1 Pet 4:16 - JAM DE NHIALIC 2011

¹⁶ Ku na guum raan kërac në baŋ ee yen Kërthiaan, ke cïï yäär, ë lec Nhialic në rinke.

1 Pet 4:16 ပူးပေါင်းရင်းမြစ်များ

Yith 24:15

ku kɔc nu të lɔ aköl amiäk abïk piɔɔny. Kɔc rɛ̈ɛ̈r në wɛ̈ɛ̈r yɔu abïk Bɛ̈nydït, Nhialic de Yithriɛl piɔɔny.

Yith 50:7

Ku lɛ̈ɛ̈tken acïï ya bï gäm jiɛthëpiɔ̈u në biäk ye Bɛ̈nydït Awärjäŋ ya kony. Guɔ yapiɔ̈u ruut bä ke guum. Aŋiɛc nɔn cän bï yäär,

Yith 54:4

Du riɔ̈c, yïn cïï yäär bï bɛ nyɔk, ku cïï yïn bï bɛ kuɔɔr piny. Yïn bï nɔm määr në ayärduön ɣɔn yïn dhuk, ku mär nɔm në rëërdu yïtök cï tiiŋ abaar.

Luɔi 11:26

Go yök, ku bïï Antiokia. Gokï aa guëër ɣön ë Nhialic ëtök ku thölkï ruöön tök ëtɛ̈ɛ̈n, ke ke ye kut dïït ë kɔc wɛ̈ɛ̈t. Ku kɔcpiööcë aake kɔnë tɔ ye Kërthiaan në Antiokia.

Luɔi 26:28

Go Agiripa Paulo yɔ̈ɔ̈k an, “Yïn de piɔ̈u luɔi bï yïn a wëŋ në jam thiinakäŋ, ago ya tɔ ye Kërthiaan.”

Luɔi 28:22

Wo de piɔ̈ɔ̈th tei, luɔi bï wok kë bä lueel piŋ, ku na ee remë, aŋicku nɔn lueelë kɔc ater ë yen ë baai nɔm ëbɛ̈n.”

Luɔi 5:41

Gokï jäl ë löŋ nɔm, ke ke mit piɔ̈ɔ̈th nɔn cï ke tɔ ye kɔc röŋ në guöm de ayäär në baŋ de Rinke.

Pilipoi 1:20

Acït man kaar ɛn en arëët ku ŋääth an, bï ciën kë bän yäär, ku yɛn bï nyin riɛl arëët, ago Kërtho lɛc yök ë këdï ënɔɔnë, acït man ee yen en yök ëcaŋɣɔn, ayï të piëër ɛn, ayï të thuɔɔu ɛn.

Pilipoi 1:29

Acï aa këdun ë biäk aa wek Kërthiaan, acie luɔi bä wek këde Kërtho gam tei, ee luɔi bä wek kërac aa guum aya në biäkde.

2Tim 1:12

En aa guööm ɛn ee kakë aya: ku acä keek guum, ke yɛn kën yäär, në biäk ŋiɛc yɛn raan cä gam, ku aŋiɛc ëgɔk nɔn duëër en këdäŋ ŋiëc tiit kë cä kuɛ̈i yen aɣet kööl bï bɛ̈n.

Jakop 2:7

Cïkï rin ke dhuëëŋ ë läät ë län rac, rin ee we cɔɔl ë keek?

1 Pet 2:12

Yak ŋiëc rëër apiɛth ë juööriic, ku na cakaa kek ë ye we tum gup, acäk ciët kɔc ee kërac looi, ka bïk Nhialic dhil lɛc nɔm ë kööl bï en kɔc bɛ̈n neem, në luɔiduön piɛth ye tïŋ.

1 Pet 4:11

Raan guiir wël, ke ke guiir cït man ee kek wël ke Nhialic, raan loi ka ke kɔc ë looi në riɛl cïï Nhialic yiɛ̈n en: ke Nhialic bï dhuëëŋ yök në Yecu Kërtho ë këriëëcic ëbɛ̈n, Raan de nɔm dhuëëŋ ku ciɛɛŋ aɣet athɛɛr ya. Amiin.

1 Pet 4:14

Tën ee we cäk thook në biäk de rin ke Kërtho, ka ye thieithieei week, Wëi ke dhuëëŋ ku Wei ke Nhialic ë ke rɛ̈ɛ̈r ë wegup: ee ke bï aa läät tëde keek, ku ye dhuëëŋ tëde week.

1 Pet 4:19

Yen ka, kɔc ee kërac guum në këde piɔ̈n ë Nhialic ë ke ye wëiken kuɛ̈i Nhialic në luɔiden piɛth yek looi, luɔi ee yen Aciëŋ dïït ee käŋ ŋiëc döt.