1 Tham 10:6 - JAM DE NHIALIC 2011

⁶ Ku wëi ke Bɛ̈nydït abïk bɛ̈n në yïguöp ëthiäu, ka yïn bï mɛt lɔ̈ɔ̈r we keek ke we cäär, ka yïn bï rɔt waar abä aa raan mɛɛn.

1 Tham 10:6 ပူးပေါင်းရင်းမြစ်များ

Kuɛ̈n 11:17

Yɛn bï bɛ̈n piny bä bɛ̈n jam wokë week ëtɛ̈ɛ̈n. Ku Yɛn bï wëi kɔ̈k nööm në wëi wään cä gäm yïn, ku gäm ke keek. Ku abïk yïn kuɔny në nuanden, ke yï cï bï bɛ nuan yïtök.

Kuɛ̈n 11:25

Na wën, ke Bɛ̈nydït ë bɔ̈ piny në luätic, ku jiɛɛm ke Mothe. Go wëi kɔ̈k nööm në wëi wään cï gäm Mothe, ku gëm keek röördït kathiërdhorou. Na wën, alɔ wëi lɔ në keyiic, ke ke go jam cït man ë tït, ka ee luɔi kën en bɛ̈n cieŋ.

Kuɛ̈n 11:26

Ku kɔc kaarou, në ee kɔckë yiic kathiërdhorou, Eldad kekë Medad, acïk bɛ̈n döŋ wut ke ke cïï lɔ në paany ë mät thok. Ku wëi acïk bɛ̈n lɔ në kegup ëtɛ̈ɛ̈n ayadäŋ, agokï bɛ̈n jam cït tït.

Kuɛ̈n 11:29

Go Mothe lɛ̈k en an, “Eeŋö dɔm ë tiɛɛl yïn në këdï? Na ee këdï, Bɛ̈nydït aduëër kɔcke gäm wëi kedhie, ku tɔ keek ee tït kedhie.

Math 7:22

Kɔc juëc abïk ɛn yɔ̈ɔ̈k ëköölë an, “Bɛ̈nydït, Bɛ̈nydït, kënku cɔ̈ɔ̈r në rinku, ku kënku jɔɔk rac cieec në rinku, ku kënku luɔi ril looi në rinku?”

Bäny 14:6

Go riɛl ë Wëi ke Bɛ̈nydït bɛ̈n ë yeguöp, go köör ŋuany gëm ku reetic cït kë ret amɛthɔ̈kic, ke cïn kë muk ë yecin. Ku akën kë cï looi lɛ̈k wun kekë man.

Bäny 15:14

Na wën aacï ɣëët Leɣi, go kɔc ke Pilithiin bɛ̈n të nu yen ke ke kïïu. Go Wëi ke Bɛ̈nydït guɔ bɛ̈n ë yeguöp ëthiäu ku tɔ ril. Go awiɛɛth ë tɔ̈u ë ye kök ku yecin guɔ ciët alanh cï dëp ë mac, ku jɔkï guɔ lööny wei.

Bäny 3:10

Othaniɛl aaye bɛ̈ny ë lööŋ guiir ë Yithriɛl, na wën ke Wëi ke Bɛ̈nydït ë ke bɔ̈ ë yeguöp, go Othaniɛl lɔ tɔŋ, ago Bɛ̈nydït yen tɔ tiam Kucan Ricathiam melik de Methopotamia.

1 Tham 10:10

Na wën aa ɣeet Gibia, ke räm kekë tït juëc, ago wëi ke Nhialic ye dɔm arëët, ago käŋ caar kekë tït ëtök.

1 Tham 10:9

Na wën aa jäl Thaulo në Thamwɛl lɔ̈ɔ̈m, go ë Nhialic puk piɔ̈u. Ago këriëëc cïï Thamwɛl lueel ëbɛ̈n rɔt looi ee köölë.

1 Tham 11:6

Na wën, aa piŋ Thaulo ee kënë, ke dɔm ë Wëi ke Nhialic, ago ŋeeny arëët.

1 Tham 16:13

Go Thamwɛl miök de olip nööm ku wɛ̈l ë Debid nɔm në wɛ̈ɛ̈tëkɔcken nïïm. Gɔl ëtɛ̈ɛ̈n, ku le tueŋ, Wëi ke Bɛ̈nydït acïk bɛ̈n tɔ̈u në Debid guöp. Ku jɔ Thamwɛl rɔt bɛ̈n puɔ̈k Rama.

1 Tham 19:20

go Thaulo kɔc lɔ Debid dɔm tuɔɔc. Na wën aa lek ɣëët, ke ke tïŋ kut de tït ke ke cɔ̈ŋ, ku caarkï käŋ, ku tïŋkï Thamwɛl anu në tït nïïm tueŋ, Ago Wëi ke Nhialic tuuc ke Thaulo dɔm arëët agokï mɛt lɔ̈ɔ̈r cɔ̈ŋkï, ku caarkï käŋ ayadäŋ.