1 Pet 4:1 - JAM DE NHIALIC 2011

¹ Ku ënɔn cï Kërtho käŋ guum ë biäkda ë yeguöp, ke week aya, yak wepiɔ̈ɔ̈th tɔ thöŋ ë piɔ̈nde, raan cï käŋ guum ë yeguöp acï guɔ pɔ̈k ke kërac.

1 Pet 4:1 ပူးပေါင်းရင်းမြစ်များ

Yith 1:16

Wakkï röt ke we bï ɣɛɛr. Takkï karɛc ya woi ke ke luɔikï kääc ëbɛ̈n. Ɣɛɛ, takkï luɔi de kërac kääc,

Edhekiɛl 16:41

Abïk ɣöötkun nyuɔp piny ku jɔkï kuut ke diäär tɔ tïŋ luɔi luiyë ë yïn këtuc. Yïn bä tɔ päl baldu, ku pɛ̈n yïn luɔi bï yïn määthku aa gäm miɔ̈c.

Mak 3:3

Go lɛ̈k raan cï ciin riɔu an, “Jɔt rɔt, kääcë cil.”

Romai 6:11

Ayï week ayadäŋ, yak röt tɔ ye kɔc cï thou ëdhöc tëde kërac, ku takï röt ë kɔc pïïr tëde Nhialic në Kërtho Yecu Bɛ̈nydïïtda.

Romai 6:2

Acie yen! Wok kɔc cï thou tëde kërac, buk ŋoot ë wo pïïr thïn adï?

Romai 6:7

Raan cï thou acï wɛ̈ɛ̈n bei ë këracic.

Galatai 2:20

Yɛn cï piäät ë tim cï rïïu nɔm kɔ̈u wokë Kërtho ëtök, ku yɛn ŋoot ke ya pïïr, ku acïï be aa yɛn, ee Kërtho en apïïr ë yaguöp. Ku pïïr piëër ɛn ë guöpic ënɔɔnë, ee gäm en a piëër ɛn, gäm aa yɛn Wën ë Nhialic gam, raan ë nhiaar ɛn, ago rɔt gaam në biäkdï.

Galatai 5:24

Ku kɔc wën ë ya kɔc ke Kërtho acïk guöp piäät ë tim cï rïïu nɔm kɔ̈u kekë kak ee guöp kɔɔr ëtök, ayï ŋɔ̈ɔ̈ŋ ë ye dɔm.

Epethiei 6:13

Yen nääm wek ka ke tɔŋ ëbɛ̈n wëu ke Nhialic, luɔi bä wek biök aa lëu apiɛth ëkööl rac, ku të cä wek käŋ thöl kedhie, ke we bï tɔ̈u ë we kääc.

Nyöŋ 27:10

Abäk riëëu ku bäk lööŋkɛn gäm ke week ee köölë döt.”

Pilipoi 2:5

Yak cath në piɔ̈n kït kekë piɔ̈n wään cath ke Kërtho Yecu ayadäŋ:

Ɣeberuu 12:3

Eeŋö cä wek aterdïït cïï Yecu guum ee tak, ku lɛ̈ɛ̈t wään ye kɔc kën gam ye läät! Agokï we muk piɔ̈ɔ̈th, ke we cïï röt bï pälwei ku cäkï piɔ̈ɔ̈th bï bäp.

Ɣeberuu 4:10

Raan ëbɛ̈n, raan lɔ në ee lɔ̈ŋë yic, abï lɔ̈ŋ në luɔide yic ëbɛ̈n cït man ë cïï Nhialic lɔ̈ŋ në luɔide yic.

1 Pet 2:21

Kënë yen aye luɔi cï Kërtho käŋ guum aya në biäkdun ago we nyäŋ ke bäk dɔmic, ke we bï täude aa kuanyic.

1 Pet 3:18

Luɔi cï Kërtho käŋ guum aya raantök në këde kërac, raan piɛthpiɔ̈u en aa gum käŋ në biäk de kɔc racpiɔ̈ɔ̈th, luɔi bï en wo lɛɛr të nu Nhialic, ë tɔ thou ë guöpic, ku tɔ pïïr ë wëi yiic,