1 Pet 3:4 - JAM DE NHIALIC 2011

⁴ Yak kiëërdun tɔ ye raan cï thiaan ë wepiɔ̈ɔ̈th, raan lirpiɔ̈u ku cïn thok wël, yen aye kiëër cïï bï dhiap, kiëër de naamdɛn piɛth ë Nhialic nɔm.

1 Pet 3:4 ပူးပေါင်းရင်းမြစ်များ

Diɛt 131:2

Yɛn cï piɔ̈u kuɛth, ku rɛ̈ɛ̈r ë mätic. Cït man ye meth niin ë läŋ ë man ɣɔ̈ɔ̈m, yen acï piɔ̈ndï lɔ lik ë yaguöp.

Diɛt 147:6

Ee kɔc cï röt kuɔɔr piny jat nhial, ku dum kɔc rac yiic piny.

Diɛt 149:4

Bɛ̈nydït ee miɛtëpiɔ̈u yök tëde kɔcke, ee kɔc ee röt kuɔɔr piny dhuëëŋ gup ë tiëm.

Diɛt 25:9

Ee kɔc ee röt kuɔɔr piny nyuöth yith, ku wëët ke në kuɛɛrke.

Diɛt 45:13

Tiiŋ de melik anu ɣön ë melik, tiëŋkï läkde! Lupɔde acï looi në alanh de adhääp.

Diɛt 51:6

Tïŋ, Yïn ee yic kɔɔr në raan yäc thïn, ku ënɔɔnë wɛ̈ɛ̈të yɛn në pɛlënɔm ë ya piɔ̈u thïn.

Yith 11:4

abï löŋ de kɔc kuanynyïïn guiir ë piathëpiɔ̈u, ku ee yic de kɔc cïn nïïm riɛl kuöny keek. Në kë cï lueel abï kɔc tɔ luɔiyë këtuc, ku kɔc ee karɛc looi abïk thou.

Yith 29:19

Kɔc kuanynyïïn ku kɔc ee röt kuɔɔr piny abïk miɛtëpiɔ̈u bɛ yök tëde Bɛ̈nydït, Nhialic Ɣeric de Yithriɛl.

Yith 57:15

“Yɛn adït ku Ya Nhialic ɣeric, raan tɔ̈u aɣet athɛɛr. Yɛn rɛ̈ɛ̈r të thöny ku tëɣeric, ku Yɛn ee rɛ̈ɛ̈r aya wo kɔc cï röt kuɔɔr piny ku cïk kepiɔ̈ɔ̈th puk, aguɔ keek gäm aŋäthdï, ku riëtëpiɔ̈u.

Yith 61:1

Bɛ̈nydït Awärjäŋ acï ya thiɔ̈ɔ̈ŋ në wëike. Acï ya lɔc ku tooc ɛn bä wëlpiɛth yiɛ̈n kɔc kuanynyïïn, Bä kɔc jieth piɔ̈ɔ̈th bɛ̈n duut piɔ̈ɔ̈th, ku bä luny de kɔc cï peec bɛ̈n caal, ku lony kɔc cï mac.

Jeremia 51:59

Go ë tiët Jeremia lɛ̈k Theraya wën de Neria, ku ye wën de wën ë Maɣethia. Në ruöön de ŋuan ɣɔn ye Dhedekia melik de Juda, go Theraya lɔ kekë yen Babilonia, ku acä gäm biäk de wɛ̈ɛ̈t.

Math 11:29

Damkï luɔidï, ku yak röt piɔ̈ɔ̈c ë yɛn, yɛn ŋic rëër ëmääth, ku yɛn ee rɔt tɔ koor, ke we bï lɔ̈ŋ yök ë wepiɔ̈ɔ̈th.

Math 21:5

“Yɔ̈ɔ̈kkï nyan de Dhiɔn an, “Tïŋ, melikdu abɔ̈ të nu yïn! Ë rɔt kuɔɔr piny, ku acath ë mul kɔ̈u, ku ciɛth ë dau kɔ̈u dan ë mul.”

Math 23:26

Yïn Parithai cɔɔr! Kɔn abïny cothic thïn ayï aduök abïk piath, ke ke bï kɔ̈ɔ̈th jɔ piath ayadäŋ.

Math 5:5

Thieithieei ë kɔc ë röt tɔ kor, abïk piny lɔ̈ɔ̈k lak.

Luk 11:40

Wek dhän! Aciëŋ ë cäk kë nu biic, kën kë nu thïn cak aya?

Luk 16:15

Go keek yɔ̈ɔ̈k an, “We ye röt tɔ ye kɔc piɛthpiɔ̈ɔ̈th ë kɔc nïïm, ku Nhialic aŋic wepiɔ̈ɔ̈th tei: kë de naamde tëde kɔc ee kënhiany tëde Nhialic.

Romai 1:23

ku aake ye dhuëëŋ de Nhialic cïï duëër dhiap puk tɔkï cït kë cï cuëëc cït guöp raan bï dhiap, ayï diɛt, ayï läi de cök kaŋuan, ayï ka mol piny.

Romai 2:29

Raan ee ya Judai nɔm, tën ee yen Judai ë ye yäc thïn, ku cuɛ̈l ee këde raan piɔ̈u, ee këde wëi, acie këde jam tei. Lɛcde acïï bɔ̈ tëde kɔc, abɔ̈ tëde Nhialic.

Romai 6:6

Aŋicku nɔn cï raandan thɛɛr piäät ë tim cï rïïu nɔm kɔ̈u kekë yen ëtök, ke guöp de kërac bï riääk, agoku cuö be aa lïïm ke kërac,

Romai 7:22

Yɛn mit piɔ̈u wokë löŋ de Nhialic ë yayic thïn,

2 Kor 10:1

Ku yɛn Paulo guöp, wek yɔ̈ɔ̈k në kuur cï Kërtho rɔt tɔ koor ku në liɛɛr ë yenpiɔ̈u, yɛn raan cïn naamdï ë weyiic të wɔi wek ɛn, ku nɔn liɛɛu ɛn, yɛn cï nyin riɛl tëde week:

2 Kor 4:16

Yen acïï wok ee bäp, ku na cäk jɔ tiaam en ë raandan nu biic, ke raandan nu thïn aye bɛ cool ë cuɛ̈ɛ̈cëye ë aköölnyïïn kedhie.

Galatai 5:23

kuur ë raan rɔt tɔ koor, döm de röt: acïn löŋ de ater në ka cït ee kakë.

Epethiei 4:2

Në kuur aa wek röt kuɔɔr piny, ku në rëër aa wek rëër ëmääth, ku në liɛɛr ë wepiɔ̈ɔ̈th, bäk aa rëër apiɛth ëtök në nhiëër.

Kolothai 3:12

Yen dam wek piɔ̈n ë dap kok, cït kɔc cïï Nhialic lɔc, kɔc ɣeriic ku nhiaar ke, ku damkï dhuëëŋ, ku piɔ̈n koor, ku kuur ee raan rɔt kuɔɔr piny, ku rëër ëmääth, ku guöm de kajuëc.

Kolothai 3:3

Wek cï thou, dï, ku pïïrdun acï thiaan kekë Kërtho ë Nhialicic.

1 Theth 4:11

Ke we bï rëër bä wek rëër ëmääth aa cool ë thɛm wek e, ku bäk kakun gup aa looi, ku yak luui ë wecin, acït man cï wok e lɛ̈k week.

2 Theth 3:12

Ku wo yöök kɔc cït keek ënɔɔnë ku guïïrku keek në Bɛ̈nydan Yecu Kërtho an, bïk aa luui ë lik, ku yek kuïnden cam guöp.

1 Tim 2:2

në baŋ de meliik, ku kɔc nu ë kɔc nïïm kedhie, luɔi bï wo tɔ̈u ke wo rëër ke cïn riɔ̈ɔ̈c, ku rëërku ëdïu, në riëëu dïït ee wok Nhialic riëëu ku thɛ̈k ee wo kɔc theek.

2Tim 2:25

raan ee kɔc luel ater wɛ̈ɛ̈t ë piɔ̈n lir, nɔn de të bï Nhialic ke gäm puŋdepiɔ̈u, agokï yic gam,

Tito 3:2

Ku ë cïn raan yek lat, ë cïn akɔ̈ŋ yek kɔɔr, ë ke ye jam ëmääth, ku bïk kuur ee kek röt kuɔɔr piny cï dikëdik nyuöth raan ëbɛ̈n.

Jakop 1:21

Yen päl wek cuɔlëpiɔ̈u ëbɛ̈n, ku luɔi rɛɛc gäk, ku jakï jam cï piith ë weyiic dɔm në kuur aa wek röt tɔ kor, yen aye jam duëër we kony wëi.

1 Pet 1:23

wek ë cïï beyë dhiëëth ë kɔ̈th bï dhiap, ee kɔ̈th cïï bï dhiap kek a beyë ke we dhiëëth, në jam ë Nhialic jam pïïr ku ye tɔ̈u athɛɛr.

1 Pet 3:15

Ku yak Kërtho theek ë wepiɔ̈ɔ̈th takï ë Bɛ̈nydït. Yak cool ë cuɔc wek röt, ke we bï löŋ de raan ëbɛ̈n ŋiëc aa bɛ̈ɛ̈r, raan ee we thiëëc në këde aŋäth ŋäthkï, abäk aa bɛ̈ɛ̈r në piɔ̈nlir ku riëëu,

1 Tham 16:7

Ago Bɛ̈nydït lɛ̈k Thamwɛl an, “Duk rɔt tɔ diir ë läkde, ayï bɛ̈ɛ̈rde, acie yen cä lɔc. Yɛn cie lɔc cït man ye raan lɔc. Raan ee raan woi guöp biic, ku Yɛn ee raan woi piɔ̈u thïn.”