agokï lɛ̈k Thamwɛl an, “Bɛ̈ny, läŋ Bɛ̈nydït Nhialicdu, ke wo cïï bï thou. Ku ënɔɔnë acuk ŋic, na ciɛk dɛk karɛckuɔn kɔ̈k, ke wok cï wäc në baŋ cïï wok melik kɔɔr.”

1 Tham 8:6

Na wën aa piŋ Thamwɛl jamdɛn kɔɔr kek melik bï keek wat, acï piɔ̈u bɛ̈n diu ku lɛ̈ŋ Bɛ̈nydït,