1 Tham 12:10 - JAM DE NHIALIC 2011

¹⁰ Na wën ke ke jɔ dhiau ku lɛ̈ŋkï Bɛ̈nydït bï keek kony an, ‘Wok cï awäc looi, në biäk cï wok kueerdu puɔ̈l Bɛ̈nydït, ku lamku yiëth ke Baal ku Acetaroth. Kony wook në kɔc ke aterda, ku Yïn buk lɔ̈ŋ!’

1 Tham 12:10 ပူးပေါင်းရင်းမြစ်များ

Diɛt 106:44

Ku Nhialic ee ŋoot ke piŋ dhiënden ago piɔ̈u kok kekë nuanden.

Yith 26:16

Bɛ̈nydït Yïn cï kɔcku luöi këtuc në arɛɛm gokï Yïn lɔ̈ŋ.

Yith 33:22

Tɔŋdɛn biökkï në abëël wïïrken yiic acïnkï thaarden, acïn raan bï jam ë gɛ̈ɛ̈r luɛɛl! Wo bï kajuëc ke rem de tɔŋ de ater tɛ̈k röt, ku abïk juëc aläl ayï ŋɔl abïï tɛ̈k. Bɛ̈nydït guöp yen abï aa meliŋda, abï we mac ë Yen ku gël wook.

Jocua 13:31

Ku mɛt biäk de Giliyad thïn, kekë Acetaroth, ku Ederi, ku pɛ̈ɛ̈nydït ke ciɛɛŋ ɣɔn cieŋ ë melik Og në Bacan. Kek wuöt ë gëmë biäk de dhiën ë Manatha ka, mïth baai ke ɣön ë Makir thok, wën ë Manatha.

Bäny 10:10

Na wën ke kɔc ke Yithriɛl ë ke läŋ Bɛ̈nydït, an, “Wo cï karɛc luöi Yïn, wok cï Nhialicda puɔ̈l ku yok Baal lam.”

Bäny 2:11

Na ɣɔn ke kɔc ke Yithriɛl ë ke jɔ kërac looi në Bɛ̈nydït nyin, ku yek Baal lam.

Bäny 2:13

Acïk Bɛ̈nydït pɔ̈l në läm ku lɛmkï Baal kekë Acetaroth.

Bäny 3:15

Na wën ke Yithriɛl ë be dhiau në Bɛ̈nydït nɔm, go raan tuööc bïï ke luök. Raanë acɔl Eɣud wën ë Gera, Eɣud aye cam, raan dhiën ë Benjamin. Go kɔc ke Yithriɛl Eɣud tooc ke muk athölbö yïnkï Eglon Melik de Mowap.

Bäny 3:7

Kɔc ke Yithriɛl acïk kërac looi, mɛ̈ɛ̈rkï nïïm në Bɛ̈nydït Nhialicden, ku yek Baal lam kekë Acera,

Bäny 3:9

Na wën ke Yithriɛl ë dhiau ë Bɛ̈nydït nɔm, go raan tuööc bïï ke luök. Raanë acɔl Othaniɛl wën ë Kenadh, Kenadh mänhë Kalep thiinë.

Bäny 4:3

Ku yen ade nɔm bot kadhoŋuan ke abëël ke tɔŋ ke wëëth, ku yen aa yɔŋ kɔc ke Yithriɛl në yaaŋ rac ë run kathiërrou. Go kɔc ke Yithriɛl dhiau në Bɛ̈nydït nɔm bïï keek luök.

Bäny 6:7

Go kɔc ke Yithriɛl Bɛ̈nydït lɔ̈ŋ, bïï ke luäk bei në kɔc ke Midian cin.

1 Tham 7:2

Athänduŋ de Män ë Bɛ̈nydït acï bɛ̈n ceŋ arëët ë Kiriath Jiriim ë run Kathiërrou. Ku ee runkë yiic baai de Yithriɛl ëbɛ̈n acïk bɛ̈n dhiau arëët në baŋ bïï Bɛ̈nydït keek kony.

1 Tham 7:6

Agokï kenïïm lɔ kut Midhpa. Gokï pïïu gem, ku wɛ̈lkï keek piny ke ye miɔ̈c de Bɛ̈nydït, ku reeckï këcam ee köölë yic ëbɛ̈n. Gokï lueel an, “Wok cï awäc luöi Bɛ̈nydït.” (Go Thamwɛl agööth ke Yithriɛl guiir në Midhpa.)