1 Pet 3:17 - JAM DE NHIALIC 2011

¹⁷ Të nu yen ë Nhialic piɔ̈u nɔn bä wek käŋ guum në biäk de luɔi piɛth yak looi, yen aŋuän në luɔi guööm wek käŋ në biäk de luɔi de kërac.

1 Pet 3:17 ပူးပေါင်းရင်းမြစ်များ

Math 26:39

Go rɔt cuɔt tueŋ ëmääth, ku gut enɔm piny, ku lɛ̈ŋ an, “Yïn wäär, na lëu rɔt, tɔ bïnyë waan ɛn! Ku acie këde piɔ̈ndï, ee këde piɔ̈ndu.”

Math 26:42

Go bɛ jäl raanrou, le lɔ̈ŋ an, “Wäär, na cïï ee bïnyë dhal ë luɔi bï en a waan, të kɛ̈n ɛn kɔn dek ë ye, ke yï tɔ këde piɔ̈ndu loi.”

Luɔi 18:21

Go keek tɔ̈ɔ̈ŋ, ku lueel an, Dhuëëŋ abɔ̈ ënɔɔnë abä dhil lɔ looi Jeruthalem, ku yɛn bï a nɔm dɔ̈k week tei, të cï Nhialic e lueel. Go jäl ë Epetho ke cath ë abël.

Luɔi 21:14

Na wën, aa reec këda gam, ke wo jɔ jam pɔ̈l, ku luelku an, “Abï looi tei në këde piɔ̈n ë Bɛ̈nydït.”

1 Pet 1:6

Ku yen a ya wek piɔ̈ɔ̈th miɛt arëët, acakaa wek ë ye piɔ̈ɔ̈th dhil jiɛth tëthiinakäŋ ënɔɔnë në thëm kithic ee we them,

1 Pet 2:15

Yen aye këde Nhialic piɔ̈u, yen luɔi aa wek këpiɛth looi, aguɔkï kɔc cïn nïïm miɛɛm ë kuny kuc kek käŋ.

1 Pet 2:20

Ku na duiyë week ë ka cäk wööc, ku jakï guum në piɔ̈n lir, ke bï aa dhuëëŋ ŋö? Ku na cakaa wek ë cï këpiɛth looi, ke we dui.

1 Pet 3:14

Ku na cakaa wek ë gum kërac në biäk de piathëpiɔ̈u, ke we cï thieei: ku duökï ee riɔ̈ɔ̈c ë riɔ̈ɔ̈cden, ku duökï wepiɔ̈ɔ̈th ee tɔ jeth.

1 Pet 4:15

Ku ë cïn raan ë weyiic raan bï këde yök ë näŋ cï en raan nɔ̈k, ku luɔi ee yen cuɛ̈ɛ̈r, ku luɔi cï en kërac looi, ku në cook ee yen jamde cuɔɔk ë jam de kɔc kɔ̈k yiic.

1 Pet 4:19

Yen ka, kɔc ee kërac guum në këde piɔ̈n ë Nhialic ë ke ye wëiken kuɛ̈i Nhialic në luɔiden piɛth yek looi, luɔi ee yen Aciëŋ dïït ee käŋ ŋiëc döt.