1 Tham 10:22 - JAM DE NHIALIC 2011

²² Agokï Bɛ̈nydït bɛ luɔp an, “Nu raan cï lɔc ënou? Nu në woyiic eenë?” Go Bɛ̈nydït bɛ̈ɛ̈r an, “Yeka cï thiaan në yuöötic tɛ̈n?”

1 Tham 10:22 ပူးပေါင်းရင်းမြစ်များ

Cäk 25:22

Rebeka aliac në acuek. Na wën, aŋoot acuek ke ke kënë guɔ dhiëëth, acïk röt bɛ̈n giŋ në yeyäc. Ago Rebeka gäi, ku lueel an, “Eeŋö duëër ë kë cït ee kënë rɔt luöi yɛn?” Go Bɛ̈nydït lɔ luɔp në kë loi rɔt.

2 Tham 2:1

Na wën ke Debid ë lop Bɛ̈nydït an, “Duëër lɔ bä wun tök lɔ nööm në wuöt ke Juda yiic?” Go Bɛ̈nydït lɛ̈k Debid an, “Lɔɔr.” Go Debid thiëëc an, “Ee wunnou bän lɔ thïn?” Go Bɛ̈nydït puk nɔm an, “Lɔɔr Ɣebron.”

2 Tham 21:1

Ɣɔn ye Debid melik, cɔŋdït acï bɛ̈n tuöl, abïï run kadiäk lɛɛr. Go Debid Bɛ̈nydït lɔ̈ŋ. Go ë Bɛ̈nydït lɔ̈ŋde piŋ, ku puk nɔm en an, “Thaulo kekë dhiënde adekï gup aciɛɛn, në biäk cï kek kɔc ke Gibiɔn nɔ̈k.”

Kuɛ̈n 27:21

Ku ë ye këde Eleyadhar piŋ, bɛ̈ny de kake ke Nhialic, raan bï yen aa lɔ yïn jam tëde Yurim ku Thumimnë Bɛ̈nydït nɔm. Ku Jocua kedhie kekë akutnɔm de kɔc ke Yithriɛl ëbɛ̈n, abïk aa cath në kë cïï Eleyadhar lueel.

Luk 14:11

Raan ëbɛ̈n raan ee rɔt tɔ dït abï tɔ koor, ku raan ee rɔt kuɔɔr piny, yen abï tɔ dït.”

Bäny 1:1

Na ɣɔn në thon de Jocua cök, ke kɔc ke Yithriɛl ë ke lɔ tëde Bɛ̈nydït bïk kë lee lɛ̈k keek lɔ piŋ. Gokï Bɛ̈nydït thiëëc an, “Ee dhiën nou në dhiënkuɔ yiic, dhiën bï lɔ tueŋ, ago tɔŋ lɔ thɔ̈ɔ̈r kekë Kanaan?”

Bäny 20:18

Go kɔc ke Yithriɛl lɔ Bethel, ku lopkï Nhialic an, “Eeŋa në woyiic bï kɔn lɔ tueŋ të le wok thɔ̈ɔ̈r ë kɔc ke Benjamin?” Ago Bɛ̈nydït bɛ̈ɛ̈r an, “Dhiën ë Juda abï lɔ tueŋ.”

1 Tham 10:21

Na wën ke Thamwɛl ë tɔ dhiën de Benjamin tɔ cut röt ke cath në bɛ̈i, go baai de Matari lɔ̈c bei. Ago baai de Matari bɛ tɔ cut rɔt ke cath në kɔc, go Thaulo wën ë Kic lɔc. Na wën an kɔɔr, ke yök ke liu në kɔc yiic.

1 Tham 14:37

Ago Thaulo Nhialic luɔp, an, “Bä lɔ piny la Pilithiin mak? Bä keek tɔ tiaam?” Ku Nhialic akën lopde bɛ̈n bɛ̈ɛ̈r ee köölë.

1 Tham 15:17

Ago Thamwɛl lueel an, “Cakaa wään yïn rɔt tɔ cïn naamdu, kɛ̈në bɛ̈n aa bɛ̈ny de dhiëën ke Yithriɛl? Bɛ̈nydït acï yïn dɔm ke yï ye melik de Yithriɛl.

1 Tham 22:10

Go Aɣimelek Bɛ̈nydït luɔp në biäkde, ku miɔɔc në këcam ku gëm tɔŋ de Goliath raan de Pilithiin.”

1 Tham 23:9

Na wën aa lɔ Debid ye piŋ nɔn kɔɔr ë Thaulo bï yen mak, go Abiathar bɛ̈ny de kake Nhialic yɔ̈ɔ̈k, an, “Bɛ̈ɛ̈iyë lupɔ de ajïpɔ eenë.”

1 Tham 30:7

Go Debid lɛ̈k Abiathar wën ë Aɣimelek, bɛ̈ny de kake Nhialic an, “Gamë yɛn ajïpɔ,” go Abiathar ajïpɔ yiɛ̈n en.

1 Tham 30:8

Go Debid Bɛ̈nydït luɔp an, “Bä lɔ ee kɔckë cök? Ku bä keek gïth?” Go puɔ̈k nɔm en an, “Lɔ ë kecök abä ke lɔ gïth, ku yïn bï kɔc cï peec dɔ̈k nïïm ciëën.”

1 Tham 9:21

Ago Thaulo bɛ̈ɛ̈r an, “Yɛn ee raan de Benjamin, dhiën koor ë dhiëën ke Yithriɛl yiic, ku ɣönda yen ee ɣön koor aläl në dhiën ke Benjamin yiic, ka eeŋö duëër yïn ya lɛ̈k kë cït ee kënë?”