1 Pet 3:20 - JAM DE NHIALIC 2011

²⁰ Wëi ke kɔc ee löŋ rɛɛc piŋ ɣɔn thɛɛr, ɣɔn tiit ë liɛɛr ë Nhialic piɔ̈u kɔc ɣɔn nu Nowa, të ɣɔn looiyë abëldït, abël ɣɔn cï kɔc liaakäŋ kony wëi thïn, kɔc kabɛ̈t, në pïïu.

1 Pet 3:20 ပူးပေါင်းရင်းမြစ်များ

Cäk 6:13

Go Nhialic lɛ̈k Nowa an, “Acä tak nɔn bän kɔc ke piny nɔm riɔ̈ɔ̈k kedhie, në luɔi cï kek piny riɔ̈ɔ̈k nɔm në karɛckɛn yek looi ëbɛ̈n. Ku piny nɔm abä riɔ̈ɔ̈k abïï ciën kë bï bɛ tɔ̈u thïn.

Cäk 6:3

Ago Bɛ̈nydït lueel an, “Yɛn cïï raan bï bɛ aa tɔ pïïr aɣet athɛɛr, në luɔi ye kek gup ke thuɔɔu. Runken abïk aa kɔ̈ɔ̈c në bɔt ku thiërrou ë run.”

Cäk 6:5

Ɣɔn cï Bɛ̈nydït kërɛɛc ë raan tïŋ ke cï dït në piny nɔm, ku tïŋ täŋ ë raan ke rac ë ceŋ,

Cäk 6:8

Ku Bɛ̈nydït aa mit piɔ̈u ke Nowa.

Cäk 7:13

Në ee kööl man ë yen ë le Nowa abëlic kekë tiiŋde, ku wɛ̈ɛ̈tke kadiäk Cem, ku Ɣam ku Japeth, ku diäärken.

Cäk 8:1

Ku Nhialic akën nɔm määr në Nowa, kekë ka nu abëlic në yen ë tök kedhie. Go Nhialic yom tɔ put në piny nɔm, go pïïu dëu cak.

Cäk 8:18

Go Nowa lɔ biic kekë wɛ̈ɛ̈tke, ku tiiŋde ku diäär ke wɛ̈ɛ̈tke.

Yith 30:18

Ku Bɛ̈nydït aŋoot ke tït week bäk bɛ̈n të nu Yen. Ke bï we nyuöth nhiëërde kekë kokëpiɔ̈u në luɔi ye Nhialic yic looi. Thieithieei në kɔc ee Bɛ̈nydït ŋɔ̈ɔ̈th.

Math 7:14

Ku kal akoor thok, ku kueer ajonyic, kueer lɔ të nu pïïr, ku kɔc ë ye yök alikï.

Luk 12:32

“Du riɔ̈c, yïn luny koor: anu ë Wuöördun piɔ̈u luɔi bï en we miɔɔc ë ciɛɛŋ.

Luɔi 2:41

Go kɔc cï wëlke gam ë piɔ̈nmit ago ke baptith, aake cït aguum kadiäk de kɔc.

Romai 9:22

Ku na Nhialic, të de yen piɔ̈u luɔi bï en agönhde nyuɔɔth, ku tɔ riɛlde ŋic, eeŋö däŋ, acakaa yen ë cï töny ke agɔ̈th guum në liɛɛr dïït ë yenpiɔ̈u, kek töny cï röŋ në riääk bï ke riɔ̈ɔ̈k,

Epethiei 5:26

Luɔi bï en e tɔ ɣeric ëwic, të cï en e tɔ piɛth, në wɛ̈k cï e waak ë pïïu në jam,

Ɣeberuu 11:7

Aye gäm de yic aŋäth yen aa tɔ Nowa piŋ yöök de Nhialic, ɣɔn yöök En keek në biäk de ka bï tïc wadäŋ ka cïï woi. Ago löŋ cï Nhialic lueel riëëu, ku cuëëc abël kony en rɔt kekë dhiënde. Në biäk kën kɔc ke piny nɔm jam ë Nowa piŋ, piny acï bɛ̈n cieen nɔm, ku Nowa acï piathëpiɔ̈u bɛ̈n yök tëde Nhialic në gäm.

1 Pet 1:22

Ku nɔn cä wek wepiɔ̈ɔ̈th tɔ ɣer në gäm cä wek yic gam në riɛl ë Wëidït, gäm cï we yiëk piɔ̈ɔ̈th nhiëër aa wek mïthëkɔckun nhiaar ë nhiëër cïnic lueth, ke we nhiaar röt arëët ë piɔ̈n ɣeric ëwic:

1 Pet 1:9

në yöŋ aa wek ariöp de gämdun yök, yen aye kuny de wëikun.

1 Pet 2:25

Wään wek ë cït thök ee tai, ku ënɔɔnë we cï wenïïm pɔ̈k Tïndun Raan ee wëikun tiit.

1 Pet 3:19

ago lɔ aya në wëi yiic le wëi cï mac guiëër wël.

1 Pet 4:19

Yen ka, kɔc ee kërac guum në këde piɔ̈n ë Nhialic ë ke ye wëiken kuɛ̈i Nhialic në luɔiden piɛth yek looi, luɔi ee yen Aciëŋ dïït ee käŋ ŋiëc döt.

2 Pet 2:5

Ku të kën en piny thɛɛr pɔ̈l, ee Nowa raan ee jam de piathëpiɔ̈u guiir, en ë both e tök kekë kɔc kɔ̈k kadhorou, ɣɔn bïï en amool ë piny de kɔc reec Nhialic nɔm.

2 Pet 3:15

Ku jakï liɛɛr ë Bɛ̈nydïïtda piɔ̈u tɔ ye kunydewëi, acït man cï Paulo mɛnhkënëdan nhiaar e gäär week, në këde pɛlënɔm cï yiɛ̈n en.