1 Tham 12:20 - JAM DE NHIALIC 2011

²⁰ Go Thamwɛl lueel an, “Duökï riɔ̈c, cakaa nɔn cä wek kërac looi, duökï kueer ë Bɛ̈nydït päl, ku luööikï ë piɔ̈ndun ëbɛ̈n

1 Tham 12:20 ပူးပေါင်းရင်းမြစ်များ

1 Lëk 28:9

Ku yïn Tholomon wëndï, ye Nhialic de wuur ŋic, ku ye luööi në yïpiɔ̈u ëbɛ̈n, ku në piɔ̈n awai. Në biäk ye Bɛ̈nydït kɔc kɔɔr piɔ̈ɔ̈th kedhie, ku ŋic guiɛɛr ëbɛ̈n ku täk ëbɛ̈n. Na lɔ lɔ kɔɔr abä yök ke nu në yïlɔ̈ɔ̈m, ku na lɔ lɔ rɛɛc, abï yïn cuɔp wei aɣet athɛɛr.

Diɛt 101:3

ku yɛn cïï kërac bï gam. Yɛn man luɔi de kɔc ee Nhialic pɔ̈l, acïn këdiën bä looi wo keek.

Diɛt 125:5

Ku të lui yïn kɔc rac këtuc luöiyë këtuc kɔc ee lööŋku rɛɛc aya. Mät abï tɔ̈u ke Yithriɛl.

Diɛt 40:4

Thieithieei në raan ee Bɛ̈nydït ŋɔ̈ɔ̈th, raan cï rɔt ee pɔ̈k yiëth ku cï yenɔm puk kɔc ee yiëth lam.

Bɛ̈n 23:25

Të la wek Ɛn aa lam, Yɛn Bɛ̈nydït Nhialicdun, wek bä thiëi kacaam ku pïïu, ku nyaai jɔɔkkun.

Bɛ̈n 32:30

Na ɣɔn amiäk, ke lëk ë Mothe kɔc an, “Wek ë kërɛɛc dïït tuc thok looi. Ku ënɔɔnë, yɛn bï yanɔm puɔ̈k Bɛ̈nydït nhial në kuur nɔm ke we bä teem gum, në luɔi bï Yen we päl kërɛɛcdun.”

Jeremia 3:1

Aye Bɛ̈nydït lueel an, “Na cï moc tiiŋde pɔ̈l, ku cï ye nyääŋ piny, ku cï lɔ ya tiiŋ de mony däŋ, acïï moc bï bɛ dök nɔm ciëën. Kënë aduëër piny tɔ rac taitai. Ku yïn Yithriɛl, yïn cï aa akɔɔrröör de röör juëc, ku akɔɔr ënɔɔnë bä rɔt dɔ̈k Ɛn!

Ɣagai 2:5

cït man cän week lɛ̈k gutguut ɣɔn bä wek bei Rip an, “Yɛn bï tɔ̈u wo week anandï, Yɛn ŋoot ke Ya tɔ̈u we week, ka duökï riɔ̈c.

Nyöŋ 10:12

“Kɔc ke Yithriɛl ënɔɔnë piɛŋkï kë kɔɔr ë Bɛ̈nydït tëde week: Lamkï Bɛ̈nydït ku luɔikï lööŋke kedhie. Nhiaarkï ku yak luööi në piɔ̈ndun ëbɛ̈n,

Nyöŋ 11:16

Duökï röt tɔ thelë wei në Bɛ̈nydïtdun lɔ̈ɔ̈m, bäk yiëth kɔ̈k lɔ lam, ku luööikï keek

Nyöŋ 31:29

Në baŋ ŋiɛc ɛn en miäk të cän thou wek bï riääk aläl, ku pɔ̈kkï röt wei në lööŋ cä lɛ̈k week, në ee nïn bɔ̈yë, riääk abï we lɔ̈ny në biäk bä wek karɛc looi ë Bɛ̈nydït nyin, ku takï rac piɔ̈u në ka looi cinkun.

Jocua 23:6

“Ka week kiɛmkï wenïïm piny, ku dɔ̈tkï këriëëc cï gɔ̈ɔ̈r në awerek de lööŋ de Mothe yic ëbɛ̈n, ku yak kë lueel looi.

1 Pet 3:16

yak cath ë piɔ̈n agɔk, ku na cakaa kek ë ye we tum gup an, yak kɔc ee kërac looi, ka bïk yäär kek kɔc ee rëërduön piɛth ë Kërthoyic lat.

1 Tham 12:19

agokï lɛ̈k Thamwɛl an, “Bɛ̈ny, läŋ Bɛ̈nydït Nhialicdu, ke wo cïï bï thou. Ku ënɔɔnë acuk ŋic, na ciɛk dɛk karɛckuɔn kɔ̈k, ke wok cï wäc në baŋ cïï wok melik kɔɔr.”