1 Pet 3:21 - JAM DE NHIALIC 2011

²¹ Ku yen acït kuny ee baptith wo kony wëi ënɔɔnë aya, acie bïï bï acuɔl ë raan guöp bɛ̈ɛ̈i bei, ee kɔ̈ɔ̈r ee raan kɔɔr luɔi, ŋic en e piɔ̈u nɔn le en gɔk ë Nhialic nɔm, në jön cï Yecu Kërtho rɔt jɔt,

1 Pet 3:21 ပူးပေါင်းရင်းမြစ်များ

Dhek 13:1

Acï Bɛ̈nydït lueel an, “Në ee köölë, awaŋ de pïïu abï liep wɛɛkë kërɛɛc de käu ë Debid kekë kɔc cieŋ Jeruthalem ayï acolden.

Math 28:19

Yen la wek, lak juöör aa wɛ̈ɛ̈t kedhie, abïk a kɔcpiööcë, ku luöikï keek baptith në rin ke Wäärda, ku Wënde, ku Wëidït ɣer,

Mak 16:16

Raan gäm ku baptith abï kony wëi, ku raan reec gäm abï yiëk yeth gääk.

Jɔn 13:9

Go Thimon Petero lueel an, “Bɛ̈nydït, acie a cök kapäc kek wak, wak a cin ayadäŋ ayïk a nɔm!”

Luɔi 16:33

Na wën, ke ke leer ee thaar manë guöp, ku piny ee wakɔ̈u, le ku wɛɛk tëtöökken, go baptith ënɔnthiinë, yen kekë dhiënde ëbɛ̈n.

Luɔi 2:38

Go Petero ke yɔ̈ɔ̈k an, “Pɔ̈kkï wepiɔ̈ɔ̈th, ku takï röt baptith wedhie në rin ke Yecu Kërtho, ke bï karɛckun pɔ̈l, ke we bï miɔɔc në Wëidït ɣer.

Luɔi 22:16

Ku ënɔɔnë, eeŋö gäu yï? Jɔt rɔt, ke yï baptith, abä karɛcku waak wei, ku jɔ rin ke Bɛ̈nydït cɔɔl.’

Luɔi 8:36

Na wën, të ciɛth kek kueer, ke ke jɔ ɣet të nu pïïu: go mony cï roc lueel an, “Tïŋ, pïïu kï, eeŋö pën a baptith?”

Luɔi 8:37

Go Pilip lueel an, “Të gam yïn ë yïpiɔ̈u ëbɛ̈n, ke yïn duëërë baptith.” Go bɛ̈ɛ̈r an, “Yɛn gam Yecu Kërtho nɔn ee yen Wën ë Nhialic.”

Romai 5:14

Ku thuɔɔu yen aa ceŋ piny tei, gɔl të ɣɔn nu Adam ɣeet ë Mothe, aa ceŋ kɔc acakaa kɔc kën kërac wööc cït man ë kërɛɛc ë looi Adam, yen acït raan cï lueel an, bï bɛ̈n.

1 Kor 12:13

Wook wodhie, wo cï baptith ë guöp tökic në Wëidït töŋë, nɔn ee wok Judai, ku nɔn ee wok Girikii, nɔn ee wok lïïm, ku nɔn ee wok kɔc ee cath ë këde yenhden, ku wo cï tɔ dëk në Wëidït töŋë wodhie.

1 Kor 4:6

Ku kakë, wek mïthëkɔckuɔ, acä ke lueel në këdï wokë Apolo në baŋdun week, luɔi bän week wɛ̈ɛ̈t an: Duökï kɔc ee riëëu awär këcïgɔ̈ɔ̈r, ku ë cïn raan ë dït ë ŋɛk tɛɛr, an, dïït awär ŋɛk.

2 Kor 1:12

Miɛt ë wopiɔ̈ɔ̈th kï, an, jam ë yok yök ë wopiɔ̈ɔ̈th aye lueel an, yok cath ë piɔ̈n cïnic ruëëny ku ciɛthku në yic de Nhialic, wok aacïï rɛ̈ɛ̈r në pɛlënɔm de kɔc, ee dhuëëŋ de Nhialic piɔ̈u, en aa rëër wok ë piny nɔm, ku en aa rëër wok ë weyiic awärkï kɔc kɔ̈k

2 Kor 7:1

Yen ka, ënɔn ciɛth wok wokë ka cï lueel an, bï ke gäm wookë, wek kɔc nhiaar, yok röt waak në acuɔl ëbɛ̈n acol ë guöp ku acol ë wëi, ku yok wopiɔ̈ɔ̈th tɔ ɣer abïk dikëdik në riëëu de Nhialic.

Galatai 3:27

We wedhie, we kɔc cï baptith ë Kërtho yic, we cï Kërtho tääu ë wekɔ̈ɔ̈th.

Epethiei 5:26

Luɔi bï en e tɔ ɣeric ëwic, të cï en e tɔ piɛth, në wɛ̈k cï e waak ë pïïu në jam,

Kolothai 2:12

We cï tɔ̈ɔ̈u në yen ëtök në baptith, ku we cï bɛ jɔt thïn aya, në gäm cä wek luɔi de Nhialic gam, Raan ë jɔt en ë kɔc cï thou yiic.

1 Tim 1:5

Thar ë jam cï guiir en aye nhiëër ee kɔc röt nhiaar në piɔ̈n awai ku në ŋïny ee raan epiɔ̈u ŋic nɔn piɛth en ëgɔk, ku në gäm cïnic mɛthë nyin.

1 Tim 6:12

Ye biök ë biök piɛth biök de gäm, ye pïïr athɛɛr muk aril, en aa cɔɔlë yï aya, ku yen aa gëm yïn ë gäm piɛth ë yïthok ee cäätɔɔ juëc nïïm.

Ɣeberuu 10:22

Jɔku lɔ në Nhialic lɔ̈ɔ̈m në piɔ̈n cïnic ruëëny, ku lokku në gäm adöt cï we waak piɔ̈ɔ̈th abuk piɔ̈ɔ̈th lɔ wai ke cïn kërɛɛc ŋïcku röt në täŋda yic ëbɛ̈n ku cï wook juɔɔl në pïïu lɔ top.

Ɣeberuu 11:19

Aŋɛ̈ɛ̈th Abraɣam luɔi bï Nhialic Yithaak dhil jat nhial të ciɛk en e nɔ̈k, cït man cïï Awerek de Nhialic e lueel an, acï bɛ̈n pɔ̈k nɔm wënde ke pïïr

Ɣeberuu 13:18

Läŋkï në biäkda, agoku ŋoot ke wo lɔ piɔ̈ɔ̈th gɔk, ku athemku duëërku këpiɛth aa looi në akööl thook ëbɛ̈n.

Ɣeberuu 9:14

Riɛm de Kërtho Raan cï rɔt gäm Nhialic ke cïn guöp tëthiin col në Wëidït ee tɔ̈u athɛɛr, bï keek wöör ë wär yïndï? Në wɛ̈k bï yen wook waak piɔ̈ɔ̈th në luɔi ee thuɔɔu bɛ̈ɛ̈i abuk ciën kë ŋïcku röt, ke wo bï kake Nhialiny pïïr aa looi.

Ɣeberuu 9:24

Ku Kërtho akën lɔ në tëɣeric yic kë ë yïk ë raan ciin. Ee tëɣeric yic nu paannhial yen aleer En guöpde, ku ënɔɔnë ee tïc ë Nhialic nɔm në nyinda yic.

1 Pet 1:3

Thieithieei Nhialic Wun Bɛ̈nydan Yecu Kërtho, Raan ë be wo tɔ dhiëth në kok kook en piɔ̈u arëët, ku yïn wook aŋäth pïïr në jön cï Yecu Kërtho rɔt jɔt ë kɔc cï thou yiic,

1 Pet 3:16

yak cath ë piɔ̈n agɔk, ku na cakaa kek ë ye we tum gup an, yak kɔc ee kërac looi, ka bïk yäär kek kɔc ee rëërduön piɛth ë Kërthoyic lat.