1 Pet 4:4 - JAM DE NHIALIC 2011

⁴ Ku kɔckë ayek gäi në luɔi rɛɛc wek röt cuat ë kërɛɛc gökdïïtë yic cït man ë kek, agokï week aa lat ë län rac.

1 Pet 4:4 ပူးပေါင်းရင်းမြစ်များ

Math 23:25

“Amawoou në week, wek kɔc ë löŋ gɔ̈ɔ̈r ku Parithai, kɔc de yäc aguk! We ye abïny rɔɔth kɔ̈u ayï aduök abïk piath, ku keyiic thïn acïk thiäŋ ë cäm de kalei, ku kuny ee raan rɔt kuöc muk.

Luk 15:13

Na leer akööl likë, ke mɛnh koor jɔ wëuke kut kedhie, ku jɔ jäl keny paan mec, go wëuke lɔ thiäi wei ëtɛ̈ɛ̈n në thuëëc thuëëc en ë käŋ.

Luɔi 13:45

Ku të cï Judai kuut ë kɔc tïŋ, ke ke dɔm tiɛɛl, ku jänykï ka lueel Paulo, ku latkï.

Luɔi 18:6

Ku të cï kek ater cak ku lɛ̈ɛ̈tkï, ke Paulo teŋ lupɔde, ku jɔ keek yɔ̈ɔ̈k an, “Ë riɛmdun tɔ̈u ë weyiëth, yɛn liu thïn, ëlë ënɔɔnë, yɛn bï lɔ tëde Juöör.”

Romai 13:13

Yok ŋiëc rëër apiɛth, luɔi ee yen aköl, yok thuëëc pɔ̈l, ku wïn ee mɔ̈u wo wit, ayï ŋɔ̈ɔ̈ŋ de tik ayï luɔi rac, ayï ater ayï tiɛɛl.

Epethiei 5:18

Ku duökï röt ee tɔ wit mɔ̈u, ee mumënɔm bɛ̈ɛ̈i, yak röt tɔ thiäŋ ë Wëidït.

1 Pet 2:12

Yak ŋiëc rëër apiɛth ë juööriic, ku na cakaa kek ë ye we tum gup, acäk ciët kɔc ee kërac looi, ka bïk Nhialic dhil lɛc nɔm ë kööl bï en kɔc bɛ̈n neem, në luɔiduön piɛth ye tïŋ.

1 Pet 3:16

yak cath ë piɔ̈n agɔk, ku na cakaa kek ë ye we tum gup an, yak kɔc ee kërac looi, ka bïk yäär kek kɔc ee rëërduön piɛth ë Kërthoyic lat.

2 Pet 2:12

Ku kɔckë, kɔc cït läi röör cïn nïïm, läi ke piny tei, läi cï cak në döm bï ke dɔm, ku ɣäth bï kek ɣäth, ayek ka kuckï lat, ku abïk määr ëtaiwei në ɣäthdɛn bï kek ɣäth,

2 Pet 2:22

Ku acï tïc tëde keek ke cït man ee kääŋ lueel kääŋ yic, an, “Jö ee yenɔm bɛ dhuöny ŋɔkke guöp, ku ŋun ë kudhur cï waak ee bɛ lɔ dal ë tiɔ̈kic.”

Juda 1:10

Ku kɔckë, të de yen ka kuckï ka yek ke lat, ku të de yen ka ŋickï në täudɛn cï cäk ke, cït man ë läi cïn nïïm, ka yek röt riɔ̈ɔ̈k ee kakë.