1 Pet 5:12 - JAM DE NHIALIC 2011

¹² Yɛn ë awerek cekë tɔ luëthë week ë Thiluano, raan ŋiɛc nɔn ee yen mɛnhkënëdan adöt, acä gäär week riɛɛt ɛn wepiɔ̈ɔ̈th, ku ta rɔt ee cäätɔ në cöökë an, kënë ee dhuëëŋ de Nhialic piɔ̈u dhuëëŋ yic, dhuëëŋ kääc wek thïn.

1 Pet 5:12 ပူးပေါင်းရင်းမြစ်များ

Jɔn 21:21

Të cï Petero ye tïŋ, ke jɔ Yecu thiëëc an, “Bɛ̈nydït, ku raanë bï yiɛ̈ndï?”

Luɔi 11:23

Na wën, aa cï bɛ̈n, ago dhuëëŋ de Nhialic piɔ̈u tïŋ, ke jɔ piɔ̈u miɛt, ku yöök keek kedhie an, bïk cök ë tɔ̈u kek në Bɛ̈nydït në piɔ̈n ril.

Luɔi 15:22

Go tuuc ku röördït ku ɣön ë Nhialic ëbɛ̈n agokï löŋ mat ë kepiɔ̈ɔ̈th, an, bïk kɔc cï lɔc në remdenic tuɔɔc Antiokia, bïk cath ë Paulo kekë Baranaba, ke yï Judath cɔl Barthaba, ku Thila, röördït ë kɔc yiic,

Luɔi 20:24

Ku acïn kë ya tɔ dït ee kakë yiic, acakaa pïïrdï acä duëër theek, luɔi bän luɔidï thöl ë miɛtëpiɔ̈u, ku thɔ̈l luɔi cïï Bɛ̈nydït Yecu tääu ë yacin an, bä aa cäätɔ, bï wëlpiɛth aa guiir, wëlpiɛth ke dhuëëŋ de Nhialic piɔ̈u.

Romai 5:2

Raan cï wo liëp kueer le wook ë dhuëëŋic dhuëëŋ tɔ̈u wok thïn ënɔɔnë, në gäm cï wok gam, agoku piɔ̈ɔ̈th miɛt në ŋäth ŋɛ̈ɛ̈th wok dhuëëŋ de Nhialic.

1 Kor 15:1

Ku week, mïthëkɔckuɔ, wek aa tɔ ŋic wëlpiɛth cä kɔn guiëër week, wël wään cäk dɔm ayadäŋ, ku yek we tɔ kääc aya.

2 Kor 1:19

Wën ë Nhialic, Yecu Kërtho, raan ë wok rinke guiir ë weyiic, wo wokë Thiluano ku Timotheo, yen aacïï ye “Ɣɛɛ” ku be aa “Ei,” käŋ ayek “Ɣɛɛ” tëde yen.

2 Kor 1:24

Ku acie luɔi ee wok week cieŋ, wok ee kɔc ee week kony në miɛt bä we piɔ̈ɔ̈th miɛt: ee gämdun en a kääc wek.

Epethiei 3:3

Luɔi cï en a tɔ ŋic këcïmoony, në nyuöth cï en a nyuöth käŋ, acït man cän e gɔ̈ɔ̈r wään në wël liaakäŋ.

Epethiei 6:21

Ku ënɔɔnë, luɔi bä wek kakï ŋic, ku ŋiɛckï täu täu ɛn, we bï Tukiko tɔ ŋic käŋ kedhie, yen aye mɛnhkënëdan nhiaar, ku ye raan ë käŋ ŋiëc döt në luɔi de Bɛ̈nydït.

Kolothai 1:7

Acït man cä wek e piŋ tëde Epapara raan ë wok luui ëtök raan nhiaar. Ee raan adöt raan ë ka ke Kërtho looi ë biäkdun,

Kolothai 4:7

Täudï ëbɛ̈n abï Tukiko lɛ̈k week, ee mɛnhkënëdan nhiaar, ku ye raan ee käŋ döt ë luɔi, raan ee wok lïïm ëtök ë Bɛ̈nydïtic.

Kolothai 4:9

Yen kekë Onethimo, mɛnhkënëdan adöt ku nhiaar, ku ye raandun. Kek abï we tɔ ŋic ka cï looi eenë kedhie.

1 Theth 1:1

Yɛn Paulo, wokë Thiluano, ku Timotheo. Awerek en gɛ̈ɛ̈rku ɣön ë Nhialic de Thethalonikei nu ë Nhialic Wäädyic, ku Bɛ̈nydït Yecu Kërthoyic: Ë dhuëëŋdepiɔ̈u tɔ̈u ke week, ayï mät, në kë bɔ̈ tëde Nhialic Wääda, ku Bɛ̈nydït Yecu Kërtho.

2 Theth 1:1

Yɛn Paulo, wokë Thiluano, ku Timotheo: Awerek en gɛ̈ɛ̈rku ɣön ë Nhialic de Thethalonikei nu ë Nhialic wäädayic ku Bɛ̈nydït Yecu Kërtho:

Ɣeberuu 13:22

Wek liɛm mïthëkɔckuɔ an, Ruɔmkï wepiɔ̈ɔ̈th në pïŋ de jam de riëtëpiɔ̈u cï lɛ̈k weekë bäk dɔmic aril. Kek ka lik ë gäär week ka.

1 Pet 1:13

Yen juɔɔc wek wepiɔ̈ɔ̈th, ku yak yïn, ku yak cök ë ŋääth wek dhuëëŋdepiɔ̈u bïï yiɛ̈n week ë kööl bï Yecu Kërtho rɔt nyuɔɔth.

1 Pet 4:10

Week wedhie, të cï raan këdäŋ yök kë cï gäm en, ke teke ke mänhë kɔ̈c, en abä wek ciët kɔc piɛth cï tääu ë dhiën nɔm, kɔc ŋic dhuëëŋ ë Nhialic döt dhuëëŋ kithic.

2 Pet 1:12

Yen acän täk bï pɔ̈l, täŋ bän aa cool ë täk ɛn wenïïm ë kakë, ciɛk, an, ŋiɛckï keek, ku yak kɔ̈ɔ̈c aril në löŋ yicic, löŋ tɔ̈u ke week ënɔɔnë.

2 Pet 2:15

Kɔc cï kueer lɔ cit pɔ̈l, ku mɛ̈ɛ̈rkï, agokï kueer ë Balaam wën ë Beyor kuanyic, raan ɣɔn nhiaar ariöp de luɔi de kërac

3 Jɔn 1:12

Demeturio piathde aye lueel ë raan ëbɛ̈n, ku ye yic lueel aya: yeka ayï wook aya, wok ee cäätɔɔ luel këde, ku we ŋic kë luelku nɔn ee yen yic.

Juda 1:3

Week kɔc nhiaar, wään aa yɛn cök ë kaar ɛn gäär gäär ɛn week awerek në këde kunydewëi kuny nu wok thïn wodhie, ke ja ŋic ë yapiɔ̈u nɔn bän week dhil gäär jam riɛɛt ɛn wepiɔ̈ɔ̈th ke we bï cök ë teer në këde gäm, gäm cï yiɛ̈n kɔc ɣerpiɔ̈ɔ̈th raantök.