1 Tham 10:11 - JAM DE NHIALIC 2011

¹¹ Na wën aa tïŋ ë kɔc ŋic en nɔn cɛɛr en käŋ kekë tït ëtök, ke ke lop an, “Eeŋö ë wën ë Kic dɔm? Cï Thaulo bɛ̈n aa tiët nɛn däŋ aya?”

1 Tham 10:11 ပူးပေါင်းရင်းမြစ်များ

Amoth 7:14

Go Amoth pɔ̈k nɔm Amadhia an, “Yɛn cie tiët ku cä ye wën ë tiët, yɛn ee tïn ë thök, ku ya tiim ke ŋaap döt.

Amoth 7:15

Go Bɛ̈nydït a jɔt tëdiën ë yan thök kuany cök, ku lëk ɛn an, ‘Lɔ Yithriɛl, lɔ jäämë kɔckï ëtɛ̈ɛ̈n.’

Jɔn 7:15

Go Judai gäi, ku luelkï an, “Raanë ëŋic wël adï, ku kënë kɔn wɛ̈ɛ̈t anande?”

Luɔi 3:10

ku aŋickï nɔn ee yen raan wään ë rëër ke lip ë kal ë luaŋdïït ë Nhialic thok, kal thoŋ cɔl Läkëläk: agokï gäi arëët abïk nïïm mum në kë cï tïc tëde ye.

Luɔi 4:13

Na wën, aa cïk ŋeeny de Petero tïŋ kekë Jɔn, ku ŋickï keek nɔn ee kek röör kënë wɛ̈ɛ̈t, acïn kajuëc ŋickï agokï gäi, ku jɔkï kenïïm tak në cath ë ye kek cath në Yecu wään.

Luɔi 9:21

Go kɔc piŋ jamde agokï gäi kedhie, ku thiëckï röt an, “Kënë cie yen ee raan wään ee kɔc yɔŋ, kɔc ee rinkë cɔɔl ë Jeruthalem, ku bï ee tënë, luɔi bï en keek lɛɛr ë bänydït ke ka ke Nhialic nïïm ke ke mac?”

1 Tham 19:24

Ago lupɔɔke yɔ̈ɔ̈t bei, ku cɔ̈ŋ, ku cɛɛr käŋ në Thamwɛl nɔm, ku tɔ̈ɔ̈c piny ke cïn kɔ̈u lupɔ, ee köölë ëbɛ̈n, ku niin në yekɔ̈u ë wɛ̈ɛ̈ric ëbɛ̈n. (Yen të ë bïï ë kääŋ ka, an, “Ayï Thaulo ayadäŋ cï bɛ̈n aa tiët?”)