1 Pet 4:12 - JAM DE NHIALIC 2011

¹² Wek kɔc nhiaar, duökï gäi ë thëm tuc cït mac nu ë weyiic, thëm ee we them ënɔɔnë, duökï e lueel an, ee këgäi mɛɛn pei kë cï tuöl tëde week.

1 Pet 4:12 ပူးပေါင်းရင်းမြစ်များ

Wɛ̈ɛ̈t 5:8

Të tïŋ yïn piny ayɔŋë kɔc kuanynyïïn thïn ku jɔt yicden në riɛl, ke yï du gäi. Në luɔi ye bɛ̈ny nɔm dɛ raan mät ke yen nu në yenɔm, ku ade bäny dït kɔ̈k mät ë keek nu ë kenïïm.

Yith 28:21

Bɛ̈nydït abï thɔ̈ɔ̈r cït man ɣɔn thɛ̈ɛ̈r en në kuur ë Peradhim ku në wak ë Gibiɔn yic, në luɔi de yen këdɛn kɔɔr bïï looi, cakaa nɔn dhɛl ë këde kɔc. Abï këde dhil thöl ë luɔi, yen luɔidɛn cï moony.

Danyel 11:35

Ku kɔc kɔ̈k në bänykɛn pelnïïm yiic, abïï keek nɔ̈k, ku në biäk de ee kënë kɔc abïk gup piath. Kënë abï rɔt jɔ cuuth aya agut të le ë thök bɛ̈n, kööl cï Nhialic lueel.

1 Kor 10:13

Acïn thëm cï we them pei, ee yen ë thëm töŋë jäŋ ëbɛ̈n. Ku Nhialic ee piɔ̈u adöt, acïï we bï pɔ̈l a them ë thëm cäkï duëër lëu ë guöm, ku abï kueer looi kekë thëm ëtök, kueer duɛ̈ɛ̈r wek ban thïn, luɔi bä wek e lëu në guöm.

1 Kor 3:13

ke luɔi de raan ëbɛ̈n abï tïc wadäŋ: ee köölë yen abï e nyuɔɔth, ee mac en abï e nyuɔɔth, ku luɔi de raan ëbɛ̈n abïï mac them, nɔn ee yen luɔi cït ŋö.

2Tim 3:12

Yeka, ku kɔc kedhie kɔc ee nyïïn riɛl an, bïk aa rëër ë Kërtho Yecuyic ke ke riëëu Nhialic, kek abï dhil yɔŋ.

1 Pet 2:11

Wek kɔc nhiaar, wek läŋ, luɔi ciët wek kamaan ku ciëtkï kɔc cï ɣap ë wuöt lei, ke we bï ŋɔ̈ɔ̈ŋ de kake piny nɔm aa pɔ̈l, ee ke ye tɔŋ biök në wëikun.

1 Pet 4:4

Ku kɔckë ayek gäi në luɔi rɛɛc wek röt cuat ë kërɛɛc gökdïïtë yic cït man ë kek, agokï week aa lat ë län rac.

1 Pet 5:9

Yak ŋɛ̈ny, abäk aa kɔc ril në gäm, në ŋïny ŋiɛc wek en an, mïthëkɔckuön nu ë piny nɔm aye katuc manë ke dhal kacït ka dhal week.