1 Tham 11:11 - JAM DE NHIALIC 2011

¹¹ Ago Thaulo remdɛn ë tɔŋ tɛ̈ɛ̈kic në tuuŋ kadiäk në ee wɛ̈ɛ̈rë yic. Na ɣɔn amiäk adurduur, ke ke mook kɔc ke Ammon piny. Na wën aacï akɔ̈l kɔ̈ɔ̈c cil ke ke näk kɔc juëc aläl në keyiic. Ago kɔc cï döŋ ë keyiic jɔ aa kat ke ŋɛk ë cök enɔm tëde pei.

1 Tham 11:11 ပူးပေါင်းရင်းမြစ်များ

Cäk 22:14

Ago Abraɣam ëtɛ̈ɛ̈n cäk an, “Bɛ̈nydït abï aa miööc.” Ku agut cï ee köölë aye kɔc lueel an, “Në kuur ë Bɛ̈nydït nɔm abï miööc.”

2 Tham 18:2

Ku jɔ rem de tɔŋ tuɔɔc biic në kuut kadiäk, në Jowap kekë mänhë Abicai wɛ̈ɛ̈t ke Dheruia, ku Yitai raan de Gath, raan ë keyiic aa wat kuut de kɔc. Go ë melik lɛ̈k kɔcke an, “Yɛn bï lɔ wo week guöpdï.”

Diɛt 46:1

Nhialic Yen ee gëlgëlda ku riɛlda, atɔ̈u ëceŋ ke bï wo kony në akööl ke nuan.

Bɛ̈n 14:24

Ku tëthiin ye piny bɛ̈n ke ruuwë, ke Bɛ̈nydït ë luit rem de tɔŋ ë Rip ke nu në mën de biöl ë macic, ku nu në mën de piööl ë luätic, go ke tɔ riɔ̈c arëët.

Math 7:2

Jäny aa we kɔc jɔ̈ɔ̈ny, yen abï wek aa jɔ̈ɔ̈ny aya, ku thëm aa wek käŋ them, yen, abï week aa them aya.

Jakop 2:13

Raan ee käŋ looi ë giɛɛŋ, ke löŋde abï guiir ë giɛɛŋ, ku acïn kokdepiɔ̈u bï yök, ku kokdepiɔ̈u ee rɔt leec ë kööl ë guiëërëlöŋ.

Bäny 1:7

Na wën ke lueel Adonibedhek an, “Yɛn ë butbuut ku riöp ke cök ke meliik kathiërdhorou tɛ̈ɛ̈m bei kedhie, ku aake ye cam në athueithueei ee lööny piny ë yathok, cït man cän ye looi, acï Nhialic guöör.” Go lɛɛr Jeruthalem, të wään cï yen lɔ thou thïn.

Bäny 4:16

Go Barak abëël ke tɔŋ kekë rem ë tɔŋ cop të lɔ Ɣaroceth de juöör, go rem de tɔŋ de Thithera nɔ̈k kedhie. Acïn raan töŋ cï bɛ̈n döŋ.

Bäny 7:16

Ku tek kɔc bot kadiäk (300) në akuut kadiäk (3), ku ye ŋɛk yiëk cin tuŋ. Ku töny lääuwiic, ku many de kuthyuui ë tönyic.

Bäny 7:20

Ku koth rɛm kɔ̈kë kaarou tuŋken, ku näkkï töny, ku mukkï kuthyuuiken ë cin ciëmken, ku mukkï tuŋken bïk ë kooth në cin cuëëcken, ku jɔkï kiɛɛu moc an, “Abätäu ee këde Bɛ̈nydït ku ee këde Gidiɔn!”

Bäny 9:43

Ago kɔcke tɛ̈ɛ̈k yiic në diäk ku le ke buuth ë duumiic. Na wën aa lɔ Abimelek kɔc tïŋ ke ke bɔ̈ bei wutic, go rɔt gap nhial tëdɛn cï kek thiaan kekë kɔcke ku mɛkkï keek.

1 Tham 11:2

Ago Naɣac raan de Ammon bɛ̈ɛ̈r an, “Yɛn bï mät gam wo week në ee töŋë: ku töŋë ee luɔi bän nyin cuëny de raan ëbɛ̈n tuök bei në weyiic, ago kɔc ke Yithriɛl jɔ yäär kedhie.”

1 Tham 14:47

Wään cï Thaulo aa melik de Yithriɛl, go thɔ̈ɔ̈r ke kɔc ke aterde kedhie në ɣään yiic ëbɛ̈n: ë thɔ̈ɔ̈r ke kɔc ke Mowap, ku kɔc ke Ammon, ku kɔc ke Edom ku meliik ke Dhoba, ku Pilithiin. Të yen lɔ thïn ëbɛ̈n, aaye kɔc ke aterde tiaam.