1 Tham 12:22 - JAM DE NHIALIC 2011

²² Bɛ̈nydït acï kuëëŋ looi, ka cïï week bï nyääŋ piny. Acï Bɛ̈nydït tak bï week tɔ ye kɔcke

1 Tham 12:22 ပူးပေါင်းရင်းမြစ်များ

1 Mel 6:13

Yɛn bï rëër në mïth ke Yithriɛl yiic, ku Yɛn cïï kɔckiën ke Yithriɛl bï puɔ̈l.”

1 Mel 8:57

Në Bɛ̈nydït tɔ̈u ke wook cït man ɣɔn tɔ̈u En ke kuarkuɔ, ë cïï wo nyiëëŋ piny,

2 Mel 14:27

Ku akën ë Bɛ̈nydït lueel nɔn bï Yen rin ke Yithriɛl cuöth bei në piny nɔm, go ke luäk bei në kueer de melik Jerobowam de Rou wën de Jowac.

2 Mel 21:14

Yɛn bï kɔc cï döŋ apïr thiäi piny, ku tääu ke në kɔc ke aterden cin, ke ke bï yɔŋ në kɔc ke aterden.

1 Lëk 28:9

Ku yïn Tholomon wëndï, ye Nhialic de wuur ŋic, ku ye luööi në yïpiɔ̈u ëbɛ̈n, ku në piɔ̈n awai. Në biäk ye Bɛ̈nydït kɔc kɔɔr piɔ̈ɔ̈th kedhie, ku ŋic guiɛɛr ëbɛ̈n ku täk ëbɛ̈n. Na lɔ lɔ kɔɔr abä yök ke nu në yïlɔ̈ɔ̈m, ku na lɔ lɔ rɛɛc, abï yïn cuɔp wei aɣet athɛɛr.

2 Lëk 15:2

go jäl le yök kekë melik Atha. Go lɛ̈k en an, “Piɛŋkï kë luɛɛl yïn melik Atha, ku wek kɔc ke Juda ku Benjamin! Bɛ̈nydït abï täu kekë week cït man täu wek në Yen. Na kaarkï, ka bäk yök, ku na wɛlkï wenïïm wei ka abï week nyääŋ piny.

Neɣe 9:17

Acïk Yï rɛɛc thok, ku mɛ̈ɛ̈rkï nïïm në këriëëc ɣɔn cï looi ëbɛ̈n, mɛ̈ɛ̈rkï nïïm në kagɛ̈iyë ke cï ke looi, në lɛcden, gokï röt lɔ̈c bɛ̈ny bï ke dak nïïm në lïïmic paan ë Rip. Ku Yïn ee Nhialic ee kɔc päl awɛ̈ɛ̈c, Yïn de nɔm kok de piɔ̈u, ku nhiëër agɔk ku cïï ee dap gɔ̈th, kok de piɔ̈ndu adït arëët, ka kɛ̈n ë ke nyääŋ piny.

Diɛt 106:8

Ku acï keek bɛ̈n kony, cït man ë gutguut cï looi, ago ke nyuöth riɛldɛn dït.

Diɛt 94:14

Bɛ̈nydït acïï kɔcke bï nyääŋ piny, acïï kɔc ke nɔmde bï pɔ̈l.

Bɛ̈n 32:12

Eeŋö bï Yïn e tɔ lueel ë kɔc ke Rip an ë yï bïï kɔcku bei Rip bä ke bɛ̈n nɔ̈k ë kuriic, ku riäär kenyïïn taitai? Du loi në diu ë piɔ̈u, ku du kërɛɛcë lui kɔcku.

Yith 37:35

Yɛn bï ee pänydïïtë kony në biäk de dhuëëŋdï ku në biäk de gutguut cä lɛ̈k awundï Debid.’”

Yith 41:17

“Të le kɔckï pïïu lɔ kɔɔr, të cïï kek röt ril wei në rou, ke Yɛn Bɛ̈nydït, Yɛn bï lɔ̈ŋden piŋ, Yɛn Nhialic de Yithriɛl, Yɛn cïï kɔckï bï kɔn päl wei.

Yith 42:16

“Yɛn bï cöörkï wat në kueer kën kek kɔn tëëk. Yɛn bï mɔ̈ɔ̈thden tɔ ye ɣɛɛr ku luɔi piny de yic ŋɔny ke lip në kenïïm. Kek gutguut cä lueel ka, ku abä ke muk ke ke cïï mär në yanɔm.

Yith 43:25

Ku ŋuɔɔt, ke Ya ye Nhialic, ee we päl awɛ̈ɛ̈ckun, Yɛn ee kënë looi në biäk ee yen ɛn. Yɛn cïï awɛ̈ɛ̈ckun bï muk ka riääk ɛn week.

Yith 43:7

Keek ayek kɔc ke nɔmdï, ku aake cak keek ke ke bï ya yiɛ̈n dhuëëŋ.”

Yith 48:11

Kë ya looi, aa looi në biäk de guöpdï, yɛn cïï rinkï bï tɔ yäär, ku cä raan däŋ tɔ rɔm dhuëëŋ ke yɛn, abï dhil aa këdï yatök, ku ye këdï yatök.”

Yith 49:15

Go Bɛ̈nydït bɛ̈ɛ̈r an, “Duëër tik nɔm määr në mɛnhde ku cïï mɛnhdɛn ë dhiëëth nhiaar? Na cak man meth nɔm määr në mɛnhde, Yɛn cïï nɔm duëër määr ë week.

Yith 63:8

Go Bɛ̈nydït lueel an, “Ayek kɔckï acïkï yɛn bï math.” Ago keek kony

Jeremia 14:21

Tak gutguutdu ku du wook biɔn gup, du ayäär bïï Jeruthalem, të de thöönyduön ë dhuëëŋ. Du löŋduön cï mac we wook dhoŋ kɔ̈u.

Jeremia 14:7

Kɔckï ayek Yɛn lɔ̈ŋ an, ‘Cakaa nɔn cï karɛckuɔ wo gaany, Bɛ̈nydït kony wook, cït man cïn gutguut lueel. Wok cï röt wɛl wei ë Yïlɔ̈ɔ̈m raan juëc, wok cï kërac wäc yïn.

Jeremia 14:9

Eeŋö ee Yïn ciët raan cï nɔm mum, eeŋö ee Yïn ciët raan de tɔŋ cïn kony? Ee yic, Bɛ̈nydït Yïn tɔ̈u we wook! Wok ee kɔcku, du wook pɛ̈lwei.’ ”

Dhiëëu 5:20

Eeŋö jɔ Yïn wok pɔ̈l në kaam mecic aya? Bä wok bɛ nyɔk ë täk ë yic?

Edhekiɛl 20:14

Ku akɛ̈n looi, në biäk bï ee kënë rinkï yiɛ̈n ayäär në juöör yiic, juöör cï yɛn tïŋ ke ya wɛ̈t Yithriɛl bei në Rip.

Edhekiɛl 20:9

Ku akɛ̈n looi, në luɔi duëër ee kënë ayäär yiɛ̈n rinkï, në biäk cän en lɛ̈k kɔc ke Yithriɛl rɛ̈ɛ̈r në juöör ceŋ kek piny an, wek bä bɛ̈ɛ̈i bei piny de Rip.

Malakai 1:2

Aye Bɛ̈nydït lueel an, “Wek nhiaar. Ku wek ee bɛ lop an, ‘Nhiaar wook adï?’ Ethau ë cie mänhë Jakop? Aguɔ Jakop nhiaar ku lac,

Math 11:26

Ee yic, Wäär, acï piath tëde yïn aya.

Jɔn 15:16

Acie week ë lɔc ɛn, ee yɛn ë lɔc week, ku tääu week tëdun an, bäk lɔ luɔk, ago mïthkun tɔ̈u: ago na de kë bäk lip tëde wäär në rinkï, ka bï gäm week.

Romai 11:1

Guɔ jɔ thiëëc an, Cï Nhialic kɔcke cuat wei? Ei! Acie yen! Yɛn aya, yɛn ee raan ë Yithriɛl, në käu de Abraɣam, në dhiën ë Benjamin.

Romai 11:29

Miɔ̈c de Nhialic ku cɔ̈l cɔɔl en kɔc, Nhialic acïï keek ee bɛ riic.

1 Kor 4:7

Eeŋa ë yï tɔ tɔ̈u pei? Ku eeŋö cath ke yïn kë kënë gäm yïn? Ku na cï gäm yïn, ka eeŋö ee yïn rɔt leec, acït man ë kë kënë gäm yïn?

Epethiei 1:12

Luɔi bï wok aa kɔc ee dhuëëŋde tɔ lec, wok kɔc cï Kërtho kɔn ŋɔ̈ɔ̈th.

Epethiei 1:6

në lɛc bï dhuëëŋ de yenpiɔ̈u aa leec dhuëëŋ cï läkëläk, dhuëëŋ cï gäm wook ëdhuëëŋ në biäk de Raan Nhiɛɛr!

Nyöŋ 14:2

Wek ee kɔc ɣeriic ke Bɛ̈nydït Nhialicdun, acï week lɔc bäk aa kɔc ke nɔmde, në kɔc ke piny nɔm yiic ëbɛ̈n, kɔc ceŋ piny nɔm.

Nyöŋ 31:17

Ku në ee köölë yɛn bï gɔ̈th wokë keek, ku päl keek. Yɛn bï ya nyin thiaan në keek ku abä keek riɔ̈ɔ̈r nyïïn në karɛc ku nuɛɛn juëc abïk keek yök. Ku në ee köölë abïk aa lop, an, “Karɛc cï wok yökë cie luöi cïï Nhialicda be tɔ̈u kekë wook?

Nyöŋ 31:6

Tɔ rɔt ril ku tɔ rɔt ee jöt. Du riɔ̈c ku du piɔ̈u pɛ̈u wei në biäkden. Në luɔi bïï Bɛ̈nydït Nhialicdun cath kekë week, acïï week bï kɔn pɔ̈l ku cïï we nyiëëŋ wei.”

Nyöŋ 31:8

Ku Bɛ̈nydït guöp abï lɔ në wenïïm tueŋ ku abï tɔ̈u ke week, ku acïï week bï kɔn pɔ̈l ku cïï we nyiëëŋ wei. Du riɔ̈c ku du piɔ̈u jieth.

Nyöŋ 7:6

Luɔikï ee kënë në baŋ ya wek kɔc ɣeriic ke Bɛ̈nydït Nhialicdun. Në kɔc ke pinynɔm ëbɛ̈n yiic acï week lɔc bäk aa kɔckɛn ke nɔmde.

Nyöŋ 9:5

Acie baŋ de piathëpiɔ̈ndun, ku yak këpiɛth looi, yeka jɔ Bɛ̈nydït week tɔ nöm pinyden. Abïï juöörkë cuɔp wei në biäk de karɛcken, ku në biäk kɔɔr Yen bïï thöndɛn wään cï lɛ̈k kuarkun döt, Abraɣam, Yithaak, ku Jakop.

Pilipoi 1:6

Ku cöökë aŋiɛc ëgɔk an, Raan ë cak luɔi piɛth ë weyiic abï thöl abïï piath ë kööl ë Yecu Kërtho.

Ɣeberuu 13:5

Duökï piɔ̈ɔ̈th ee dït në nhiëër ë kajuëc kaarkï, yak piɔ̈ɔ̈th miɛt në ka tɔ̈u në week. Në luɔi cïï Nhialic e lueel an, “Yïn cä bï nyääŋ piny aya ku yïn cä bï kɔn pɔ̈l anandï.”

Jocua 7:9

Abï kɔc ke Kanaan en jɔ piŋ, ku piŋ ë raan ëbɛ̈n, raan rɛ̈ɛ̈r ee pinyë, abïk wo gɛɛu piny ku näkkï wook wodhie! Ka bä dhuëëŋdu jɔ döt adï?”

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.