1 Tham 1:26 - JAM DE NHIALIC 2011

²⁶ Go Ɣana Eli luɔp an, “Ŋic ɛn ënɔɔnë bɛ̈ny? Ee yɛn tiiŋ wään bï Bɛ̈nydït lɔ̈ŋ në yïlɔ̈ɔ̈m eenë ke kääc.

1 Tham 1:26 ပူးပေါင်းရင်းမြစ်များ

Cäk 42:15

Piɛŋkï, kë bï week jɔ tɔ ŋic ëgɔk kï nɔn cä wek ee nëëm: yɛn ë kuëëŋ në rin ke melik nɔn cä wek bï jäl wut eenë, abäk mänhëduön thiinë kɔn bɛ̈ɛ̈i eenë.

2 Tham 11:11

Go Yuria lɛ̈k Debid an, “Röör ke Yithriɛl, ku Juda anukï ë tɔŋic, ku Athänduŋ de Bɛ̈nydït atɔ̈u ke keek, ku bɛ̈nydï Jowap kekë bänykï arëërkï ë jɔ̈ɔ̈ric. Eeŋö duɛ̈ɛ̈r ɛn lɔ ɣöndï la cam ku dɛ̈k ku tääc ɣööt wokë tiiŋdï? Yɛn cï kuëëŋ në pïïrdï yic, yɛn cïï kë cït ee kënë bï looi!”

2 Tham 14:19

Go melik tik thiëëc an, “Cï Jowap yïn yɔ̈ɔ̈k an bä kake lueel kedhie? Go tik lueel an, “Yɛn cï kuëëŋ në ka ɣeriic ëbɛ̈n, yïn bɛ̈nydï, acïn luɔi duɛ̈ɛ̈r ɛn thiëc cït ee kënë jai ke cä bɛ̈ɛ̈r. Ee Jowap bɛ̈nyduön de rem ë tɔŋ yen ë lɛ̈k ɛn kë bä looi ku ka bä lɛ̈k yïn.

2 Mel 2:2

go Elija Elica yɔ̈ɔ̈k an, “Dɔ̈ŋë eenë, yïn läŋ, Bɛ̈nydït acï a tuɔɔc Bethel.” Go Elica lueel an, “Yɛn cï kuëëŋ në rin ke Bɛ̈nydït pïïr, ku në pïïrdu, yïn cä bï pɔ̈l.” Agokï lɔ Bethel.

2 Mel 2:4

Na wën, ke Elija yöök Elica an, “Elica, dɔ̈ŋë eenë, yïn läŋ, yɛn cïï Bɛ̈nydït tuɔɔc Jeriko.” Go lueel an, “Yɛn cï kuëëŋ në rin ë Bɛ̈nydït pïïr, ku në pïïrdu, yïn cä bï pɔ̈l.” Agokï lɔ Jeriko.

2 Mel 2:6

Na wën, ke Elija yöök Elica, an, “Dɔ̈ŋë eenë, yïn läŋ, yɛn cïï Bɛ̈nydït tuɔɔc Jordan.” Go lueel an, “Yɛn cï kuëëŋ në rin ke Bɛ̈nydït pïïr, ku në pïïrdu, yïn cä bï pɔ̈l.” Agokï lɔ kaarou.

2 Mel 4:30

Go man meth Elica yɔ̈ɔ̈k an, “Yɛn cï kuëëŋ në Bɛ̈nydït pïïr, ku në riëëu riëëu ɛn yïn, yïn cä bï pɔ̈l.” Go rɔt jɔt, ku kuɛny cök.

1 Lëk 4:10

Go Jabedh Nhialic de Yithriɛl lɔ̈ŋ an, “Thieei ɛn Nhialic, ku miɔc ɛn ë piny lääu, ku bä tɔ̈u wek ë yɛn, ago yɛn aa gël ë karɛc bï ya tɔ yök arɛɛm.” Go Nhialic yen gäm këdɛn cï thiëëc ë lɔ̈ŋde yic.

1 Tham 17:55

Wën tïŋ ë Thaulo Debid ke lɔ piɔ̈t ke Goliath, Thaulo acï Abener bɛ̈ny de remdɛn ë tɔŋ bɛ̈n luɔp an, “Abener, eeŋa de ee wëndɛnë?” Go Abener bɛ̈ɛ̈r an, “Akuöc bɛ̈nydï.”

1 Tham 20:3

Go Debid bɛ̈ɛ̈r an, “Aŋic ë wuur nɔn nhiɛɛr yïn ɛn, ka amuny yïn ee kënë ke cï bï ŋic, ke yï cïï piɔ̈u bï dhiau. Ku alɛ̈k yïn eenë në Bɛ̈nydït nɔm, an yɛn ë thiɔ̈k aläl wokë thuɔɔu!”

1 Tham 25:26

Ku ënɔɔnë cït man cïï Bɛ̈nydït yïn tiit, ke yïn kën raan nɔ̈k, ku kɛ̈në rɔt guöör në ciindu, yɛn kuëëŋ në rin ke Bɛ̈nydït, ke ya rɛ̈ɛ̈r në yïnɔm eenë. Kɔc ke aterdu, ku kɔc kɔɔr bïk yïn luöi kërac, abïk ciët Nabal.