1 Pet 4:3 - JAM DE NHIALIC 2011

³ Akööl wään cï wan acïk dhil looi, akööl wään ee wok kamit ë Juöör piɔ̈ɔ̈th looi, kööl ë ye wok cool ë loi luɔi de dhööm, ku ŋɔ̈ɔ̈ŋ de kërac, ku dëŋ de mɔ̈u, ku thuëëc rac, ku wïn ee kɔc wit ë mɔ̈u, ku läm de yiëth col ëcut.

1 Pet 4:3 ပူးပေါင်းရင်းမြစ်များ

2 Tham 13:28

Na wën ke Abthalom ë yɔ̈ɔ̈k lïïmke an, “Woikï Amnon na cï miɔ̈l ë mɔ̈u, abä lɛ̈k week luɔi bä wek Ammon nɔ̈k. Duökï riɔ̈c. Ee yɛn ë luel en guöpdï. Riɛtkï röt ku duökï piɔ̈ɔ̈th cɔ̈m!”

1 Mel 21:26

Acï kërɛɛc mɛɛn Bɛ̈nydït looi, në luɔi yen yiëth lam, cït kë ɣɔn ye kɔc ke Amor looi, kɔc ɣɔn cïï Bɛ̈nydït thiäi wei në Yithriɛl nɔm).

2 Lëk 15:8

Na wën aa piŋ Atha wël cï tiët Adharia wën ë Oded ke caar, acï yen bɛ̈n gäm riɛl ë piɔ̈u. Ago yiëth riɔ̈ɔ̈k kedhie yiëth tɔ̈u ë Juda ku Benjamin, ku lɔ yiëth kedhie nu ë pɛ̈ɛ̈nydït cï ke peec piny ë kuur de Eparaim yic. Ku tɔ yïïŋ de Bɛ̈nydït tɔ nyɔk ë luɔi, yïïŋ nu ë kal de Luaŋdït yic cil.

Yith 28:7

Acakaa nɔn ye bäny ke kake Nhialic ku tït wiɛɛt ë mɔ̈u ku yek tuëk. Acïk wiɛɛt ë mɔ̈n tuc arëët ka yek cath ë käŋkäŋ ke ke cï nïïm nuɔɔn. Tït ke Nhialic acïk wiɛɛt ë mɔ̈n tuc ka acïkï nyuuth cïï Nhialic tuööc ee bɛ yökic, ku bäny ke kake Nhialic acïk wiɛɛt ka acïkï göny cï yiɛ̈n keek ee guiir.

Yith 5:11

Amawoou! Në kɔc ee röt jɔt miäk aduur ke ke lɔ dek ë mɔ̈n tuc, ku ruukï ke ke dek abï piny dït, abï mɔ̈u ke tuööc cït many dɛ̈p.

Yith 65:4

Wakɔ̈u ayek lɔ në kɔ̈k ku rɛ̈ŋ yiic, bïk lɔ jam në wëi ke kɔc cï thou. Ayek rïŋ ke kudhuur cï ŋuäc cam ku rïŋ ke läi cï ŋuäc ye näk yiëth.

Jeremia 16:11

Ëtɛ̈ɛ̈n jɔ lëk keek an acïï Bɛ̈nydït lueel an, ‘Kuarkun acïk röt wɛl wei në Yɛn, ku lamkï yiëth kɔ̈k ku luuikï keek. Acïk Yɛn nyääŋ piny ku cïkï wëëtdï riëëu.

Jeremia 16:18

Abä keek tɔ cut raan rou ë biäk de kërɛɛcden ku awɛ̈ɛ̈cken, ë biäk cï kek pinydï dhiöök në yiëthkɛn cïn yiic wëi cï gup cï thou, ku thiäŋkï ë yiëthkɛn Alueth.”

Edhekiɛl 44:6

“Lɛ̈kë baai de Yithriɛl ee yɛn rɛɛcë, an Yɛn Bɛ̈nydït Awärjäŋ, yɛn cïï luɔi de karɛckɛn yek looi bï bɛ guum.

Edhekiɛl 45:9

Acïï Bɛ̈nydït Awärjäŋ lueel an, “Wek cï awɛ̈ɛ̈c looi në kaam bääric, wek bäny ke Yithriɛl! Pälkï akuöörkuöör ku yaaŋ de kɔc! Luɔikï yic, ku piathëpiɔ̈u. Wek cïï kɔckï bï bɛ nyɔk ë cuɔp wek keek wei pinyden. Yɛn Bɛ̈nydït Awärjäŋ, ee Yɛn lɛ̈k week ee kënë.

Mak 7:22

kuël, wui de kalei, luɔi de kërac, ruëëny, kɔ̈ɔ̈r ë kërac, tiɛɛl, lɛ̈ɛ̈t rac, luɔi ee raan rɔt tɔ dït, cïn cïnë raan nɔm:

Luɔi 17:30

Run ɣɔn kek aye run ke kuny kuc ë kɔc käŋ, ago Nhialic lɔ lik tei, ku ënɔɔnë ë thɔn an, bï kɔc kepiɔ̈ɔ̈th puk kedhie ë piny nɔm ëbɛ̈n.

Romai 13:13

Yok ŋiëc rëër apiɛth, luɔi ee yen aköl, yok thuëëc pɔ̈l, ku wïn ee mɔ̈u wo wit, ayï ŋɔ̈ɔ̈ŋ de tik ayï luɔi rac, ayï ater ayï tiɛɛl.

1 Kor 12:2

Aŋiɛckï nɔn ee ya wek Juöör ɣɔn, kɔc ë cï thɛl roor ë yiëth cök, yiëth cïn kethook të ye jam, acït man ee we cool ë thelë we.

1 Kor 6:11

Ku kɔc kɔ̈k ë weyiic aake ye kɔc cït keek: ku ënɔɔnë we cï waak, we cï tɔ ɣerpiɔ̈ɔ̈th, we cï tɔ piɛthpiɔ̈ɔ̈th në rin ke Bɛ̈nydït Yecu Kërtho, ku në Wëidït ke Nhialicda.

2 Kor 12:21

Ku yɛn ë riɔ̈ɔ̈c, miäk, të la yɛn bɛ bɛ̈n, ke Nhialicdï acït kë bï a tɔ yäär ë weyiic, ku yɛn cït kë bï kɔc juëc dhiëëu kɔc cï kërac kɔn looi, ku kënkï kepiɔ̈ɔ̈th puk në luɔidɛn col ku kɔ̈ɔ̈r ee kek diäär kɔɔr ku dhöömden, luɔidɛn rɛɛc ë cïk aa looi.

Galatai 5:19

Ku luɔi de guöp aye tïc ëgɔk, kek kï, kɔ̈ɔ̈r ë diäär, luɔi col, dhööm,

Galatai 5:21

wui de kalei, näŋ de kɔc, wïn ee kɔc wit ë mɔ̈u, thuëëc de yic kërac, ku ka kɔ̈k cït ee kakë, ka ke guöp ka: ku akɛ̈n lɛ̈k week ënɔɔnë në këde kakë, acït man cän e kɔn lɛ̈k week ɣɔn në këden an, kɔc ee ka cït ee kake looi, acïkï Ciɛɛŋ de Nhialic bï lɔ̈ɔ̈k lak.

Epethiei 5:18

Ku duökï röt ee tɔ wit mɔ̈u, ee mumënɔm bɛ̈ɛ̈i, yak röt tɔ thiäŋ ë Wëidït.

1 Theth 4:5

ku cïï e piɔ̈u tum kërac në ŋɔ̈ɔ̈ŋ ee ye dɔm, cït man ë Juöör kuc Nhialic.

Tito 3:3

Ku wook ayadäŋ wok aaye kɔc cïn nïïm wään thɛɛr, kɔc ee löŋ rɛɛc piŋ, kɔc cï math, wok ee ye lïïm ke ŋɔ̈ɔ̈ŋ ee wo dɔm ŋɔ̈ɔ̈ŋ kithic, ku yok lïïm ke kamit yok kɔɔr ë wopiɔ̈ɔ̈th, wok aaye tɔ̈u ke wo racpiɔ̈ɔ̈th deku yiic tiɛɛl, ku man kɔc wook, ku manku röt.

1 Pet 1:14

Yak ciët mïth ee käŋ piŋ, aguɔkï cuö rɛ̈ɛ̈r ë rëërduön wään në këde ŋɔ̈ɔ̈ŋduön wään ee we dɔm në kuny aa wek këpiɛth kuc.

Juda 1:4

Luɔi de en kɔc kɔ̈k cï bɛ̈n thïn ëcuëër, kɔc cï kɔn meek ɣɔn thɛɛr, bïk këdɛn tucë yök, kɔc reec Nhialic riëëu, ku yek dhuëëŋ de Nhialicda piɔ̈u puk tɔkï ye këde dhööm, ku reeckï Bɛ̈nydïït töŋ nu ë wonïïm, Bɛ̈nydan Yecu Kërtho.