1 Pet 3:22 - JAM DE NHIALIC 2011

²² raan cï lɔ paannhial, ku ye tɔ̈u ë ciin cuëëny de Nhialic, ku tuucnhial ku bäny ku riɛl acï ke tɔ piŋ këde.

1 Pet 3:22 ပူးပေါင်းရင်းမြစ်များ

Diɛt 110:1

Bɛ̈nydït acï bɛ̈nydï yɔ̈ɔ̈k an, “Nyuc ë yalɔ̈ɔ̈m në ciin cuënydï agut të bän kɔc dɛ wek ater tɔ ee kɔmduön ee yïn yïcök dhɔ̈ɔ̈r.”

Math 22:44

“Bɛ̈nydït acï Bɛ̈nydiëndït yɔ̈ɔ̈k an, ‘Rɛ̈ɛ̈rë ë ciin cuënydï, Aɣët të bän kɔc dɛ wek ater tɔ ye kë bï yïn yïcök aa dhɔ̈ɔ̈r.’

Math 28:18

Go Yecu bɛ̈n, bïï ku yöök keek an, “Riɛl ëbɛ̈n acï gäm ɛn paannhial ayï piny nɔm.

Mak 12:36

Debid guöp acï lueel në Wëidït ɣer an, ‘Bɛ̈nydït acï Bɛ̈nydiëndït yɔ̈ɔ̈k an, Nyuc ë baŋ cuënydï, aɣet të bän kɔc dɛ wek ater tɔ ye kɔm ee yïn yïcök dhɔ̈ɔ̈r.’

Mak 16:19

Na wën, aacï Bɛ̈nydït Yecu thök ë jam ke keek, ke jɔt leerë paannhial, ku jɔ nyuc ë baŋ cuëny de Nhialic.

Luk 20:42

Ku acï Debid guöp lueel në awerek de Diɛtic, an, ‘Bɛ̈nydït acï Bɛ̈nydiëndït yɔ̈ɔ̈k an: Nyuc ë ciin cuënydï,

Jɔn 13:32

Ku të cï Nhialic gäm dhuëëŋ në yen, ke Nhialic abï Wën ë Raan gäm dhuëëŋ ë yenguöp aya, ku abï dap gäm dhuëëŋ ënɔnthiinë.

Luɔi 1:11

ku luelkï ayadäŋ, an, “Wek röör ke Galili, eeŋö kääc wek ke we woi nhial? Yen Yecuyë, raan wën jɔtë nhial ë weyiic, abï enɔm bɛ dhuny acït nɔn cä wek e tïŋ alɔ paannhial.”

Luɔi 3:21

raan bï dhil ceŋ paannhial aɣɔ̈l kööl ë puŋ bï käŋ puk nïïm kedhie, kööl cïï Nhialic tɔ luel në thook ke tïtkɛn ɣeriic kedhie, gɔl ɣɔn thɛɛr ciɛkë piny.

Romai 8:34

Eeŋa bï wo yiëk yiëth gääk? Ee Kërtho raan wään cï thou, yeka, aŋuän bï wok e lueel, an, raan cï bɛ jat nhial, raan nu ë baŋ cuëny de Nhialic, yen aye raan ee lɔ̈ŋ në biäkda aya.

Romai 8:38

Cöök ŋiɛc ë yapiɔ̈u arëët kï an, Thuɔɔu, ayï pïïr, ayï tuuc bɔ̈ nhial, ayï bäny, ayï riɛl, ayï ka ke ënɔɔnë, ayï ka bï nu wadäŋ,

1 Kor 15:24

Ku jɔ thök ë käŋ bɛ̈n, të cï en ciɛɛŋ de piny tääu ë Nhialic Wun cin, kööl cï en ciɛɛŋ tɔ cïn naamde ëbɛ̈n, ayï bɛ̈ɛ̈ny ëbɛ̈n, ayï riɛl ëbɛ̈n.

Kolothai 3:1

Ku ënɔɔnë, të cï we jat nhial në Kërtho ëtök, yak ka nu tënhial kɔɔr, të rëër ë Kërtho thïn, ke rɛ̈ɛ̈r ë ciin cuëny de Nhialic.

Ɣeberuu 1:13

Acïn tunynhial cïï Nhialic kɔn yɔ̈ɔ̈k an, “Nyuc ë ciin cuënydï, aɣet të bän kɔckuön ke ater tɔ ye ka Yïn ke Yïcök dhɔ̈ɔ̈r.”

Ɣeberuu 1:3

Ku Wën ë Nhialic Yen aa nyooth dhuëëŋ de Nhialic. Ku Yen athöŋ guöp ke Nhialic. Ku ye këriëëc de piny nɔm döt ëbɛ̈n në jamdɛn ril ë tör. Të wään cï Yen karɛc ke mɛnh ë Raan ëbɛ̈n waak wei, ke jɔ nyuc paannhial në ciin cuëny de Nhialic Awärjäŋ.

Ɣeberuu 1:6

Ɣɔn tuuc ë Nhialic wën kɛ̈ide ë piny nɔm, ke jɔ lueel an, “Ë lɛm ë tuucnhial kedhie.”

Ɣeberuu 10:12

Ku Kërtho ë rɔt gam ke ye miɔ̈c lɔgɔk näk në biäk de karɛckuɔ. Ku ënɔɔnthiinë, arɛ̈ɛ̈r ë ciin cuëny ë Nhialic aɣet athɛɛr.

Ɣeberuu 12:2

Ku yok wonyïïn tääu në Yecu guöp, Yen woiku Bɛ̈ny cï gämda gɔl ku thöl. Aa cï gam në Yepiɔ̈u ëbɛ̈n luɔi bï Yen thou në thon ayäär, në tim cï rïïu nɔm kɔ̈u në biäk de miɛtëpiɔ̈u ŋic bï yök në thökde. Ku Yen ënɔɔnë arɛ̈ɛ̈r në ciin cuëëny de thööny de Nhialic nu nhial.

Ɣeberuu 4:14

Wok de nïïm gök de Bɛ̈nydïït ë kake Nhialic, Bɛ̈ny cï lɔ paannhial, ee yen Yecu Wën ë Nhialic. Yen kë duɛ̈ɛ̈r wok kɔ̈ɔ̈c ka aril në gämda yic, gäm cuk lueel në biäkde.

Ɣeberuu 6:20

Ku yen ee të cï Yecu kɔn lɔ thïn në wonïïm tueŋ në nyinda yic, ke ye Bɛ̈nydïït ë kake Nhialic cït bɛ̈ɛ̈ny ë Melkidhedek.

Ɣeberuu 8:1

Këdan luelku an, wok de nïïm Bɛ̈nydïït ë kake Nhialic, Bɛ̈ny rɛ̈ɛ̈r ë ciin cuëëny ë thööny ë Awärjäŋ paannhial.

Ɣeberuu 9:24

Ku Kërtho akën lɔ në tëɣeric yic kë ë yïk ë raan ciin. Ee tëɣeric yic nu paannhial yen aleer En guöpde, ku ënɔɔnë ee tïc ë Nhialic nɔm në nyinda yic.