1 Pet 4:9 - JAM DE NHIALIC 2011

⁹ Yak röt nyuööc, ë ŋɛk e ŋɛk nyuööc, ke cïn dok aa wek dok ë weyäc.

1 Pet 4:9 ပူးပေါင်းရင်းမြစ်များ

Cäk 24:19

Na wën, acï lïm dek, ke lueel ë Rebeka an, “Yɛn bï thɔ̈rɔ̈lku lɔ yiɛ̈n pïïu ayadäŋ, ku ta ke dëk abïk kuɛth.”

Romai 12:13

Yak kakun tek në kɔc ɣerpiɔ̈ɔ̈th, të de yen kë dak keek, yak kamaan ŋic arëët.

Romai 16:23

Wek thiëëc Gayo raan cï a tɔ ye kaman, ku ye raan cï kɔc ke ɣön ë Nhialic tɔ ye kaman ëbɛ̈n. Wek thiëëc Erathato raan ë ka ke pänydït döt, kekë Kuarto mɛnhkënëda.

2 Kor 9:7

Raan ëbɛ̈n ë ye miööc ë miɔ̈cdɛn cï kiëët ë yepiɔ̈u, ke cïï gɛm në dhiën dhiɛɛu en, ku cie ciɛɛŋ cïï ye cieŋ: raan ee miööc në piɔ̈n mit en anhiɛɛr Nhialic.

Pilipoi 2:14

Yak këriëëc looi ëbɛ̈n ke we cïï piɔ̈ɔ̈th ee dok ku cäkï ee teer,

1 Tim 3:2

Raan ee kɔc gäm tiit abï dhil aa raan cïï duëërë gɔ̈k, abï aa mony de tiiŋ tök, raan ŋic rɔt muk, raan piɛth nɔm, raan ŋic rëër, ku ŋic kamaan, raan ŋic kɔc wɛ̈ɛ̈t

Tito 1:8

Ku abï aa raan ŋic kamaan, raan nhiaar këpiɛth, raan piɛth nɔm, raan ŋic löŋ piɛth lueel, raan ɣeric, raan ŋic rɔt muk.

Pile 1:14

Ku acïn kë duɛ̈ɛ̈r looi të kɛ̈n ɛn këde piɔ̈ndu piŋ, ke cïn raan bï yï cieŋ në luɔiduön ë dhuëëŋ, abï aa këde yïnpiɔ̈u etök.

Ɣeberuu 13:16

Ku duökï nïïm ee määr në luɔi de këpiɛth, thɛmkï bäk kakun aa rɔm në kɔc nuan, kënë ayadäŋ acït miɔ̈c cï gäm Nhialic, ku ee Yen tɔ mit piɔ̈u aläl.

Ɣeberuu 13:2

Ku duökï nyuuc de kamaan päl, yen këpiɛth ë looi ë kɔc ɣɔn thɛɛr ka, ɣɔn loor kek tuucnhial nïïm ku nyuuckï ke, ke ke kuckï.

Jakop 5:9

Duökï ee dok ë röt wapäc, wek mïthëkɔckuɔ, ke we cïï bï yiëk yiëth gääk. Bɛ̈ny ee löŋ guiir ka, kääc ɣöt thokë.