1 Tham 1:18 - JAM DE NHIALIC 2011

¹⁸ Ago Ɣana lueel an, “Tɔ lïmdu yök këpiɛth ë yïnɔm.” Go jɔ jäl, ku le cam. Akën piɔ̈u bɛ̈n bɛ diu.

1 Tham 1:18 ပူးပေါင်းရင်းမြစ်များ

Cäk 32:5

Yɛn de nɔm ɣɔ̈k, ku thök, ku mul, ku lïïm röör ku diäär. Ku yïn yiɛ̈n thök bɛ̈nydï, në luɔi kaar ɛn kok de yïn piɔ̈u.”

Cäk 32:6

Ago kɔc ë tooc ë Jakop kenïïm lɔ puɔ̈k en, ku lëkkï Jakop an “Wok bɔ̈ tëde Ethau wänmuuth, ku yen aa löök bɛ̈n ciëën kekë bot kaŋuan ke kɔc, ke ke bɔ̈ të nu yïnë.”

Cäk 33:15

Ago Ethau lueel an, “Na ë yeka, ke yïn bä nyäŋ kɔc kɔ̈k në kɔckï yiic.” Go Jakop puɔ̈k nɔm en an, “Acïn këdiën kɔ̈ɔ̈r keek, ee dhuëëŋ de yïpiɔ̈u yen ë kaar yetök.”

Cäk 33:8

Ago Ethau Jakop luɔp an, “Ee luuny ke ŋö, ë ka räm në yɛnë? Ku eeŋö tɔ yenɔm en?” Go Jakop puɔ̈k nɔm en an, “Ee ka kaar ɛn kok de yïn piɔ̈u.”

Diɛt 34:6

Raan kuany nyin ee Bɛ̈nydït cɔɔl, go Bɛ̈nydït këde bɛ̈ɛ̈r, ku kony në këriëëcdɛn cï ye nuaan ëbɛ̈n.

Wɛ̈ɛ̈t 9:7

Lɔ tueŋ, cam kuïndu ke yï mit piɔ̈u, ku dek mɔ̈ndu në piɔ̈n mit, Nhialic amit piɔ̈u në kakuön cï looi.

Jɔn 16:24

Aɣet cï ënɔɔnë acïn kë cäk lip në rinkï: yak lip, ke we bï aa miɔɔc, aguɔkï piɔ̈ɔ̈th miɛt abäk piɔ̈ɔ̈th a yum.

Romai 15:13

Ku ënɔɔnë, Nhialic de aŋäth ë week thiɔ̈ɔ̈ŋ piɔ̈ɔ̈th në miɛtëpiɔ̈u ëbɛ̈n kekë mät në gäm gäm wek, ke aŋäth ŋäth wek abï lɔ ke dït, në riɛl ë Wëidït ɣer.

Ruuth 2:13

Go Ruuth lɛ̈k en an, “Yïn ë ya dhuëëŋ guöp arëët bɛ̈ny. Yïn ë ya riit piɔ̈u në jam piɛɛthduön cï lɛ̈k ɛn, na cakaa nɔn cän ee raan töŋ de kɔc luui yïn.”

Ruuth 2:2

Kööl tök, ke lëk ë Ruuth Nawomi an, “Yɛn lɔ ë duumiic, la kuany ë rɛɛp cï döŋ piny ë kɔc cök. Abï dɛ raan lɔ piɔ̈u kok ke yɛn.” Go Nawomi lɛ̈k en an, “Lɔ mɛnhdï.”