1 Pet 5:5 - JAM DE NHIALIC 2011

⁵ Ku week aya, wek kɔc kor, yak ka ke röördït piŋ. Yeka, week wedhie, yak wethook piëëŋ abäk kuur aa wek röt kuɔɔr piny cieŋ cït man ë lupɔ: Nhialic ee kɔc ee röt tɔ dït ŋɛ̈ny, ku ye kɔc ee röt kuɔɔr piny gäm dhuëëŋdepiɔ̈u.

1 Pet 5:5 ပူးပေါင်းရင်းမြစ်များ

2 Lëk 6:41

Ënɔɔnë, jɔt rɔt Bɛ̈nydït Nhialic, lɔɔr wekë athänduŋ de mät, kïn de riɛldu, lɔɔr ë Luaŋdïtic ku rɛ̈ɛ̈rë ëtɛ̈ɛ̈n aɣet athɛɛr. Thiei kɔckuön ke kake Nhialic, në kë yek looi yic ëbɛ̈n, ku tɔ kɔcku mit piɔ̈ɔ̈th kedhie në biäk de piathdu tëde keek.

Jop 22:29

Të ye kɔc kuɔɔr piny aye lueel an, ë ke jɔtë nhial, ku abï Nhialic ke kony.

Jop 29:14

Yɛn ceŋ piathëpiɔ̈u ku acï yɔ kuöm piny, ku yicdï acït lupɔ kekë göl ë yanɔm,

Diɛt 132:16

Yɛn bï bänykɛn ke kakë Nhialic thieei në ka yek looi yiic ëbɛ̈n, ku kɔcke abïk aa cööt ku kɛ̈tkï në miɛtëpiɔ̈u.

Diɛt 132:9

Tɔ bänykuön ke kake Nhialic loi kake Piathëpiɔ̈u ëceŋ, tɔ kɔcku cöt në miɛtëpiɔ̈u!

Diɛt 138:6

Na cakaa nɔn tɔ̈u Yïn nhial të mec, yïn ee kɔc tɔ̈u piny kony, ku kɔc ee röt lɛɛc acïkï duëër thiaan ë yïn.

Kɛ̈ŋ 25:7

Apiɛth bïï yïn yɔ̈ɔ̈k an bä ee në, në luɔi bï ë yïn tɔ yäär guöp në wɛ̈ɛ̈t meliik nïïm.

Kɛ̈ŋ 3:34

Ee kɔc ë kɔc bui gup bui gup, ku dhuëëŋ kɔc ee röt kuɔɔr piny gup.

Yith 57:15

“Yɛn adït ku Ya Nhialic ɣeric, raan tɔ̈u aɣet athɛɛr. Yɛn rɛ̈ɛ̈r të thöny ku tëɣeric, ku Yɛn ee rɛ̈ɛ̈r aya wo kɔc cï röt kuɔɔr piny ku cïk kepiɔ̈ɔ̈th puk, aguɔ keek gäm aŋäthdï, ku riëtëpiɔ̈u.

Yith 61:10

Jeruthalem amit piɔ̈u në biäk de kë cïï Bɛ̈nydït looi. Cït man ye monythiëk lupɔ dik cieŋ, ku thiäŋ nyan thiak rɔt në adhɛ̈p ke thiëëk. Acïï Nhialic kum kɔ̈u në lupɔɔ ke piathëpiɔ̈u ku tiëm.

Yith 66:2

Yɛn në guöpdï Yɛn aa cak pinynɔm! Yɛn mit piɔ̈u wo kɔc ee röt kuɔɔr piny ku gɛmkï awɛ̈ɛ̈cken, kɔc ee riɔ̈ɔ̈c në Yɛn ku yek ya riëëu.

Edhekiɛl 26:16

Meliik ke juöör ee cath wïïr ëbɛ̈n abïk bɛ̈n piny në thöcken nïïm. Abïk aluluutken yɔ̈ɔ̈t bei, ku bïïkï lupɔɔ amujuŋ ke bääny bei në kekɔ̈ɔ̈th, ku jɔkï nyuc piny ke ke lɛthë keek. Abïk riɔ̈ɔ̈c arëët në riääk cï yïn yök, ka lɛthden lɛthë ke acïï bï kɔ̈ɔ̈c.

Danyel 11:12

Abïï ë lɛc dɔm në biäk cï yen tiam, ku në baŋ de remdïït ë tɔŋ cï keek nɔ̈k, ku acïï tiëm cï yen tiam bï cuuth.

Lebai 19:32

Yak kɔc dït riëëu gup ku yak keek theek gup, yak Nhialicdun riëëu, ee Yɛn Bɛ̈nydït.

Luk 22:26

Ku week, we cïï bï ciët keek, ku raan ë weyiic në ye ciët mɛnh koor: ku raan ë ya bɛ̈ny, ka bï ya ciët raan ë kɔc luööi.

Romai 12:10

Yak röt nhiaar në nhiëër ë mïth ke raan tök, ë ŋɛk e ŋɛk riëëu awär riëëu riëëu en rɔt.

Romai 13:14

Jakkï Bɛ̈nydït Yecu Kërtho cieŋ cït lupɔ, ku duökï ee diɛɛr në karɛc kɔɔr guöp.

Epethiei 5:21

Ë ŋɛk ë tɔ̈u ë ŋɛk cök në riëëu riëëu wek Kërtho.

Pilipoi 2:3

Duökï käŋ ee looi në ater ayï lɛ̈cderɔt, yak röt kuɔɔr piny, ë ŋɛk ë ye ŋɛk riëëu awär riëëu riëëu en rɔt.

Kolothai 3:12

Yen dam wek piɔ̈n ë dap kok, cït kɔc cïï Nhialic lɔc, kɔc ɣeriic ku nhiaar ke, ku damkï dhuëëŋ, ku piɔ̈n koor, ku kuur ee raan rɔt kuɔɔr piny, ku rëër ëmääth, ku guöm de kajuëc.

1 Tim 5:1

Raandït nu ë kɔc nïïm du ye nen aläl, ye lɔ̈ŋ tei cït man ë wuur, ye dhuök tɔ cït mïthëkɔckun,

Ɣeberuu 13:17

Yak kɔc nu ë wenïïm piŋ thook, ku luöikï në kë cïk lɛ̈k week, acïkï ee bäp në luɔi ye kek cool ke ke kïït kake wëi në biäkdun, në kë yen luɔi cïï Nhialic tääu në keyiëth bïk dhil looi, yen ya wek ke tɔ lui në miɛtëpiɔ̈u ee yen aŋuän. Ku na lak ke tɔ jieth piɔ̈ɔ̈th në luɔidenic, eeŋö bïk bɛ kuöny week?

Jakop 4:6

Acie yen, ee dhuëëŋdepiɔ̈u ŋuak nyin. En a lueel en en an, “Nhialic ee kɔc ee röt tɔ dït ŋɛ̈ny, ku ye kɔc ee röt tɔ kor miɔɔc ë dhuëëŋdepiɔ̈u.”

1 Pet 3:8

Cöök ciëën, yak tɔ̈u në piɔ̈n tök wedhie, yak piɔ̈ɔ̈th dap dhiau ë röt wapäc, yak röt nhiaar cït mïth ke raan tök, yak piɔ̈ɔ̈th dap kok, yak röt tɔ kor.

1 Pet 4:1

Ku ënɔn cï Kërtho käŋ guum ë biäkda ë yeguöp, ke week aya, yak wepiɔ̈ɔ̈th tɔ thöŋ ë piɔ̈nde, raan cï käŋ guum ë yeguöp acï guɔ pɔ̈k ke kërac.

1 Pet 4:5

Kɔc bï këden lueel ë bɛ̈ny nɔm bɛ̈ny cï rɔt coc bï löŋ dap guiir löŋ de kɔc pïïr ayï kɔc cï thou.