1 Tham 12:19 - JAM DE NHIALIC 2011

¹⁹ agokï lɛ̈k Thamwɛl an, “Bɛ̈ny, läŋ Bɛ̈nydït Nhialicdu, ke wo cïï bï thou. Ku ënɔɔnë acuk ŋic, na ciɛk dɛk karɛckuɔn kɔ̈k, ke wok cï wäc në baŋ cïï wok melik kɔɔr.”

1 Tham 12:19 ပူးပေါင်းရင်းမြစ်များ

Cäk 20:7

Ënɔɔnë, dɔ̈kë raan nɔm tiiŋde. Yen ee tiët, abï lɔ̈ŋ në biäkdu ka yïn cï bï thou. Ku na cïï lɔ dɔ̈k nɔm monyde, ke ŋic ëgɔk nɔn bïn thou wekë kɔcku kedhie.”

Jop 37:13

Ee käŋ tɔ loi röt ë piny nɔm, të ciɛk en aa luöi de nɔm, ku nɔn yen kokëpiɔ̈nde, aye tɔ loi rɔt.

Jop 42:8

Ë nɔɔnë, nöm miöör kadhorou, ku nyök amɛ̈l kadhorou, yiɛ̈n ë ke Jop bï ke lɔ gam ke ke ye miɔ̈c näk, ku lɛ̈ŋ në biäkdun, ku Yɛn bï lɔ̈ŋde piŋ, ku wek cä bï yɔ̈ɔ̈r gup në ayär röŋ ke week. Wek kën jam në yith në biäkdï cït man ë yen.”

Bɛ̈n 10:17

Ku ënɔɔnë, pälkï yɛn ee kërɛɛcdiënë, ku läŋkï Bɛ̈nydït Nhialicdun takï nyɛɛi këtuucë tëde yɛn, ee kë nɛ̈k.”

Bɛ̈n 32:30

Na ɣɔn amiäk, ke lëk ë Mothe kɔc an, “Wek ë kërɛɛc dïït tuc thok looi. Ku ënɔɔnë, yɛn bï yanɔm puɔ̈k Bɛ̈nydït nhial në kuur nɔm ke we bä teem gum, në luɔi bï Yen we päl kërɛɛcdun.”

Bɛ̈n 9:28

Ka week, läŋkï Bɛ̈nydït! Wok ë bec në rel ë deŋ, ku kɔɔi! Acä gam nɔn bän we tɔ jäl. Wek cï bï bɛ rëër eenë.”

Yith 26:16

Bɛ̈nydït Yïn cï kɔcku luöi këtuc në arɛɛm gokï Yïn lɔ̈ŋ.

Jeremia 15:1

Na wën, go ë Bɛ̈nydït lɛ̈k ɛn an, “Acakaa Mothe kekë Thamwɛl kek ë läŋ Yɛn eenë, Yɛn cïï ee kɔckë duëër nyuöth kokëpiɔ̈u. Tɔ keek lɔ biic, tɔ keek jël ë Yanyin.

Jeremia 27:18

Na yek tït ë yic, ku na cath jam de Nhialic ke keek, ke takkï keek läŋ Bɛ̈nydït de rɛm, ke cïï wëu cï döŋ ë Luaŋdïtic ku ke cï döŋ ë ɣön ë bäänyic, ku ka nu ë Jeruthalem, ke ke cïï bï lɛɛr Babilonia.”

Jeremia 37:3

Na wën ke melik Dhedekia, ë toc Jeɣukal wën de Celemia, ku Dhepania wën de Maathia, bɛ̈ny de kake Nhialic, bïk tiët Jeremia luɔp në luöi bï yen Bɛ̈nydït Nhialicda lɔ̈ŋ, në biäk ë jurda.

Jeremia 42:2

Agokï lɛ̈k tiët Jeremia an, “Loi kë lɛ̈kku yïn! Läŋ Bɛ̈nydït Nhialicda ë biäkda. Läŋë ë biäkda wodhie, wok kɔc cï poth. Ɣɔn thɛɛr wok juëc, ku ënɔɔnë, wok cï döŋ ke wo lik cït man woi yïn en.

Malakai 1:9

Kë cïï Bɛ̈nydït de rɛm lueel kï an, “Ku ënɔɔnë, läŋkï Nhialic në wepiɔ̈ɔ̈th, ke bï piɔ̈u bɛ kok kekë week. Yak tak duëër week gam në ee miɔ̈cduön cït kë yak gäm Ee në?

Kuɛ̈n 21:7

Go kɔc ke Yithriɛl bɛ̈n tëde Mothe, ku luelkï an, “Wok cï wööc, në biäk cïï wok yï jääm guöp, ku jiëëmku Bɛ̈nydït guöp. Ku ënɔɔnë, läŋ Bɛ̈nydït bïï karɛc nyaai në woyiic. Go Mothe lɔ̈ŋ në biäk de kɔc.

Luɔi 8:24

Go Thimon bɛ̈ɛ̈r an, “Läŋkï Bɛ̈nydït në këdï, ke bï ciën kë bï bɛ̈n ë yaguöp në ka wën cäk lueel.”

Jakop 5:15

Ku lɔ̈ŋ nu gäm thïn yen abï raan tök kony, go Bɛ̈nydït jat nhial, ku na de karɛc cï looi, ka bï kë päl en.

1 Jɔn 5:16

Na de raan tïŋ mɛnhkënë ke loi kërac, ku cie kërɛɛc ee thuɔɔu bɛ̈ɛ̈i, ke lip, ka bï gäm pïïr në këde kɔc loi kërɛɛc cïï thuɔɔu ee bɛ̈ɛ̈i. Kërɛɛc ee thuɔɔu bɛ̈ɛ̈i anu: acä luel nɔn bï en lɔ̈ŋ në këde.

1 Tham 12:13

“Yekï ënɔɔnë yen melik cäk lɔc, ee wek ë kɔɔr en, ku ënɔɔnë acï Bɛ̈nydït gäm week.

1 Tham 12:17

Piny cie mɔ̈i ënɔɔnë të ye agamɔ tem, cie täu de ka? Ku yɛn bï lɔ̈ŋ, ke Bɛ̈nydït bï deŋ tɔ rel ku tueny deŋ, ku të cïï kënë tuöl, ka bäk ŋic nɔn yen awäny dït yen cäk luöi Bɛ̈nydït, në kë cä wek Yen thiëc ë melik.”

1 Tham 12:20

Go Thamwɛl lueel an, “Duökï riɔ̈c, cakaa nɔn cä wek kërac looi, duökï kueer ë Bɛ̈nydït päl, ku luööikï ë piɔ̈ndun ëbɛ̈n

1 Tham 12:23

Na yɛn, yɛn cï kuëëŋ në Bɛ̈nydït nɔn bän aa lɔ̈ŋ në biäkdun. Kë bä looi ee luɔi bän we piööc bäk këpiɛth ku yic aa looi.

1 Tham 7:5

Go Thamwɛl kɔc ke Yithriɛl cɔɔl bïk kenïïm lɔ mat të cɔl Midhpa, ku lëk keek an, “Yɛn bï Bɛ̈nydït lɔ lɔ̈ŋ në biäkdun ëtɛ̈ɛ̈n.”

1 Tham 7:8

agokï lɛ̈k Thamwɛl an, “Ee Bɛ̈nydït Nhialicda lɔ̈ŋ ë ceŋ, ke wo cïï kɔc ke Pilithiin bï nɔ̈k.”

1 Tham 8:6

Na wën aa piŋ Thamwɛl jamdɛn kɔɔr kek melik bï keek wat, acï piɔ̈u bɛ̈n diu ku lɛ̈ŋ Bɛ̈nydït,