1 Pet 4:14 - JAM DE NHIALIC 2011

¹⁴ Tën ee we cäk thook në biäk de rin ke Kërtho, ka ye thieithieei week, Wëi ke dhuëëŋ ku Wei ke Nhialic ë ke rɛ̈ɛ̈r ë wegup: ee ke bï aa läät tëde keek, ku ye dhuëëŋ tëde week.

1 Pet 4:14 ပူးပေါင်းရင်းမြစ်များ

1 Mel 10:8

Thieithieei ë diëërku, ku thieithieei ë kɔckuön ee yï luööiyë, kɔc ee cool ë kääc ë yïnɔm, ku yek pɛlënɔmdu piŋ!

2 Mel 2:15

Go kut ë tït rɛ̈ɛ̈r ë Jeriko ye tïŋ agokï lueel an, “Wëi ke Elija acïk nyuc në Elica guöp.” Gokï lɔ yök në yen, ku gutkï kenïïm piny ë yenɔm,

Diɛt 146:5

Thieithieei në kɔc ye konyden Nhialic de Jakop, kɔc tɔ̈u ë aŋäthden në Bɛ̈nydït Nhialinyden yic,

Diɛt 49:9

bïk wo pɛ̈n lɔ në raŋic, ku tɔkï wo pïïr aɣet athɛɛr.

Diɛt 89:51

Kɔc ke aterdu ayek raanduön cï tɔc läät Bɛ̈nydït! Ayek läät në ɣäänkɛn ye kek lɔ thïn ëbɛ̈n.

Yith 11:2

Wëi ke Bɛ̈nydït abïk En gäm pɛlënɔm, ku ŋïnydekäŋ ku tëët bï yen kɔcke ŋiëc mac. Abï këde Bɛ̈nydït piɔ̈u ŋic ku abïï riëëu,

Yith 25:8

Ku Bɛ̈nydït Awärjäŋ abï thuɔɔu riɔ̈ɔ̈k aɣet athɛɛr! Abï pïïu wɛɛc wei ë kɔc nyïïn kedhie, raan ëbɛ̈n, ku nyiɛɛi ayär cïï kɔcke nuan ë piny nɔm ëbɛ̈n. Acïï Bɛ̈nydït lueel guöpde!

Yith 51:7

“Piɛŋkï kë luɛɛl, wek kɔc ŋic piathëpiɔ̈u, kɔc tɔ̈u ë wëëtdï në kepiɔ̈ɔ̈th. Duökï ee riɔ̈ɔ̈c të lɛ̈ɛ̈t ë kɔc week ku karɛc luɛɛl ë wegup,

Math 5:11

Thieithieei ë week, të lɛ̈ɛ̈të kɔc week, ku të yɔŋë kɔc week, ku të ciëk kek wethook ë jam rac ëbɛ̈n, jam lueth, në baŋdï.

Math 5:16

Yak ɣɛɛrdun tɔ riau aya ë kɔc nïïm, abïk luɔiduön piɛth aa tïŋ, agokï Wuöörduön nu paannhial aa lɛc nɔm.

Luk 6:22

“Thieithieei week, të mɛɛnë kɔc week, ku të tɔ kek wek ë kɔc mɛɛn, ku të lɛ̈ɛ̈t kek week, ku të reec kek rinkun tɔkï ke nhiany, në baŋ de Wën ë Raan!

Jɔn 15:21

Ku abïk kakë kedhie luöi week në biäk de rinkï, në kuny kuc kek raan ë toc ɛn.

Jɔn 8:48

Ago Judai bɛ̈ɛ̈r, luelkï an, “Cie yic en luelku an, Yïn ee Thamaritan, ku de ye guöp jɔŋ rac?”

Jɔn 9:28

Agokï lat, ku luelkï an, “Yïn ee raandɛn ëpiööcë, ku wok ee kɔcpiööcë Mothe.

Jɔn 9:34

Gokï bɛ̈ɛ̈r yöökkï an, “Yïn aa dhiëth ë këracic liŋliŋ, ku bä wook wɛ̈ɛ̈t?” Agokï ciɛɛc biic.

Luɔi 13:45

Ku të cï Judai kuut ë kɔc tïŋ, ke ke dɔm tiɛɛl, ku jänykï ka lueel Paulo, ku latkï.

Luɔi 18:6

Ku të cï kek ater cak ku lɛ̈ɛ̈tkï, ke Paulo teŋ lupɔde, ku jɔ keek yɔ̈ɔ̈k an, “Ë riɛmdun tɔ̈u ë weyiëth, yɛn liu thïn, ëlë ënɔɔnë, yɛn bï lɔ tëde Juöör.”

Luɔi 28:22

Wo de piɔ̈ɔ̈th tei, luɔi bï wok kë bä lueel piŋ, ku na ee remë, aŋicku nɔn lueelë kɔc ater ë yen ë baai nɔm ëbɛ̈n.”

Luɔi 5:41

Gokï jäl ë löŋ nɔm, ke ke mit piɔ̈ɔ̈th nɔn cï ke tɔ ye kɔc röŋ në guöm de ayäär në baŋ de Rinke.

2 Kor 12:10

Yɛn a ya yɛn ë piɔ̈u miɛt ë kɔ̈c kääc ɛn, ku në lɛ̈ɛ̈t ee ya läät, ku në dak aa yɛn dak ë käŋ, ku në yöŋ ee ya yɔŋ, ku në dhäl ee käŋ a dhal, në biäk de Kërtho: kööl kääc ɛn en aye kööl riɛl ɛn.

2 Kor 4:10

Thon ë Bɛ̈nydït Yecu en ayok cool ë ɣɛ̈ɛ̈c wok en ë wogup, ke pïïr ë Yecu bï tïc ë wogup ayadäŋ.

2 Kor 4:16

Yen acïï wok ee bäp, ku na cäk jɔ tiaam en ë raandan nu biic, ke raandan nu thïn aye bɛ cool ë cuɛ̈ɛ̈cëye ë aköölnyïïn kedhie.

Galatai 1:24

Agokï Nhialic leec në këdï.

Ɣeberuu 11:26

Aa ŋic ë Mothe an wëu juëc kuöt nïïm paan ë Rip, acïkï piath de ka buk yök në guöm gum wok në kɔc ke Nhialic ëtök bï wöör, në biäk de Kërtho, aa ŋäth ariöp ŋuän nu tëde Nhialic.

Jakop 1:12

Thieithieei raan ee thëm guum, të cï en thök ë thëm, ka bï göl ë pïïr yök, göl cïï Bɛ̈nydït kɔn lueel, an, bï gäm kɔc nhiaar en.

Jakop 5:11

Tiëŋkï, wo ye kɔc ee käŋ guum tɔ ye kɔc cï thieei. We ye guöm cï Jop käŋ guum piŋ, ku we cï thök de luɔi de Bɛ̈nydït tïŋ, ŋïny ŋicë Bɛ̈nydït kɔc kuanynyïïn, ku luɔi ee yen piɔ̈u dap kok.

1 Pet 2:12

Yak ŋiëc rëër apiɛth ë juööriic, ku na cakaa kek ë ye we tum gup, acäk ciët kɔc ee kërac looi, ka bïk Nhialic dhil lɛc nɔm ë kööl bï en kɔc bɛ̈n neem, në luɔiduön piɛth ye tïŋ.

1 Pet 3:14

Ku na cakaa wek ë gum kërac në biäk de piathëpiɔ̈u, ke we cï thieei: ku duökï ee riɔ̈ɔ̈c ë riɔ̈ɔ̈cden, ku duökï wepiɔ̈ɔ̈th ee tɔ jeth.

1 Pet 3:16

yak cath ë piɔ̈n agɔk, ku na cakaa kek ë ye we tum gup an, yak kɔc ee kërac looi, ka bïk yäär kek kɔc ee rëërduön piɛth ë Kërthoyic lat.

1 Pet 4:16

Ku na guum raan kërac në baŋ ee yen Kërthiaan, ke cïï yäär, ë lec Nhialic në rinke.

2 Pet 2:2

Ku kɔc juëc abïk täudɛn ye kek käŋ riɔ̈ɔ̈k dɔmic, agokï kueer ë yic tɔ lat ë län rac.