1 Pet 5:9 - JAM DE NHIALIC 2011

⁹ Yak ŋɛ̈ny, abäk aa kɔc ril në gäm, në ŋïny ŋiɛc wek en an, mïthëkɔckuön nu ë piny nɔm aye katuc manë ke dhal kacït ka dhal week.

1 Pet 5:9 ပူးပေါင်းရင်းမြစ်များ

Luk 22:32

ku yɛn cï lɔ̈ŋ në biäkdu, ke gämdu cïï bï dak: ku yïn, të cï yïn yïpiɔ̈u guɔ puk, ke yï rit mïthëkɔckun piɔ̈ɔ̈th.”

Jɔn 16:33

Kakë acä ke lɛ̈k week, ke we bï dɛ mät ë yayic. Në piny nɔm ke we bï dɛ këtuc ee we dhal: riɛtkï wepiɔ̈ɔ̈th tei! Yɛn ë piny nɔm tiaam.”

Luɔi 14:22

Ku ritkï kɔcpiööcë piɔ̈ɔ̈th, yöökkï keek an, “Bïk aa tɔ̈u ë gämic apiɛth, ku an, në guöm ee wok katuc juëc guum en abï wo dhil lɔ ë ciɛɛŋ de Nhialicic.”

1 Kor 10:13

Acïn thëm cï we them pei, ee yen ë thëm töŋë jäŋ ëbɛ̈n. Ku Nhialic ee piɔ̈u adöt, acïï we bï pɔ̈l a them ë thëm cäkï duëër lëu ë guöm, ku abï kueer looi kekë thëm ëtök, kueer duɛ̈ɛ̈r wek ban thïn, luɔi bä wek e lëu në guöm.

Epethiei 4:27

Duökï jɔŋdït rac pɛ̈l të bï en rëër ë wepiɔ̈ɔ̈th.

Epethiei 6:16

ku awär käŋ nïïm kedhie, nämkï kön ë gäm, kön bä wek tɔɔŋ aciɛɛr ke raan rac aa nɔ̈k kedhie, tɔɔŋ de thook mac.

Kolothai 2:5

Ku yɛn, acakaa yɛn ë liu guöp, ke yɛn nu wokë week ë wëi yiic, ke ya mit piɔ̈u në wui wɔi ɛn kïït aa wek jamdun kiëët ku kɔ̈ɔ̈c kääc wek tëdun aril në gämduön nu ë Kërthoyic.

1 Theth 3:3

ke cïn raan bï rɔt yal në biäk de katuc dhal wookë: luɔi ŋiɛc wek en wegup, nɔn ee yen biäk de kakë yen ë dɔmë wo.

1 Tim 6:12

Ye biök ë biök piɛth biök de gäm, ye pïïr athɛɛr muk aril, en aa cɔɔlë yï aya, ku yen aa gëm yïn ë gäm piɛth ë yïthok ee cäätɔɔ juëc nïïm.

2Tim 3:12

Yeka, ku kɔc kedhie kɔc ee nyïïn riɛl an, bïk aa rëër ë Kërtho Yecuyic ke ke riëëu Nhialic, kek abï dhil yɔŋ.

2Tim 4:7

Yɛn ë biök ë biök piɛth, tëdiën an, bän lɔ pëk ë riŋ acä thöl, yɛn ë gäm ŋiëc döt.

Ɣeberuu 11:33

Gämdɛn de yic aŋäth yen aa tɔ kɔc kɔ̈k në keyiic thäär ë wuöt, abïk tɔɔŋ ke meliik tiaam, ku loikï löŋ lɔ wai ee löŋ ŋiëc tiiŋic. Gokï ka cï Nhialic kɔn lɛ̈k keek yök, në biäk de gäm de yic aŋäth acïk kɔ̈ɔ̈r bɛ̈n dɔm thook.

Ɣeberuu 12:8

Na cïï week ee dui cït man ë kë ye luöi mïth ëbɛ̈n, ke we cie mïth dïïlke, wek duëër aa dhiëthlëër.

Jakop 4:7

Yen tääu wek röt ë Nhialic cök, ku yak jɔŋdït rac ŋɛ̈ny, ke bï aa kat ë week.

1 Pet 1:6

Ku yen a ya wek piɔ̈ɔ̈th miɛt arëët, acakaa wek ë ye piɔ̈ɔ̈th dhil jiɛth tëthiinakäŋ ënɔɔnë në thëm kithic ee we them,

1 Pet 2:21

Kënë yen aye luɔi cï Kërtho käŋ guum aya në biäkdun ago we nyäŋ ke bäk dɔmic, ke we bï täude aa kuanyic.

1 Pet 3:14

Ku na cakaa wek ë gum kërac në biäk de piathëpiɔ̈u, ke we cï thieei: ku duökï ee riɔ̈ɔ̈c ë riɔ̈ɔ̈cden, ku duökï wepiɔ̈ɔ̈th ee tɔ jeth.

1 Pet 4:13

Yak piɔ̈ɔ̈th miɛt, në röm ram wek ka cï Kërtho guum në yen ëtök, na miäk, të cï dhuëëŋde rɔt nyuɔɔth aya, ke we bï piɔ̈ɔ̈th miɛt abäk piɔ̈ɔ̈th a yum.

Nyuuth 1:9

Yɛn Jɔn, mɛnhkënëdun, ku ya raan ee mat wokë week ëtök në këtuc ë wo dhal, ku yok mat ëtök aya në ciɛɛŋ de Yecu Kërtho ku në liɛɛr ë yenpiɔ̈u, yɛn aa nu tuur cɔl Patmo, në baŋ de jam ë Nhialic ku në luɔi aa yɛn cäätɔ në këde Yecu Kërtho.

Nyuuth 6:11

Go ke miɔɔc ë lupɔɔ ɣer kedhie, ŋɛk ke këde, ku ŋɛk ke këde, ku acï lɛ̈k keek, an, bïk yök ke ke lɔ̈ŋ tëthiinakäŋ, aɣet të bï kɔckɛn ee kek lïïm ëtök thök ë näk, ayï mïthëkɔcken, kɔc bï nɔ̈k cït man ë kek.

Nyuuth 7:14

Guɔ lueel, an, “Bɛ̈ny, aŋic yïn.” Ago pɔ̈k nɔm ɛn, an, “Kɔckë ee kɔc ë bɔ̈ bei ë këtucdïït ë ke dhalic, ku acïk lupɔɔken waak, tɔkï ke ɣer ë riɛm de Nyɔŋamäälic.