1 Pet 3:14 - JAM DE NHIALIC 2011

¹⁴ Ku na cakaa wek ë gum kërac në biäk de piathëpiɔ̈u, ke we cï thieei: ku duökï ee riɔ̈ɔ̈c ë riɔ̈ɔ̈cden, ku duökï wepiɔ̈ɔ̈th ee tɔ jeth.

1 Pet 3:14 ပူးပေါင်းရင်းမြစ်များ

Kɛ̈ŋ 3:25

Du riɔ̈c në riääk duëër rɔt tɛ̈ɛ̈m ëthiäu, riääk cït riääk ee kɔc ë karɛc looi yök cït man amaŋ.

Yith 51:12

Aye Bɛ̈nydït lueel an, “Yɛn ee raan ë tɔ we ril. Eeŋö ya wek riɔ̈ɔ̈c në mɛnh ë raan, kɔc cie ceŋ cï wäl?

Jeremia 1:8

Du riɔ̈c në keek, Yɛn bï tɔ̈u wo yïn ke yï gɛ̈l. Acä lueel Yɛn Bɛ̈nydït!”

Jeremia 15:15

Aguɔ lueel an, “Bɛ̈nydït, Yïn ee käŋ yökiic. Ye ya tak ku kony yɛn. Tɔ ya guur rɔt në kɔc ee yɛn yɔŋ. Du go tïït aläl agokï yɛn cïï bï nɔ̈k. Ye tak apiɛth ee biäkdu yen aye ë yɛn läät.

Edhekiɛl 3:9

Yïn bä tɔ ril nɔm ë tör aläl, bä jamdï guiir, acïn kë bï yïn tɔ kääc. Yïn bä tɔ ril cït man ë kuur, ku kɔi, du ye riɔ̈ɔ̈c në keek kek kɔc ril nïïm.”

Math 10:28

Ku duökï ë riɔ̈ɔ̈c ë kɔc näk raan guöp tei, ku cïkï wëi ke raan lëu ë näk, aŋuän luɔi bä wek aa riɔ̈ɔ̈c në Raan ë wëi ke raan lëu ë näk ayï raan guöp aya ë giɛna yic.

Math 10:31

Yen duö wek ee riɔ̈ɔ̈c, wek wär amɔ̈r juëc ë piath.

Math 10:39

Raan yök wëike abï wëike mɔ̈ɔ̈r, ku raan mär wëike në biäkdï abï wëike yök.

Math 16:25

Raan ëbɛ̈n raan kɔɔr luɔi bï en wëike kony, ka bï ke mɔ̈ɔ̈r, ku raan ëbɛ̈n raan mär wëike në biäkdï, ka bï ke yök.

Math 19:29

Ku raan ëbɛ̈n raan cï ɣööt nyääŋ piny, ku nyiëëŋ mïthëkɔcken piny, ayï nyïïrëkɔcken, ayï wun, ayï man, ayï tiiŋde, ayï mïthke, ayï duumke, në biäk de rinkï, ka bï käŋ yök ka cï ŋuak nyïïn raanbɔt, ku abï pïïr athɛɛr lɔ̈ɔ̈k lak.

Mak 10:29

Go Yecu bɛ̈ɛ̈r an, “Wek yɔ̈ɔ̈k ëyic, an, Acïn raan cï ɣönde nyääŋ piny, ku nyiëëŋ mïthëkɔcken piny, ku nyïïrëkɔcken, ku wun, ku man, ku tiiŋde, ku mïthke, ku duum, në biäkdï, ku në biäk de wëlpiɛth,

Mak 8:35

Raan ëbɛ̈n raan kɔɔr luɔi bï en wëike kony, ka bï wëike mɔ̈ɔ̈r, ku raan ëbɛ̈n raan bï wëike mɔ̈ɔ̈r në biäkdï, ku në biäk de wëlpiɛth, ka bï wëike kony.

Jɔn 14:1

Go Yecu lɛ̈k keek an, “Duökï wepiɔ̈ɔ̈th tɔ jeth, we ye Nhialic gam, gamkï yɛn ayadäŋ.

Jɔn 14:27

“Mät en anyäŋ week, mändï en agäm week: miɔ̈c miaac ɛn week, acïï cït man ë miɔ̈c ee kɔc ke piny nɔm we miɔɔc. Duökï wepiɔ̈ɔ̈th tɔ jeth, ku duökï wepiɔ̈ɔ̈th tɔ riɔ̈c.

Luɔi 9:16

Ku abä nyuöth kajuëc bï dhil guum në baŋ de rinkï.”

2 Kor 12:10

Yɛn a ya yɛn ë piɔ̈u miɛt ë kɔ̈c kääc ɛn, ku në lɛ̈ɛ̈t ee ya läät, ku në dak aa yɛn dak ë käŋ, ku në yöŋ ee ya yɔŋ, ku në dhäl ee käŋ a dhal, në biäk de Kërtho: kööl kääc ɛn en aye kööl riɛl ɛn.

Pilipoi 1:29

Acï aa këdun ë biäk aa wek Kërthiaan, acie luɔi bä wek këde Kërtho gam tei, ee luɔi bä wek kërac aa guum aya në biäkde.

Jakop 1:12

Thieithieei raan ee thëm guum, të cï en thök ë thëm, ka bï göl ë pïïr yök, göl cïï Bɛ̈nydït kɔn lueel, an, bï gäm kɔc nhiaar en.

Jakop 5:11

Tiëŋkï, wo ye kɔc ee käŋ guum tɔ ye kɔc cï thieei. We ye guöm cï Jop käŋ guum piŋ, ku we cï thök de luɔi de Bɛ̈nydït tïŋ, ŋïny ŋicë Bɛ̈nydït kɔc kuanynyïïn, ku luɔi ee yen piɔ̈u dap kok.

1 Pet 3:6

acït man ee Thara këde Abraɣam piŋ, go aa cɔɔl an, bɛ̈ny: ku wek cï guɔ aa nyïïrke, të ya wek këpiɛth looi, ku cäkï ee riɔ̈ɔ̈c ë këdäŋ abäk piɔ̈ɔ̈th atec.