1 Pet 2:6 - JAM DE NHIALIC 2011

⁶ Luɔi nu cöökë ë këcïgɔ̈ɔ̈ric an, “Wɔikï, yɛn tɛ̈ɛ̈u kuur dït ë Dhiɔnic, kuur nu ë aguk de pänyic, kuur cï lɔc, ku de naamdɛn dït: Ku raan gam en acïn yäär bï en yäär.”

1 Pet 2:6 ပူးပေါင်းရင်းမြစ်များ

Cäk 49:24

Ku dhɛ̈ŋke abïk aa kɔ̈ɔ̈c aril, acï ke tɔ ril, në riɛl dïït de Nhialic Awärjäŋ, Nhialic de Jakop. Ku ye Tïït ku Gëlgël de Yithriɛl.

Diɛt 40:14

Yäär kɔc kɔɔr aa näkkï yɛn tɔ ke tiam ku mumkï nïïm. Kɔc kɔɔr an yïkï ya guöp bɔ̈t, cuɔpë ke wei abïk yäär.

Diɛt 89:19

Yïn cï jam ɣɔn thɛɛr ë nyuuth, ku lɛ̈kë awunduön piɛthpiɔ̈u, an, “Yɛn cï kuɔɔny gäm jön de tɔŋ cï leec, yɛn cï thööc gäm raan töŋ cä lɔc në kɔc yiic.

Yith 28:16

Kë lueel ë Bɛ̈nydït Awärjäŋ ë nɔɔnë kï an, “Yɛn tɛ̈ɛ̈u këërkëër ril ku le dïu piny në Dhiɔn. Ku yɛn bï kuur de aguk nɔm ril tääu ë yenɔm, ku acï gäär kɔ̈u ee wëlkë an, ‘Gäm ril ee käŋ guum.’

Yith 41:11

“Kɔc göth në week, abïk ayär de tiëm ŋic. Kɔc ee piɔ̈t në week abïk thou

Yith 42:1

Aye Bɛ̈nydït lueel an, “Awundï kï, raan cä gäm riɛl raan cä lɔc, raan miɛt ɛn piɔ̈u wo yen, acä thiɔ̈ɔ̈ŋ në wëikï, ku abï löŋ ŋiëc guiëër juöör ëbɛ̈n.

Yith 46:13

Yɛn bïï kööl de tiëm, acïï mɛc aläl taitai. Tiëmdï acïï bï gääu. Yɛn bï Jeruthalem kony, ku gäm riëëu Yithriɛl ëtɛ̈ɛ̈n.”

Yith 50:7

Ku lɛ̈ɛ̈tken acïï ya bï gäm jiɛthëpiɔ̈u në biäk ye Bɛ̈nydït Awärjäŋ ya kony. Guɔ yapiɔ̈u ruut bä ke guum. Aŋiɛc nɔn cän bï yäär,

Yith 54:4

Du riɔ̈c, yïn cïï yäär bï bɛ nyɔk, ku cïï yïn bï bɛ kuɔɔr piny. Yïn bï nɔm määr në ayärduön ɣɔn yïn dhuk, ku mär nɔm në rëërdu yïtök cï tiiŋ abaar.

Dhek 10:4

Bäny ke luk, ku bäny ke tɔŋ, ku bäny ke wut abïk aa bɛ̈n bei në kɔc ke Juda yiic.

Math 12:18

“Tiëŋkï awundï, raan cä lɔc, Mɛnhdiën nhiaar, yɛn mit piɔ̈u wokë yen, Wëikï abä ke tääu ë yeguöp, ku abï löŋ yic guiëër juöör.

Mak 12:10

Acakaa cöök cï gɔ̈ɔ̈rë kɛ̈nkï kueen an, ‘Kuur cï yïk rɛɛc, Yen guöp acï tɔ ee kuur ë aguk nɔm:

Luk 20:17

Go keek woi, ku lueel an, “Kënë ee kaŋö kë cï këcïgɔ̈ɔ̈rë lueel an, ‘Kuur cïï ë yïk rɛɛc, Yen manë guöp acï tɔ ye kuur ë aguk nɔm.’

Luk 23:35

Ku kääc kɔc juëc ë ke daai. Go bäny ceŋ piny gokï geet guöp aya, luelkï an: “Acï kɔc kɔ̈k kony, tɔ kony rɔt, tën ee yen Kërtho de Nhialic, raandɛn cï lɔc!”

Jɔn 7:38

Raan gam ɛn, acït man cï këcïgɔ̈ɔ̈r e lueel, an, kiɛɛr ke pïïu ke pïïr abïk aa kuëër bei ë yeyic.”

Luɔi 1:16

ku jɔ lueel an, “Wek mïthëkɔckuɔ, këcïgɔ̈ɔ̈r acï dhil aa yic, kë cïï Wëidït ɣer luel ë Debid thok ɣɔn thɛɛr në këde Judath, raan ë wat kɔc wään dɔm Yecu.

Romai 10:11

Ku këcïgɔ̈ɔ̈r aye lueel an, “Raan ëbɛ̈n raan gam en acïï bï yäär.”

Epethiei 1:4

Acït man cï en wo lɔc në Kërthoyic ɣɔn thɛɛr aŋoot piny ke kënë cak, në nhiëër nhiɛɛr en wook. Në luɔi bï wok piɔ̈ɔ̈th ɣɛɛr ku cïn kë bï wo gɔ̈k ë yenɔm.

Epethiei 2:20

Wek cï yïk ë këërkëëric këërkëër ë tuuc ku tït, ku Yecu Kërtho guöp yen aye kuur nu ë agukic kuur de naamde.

2Tim 3:16

Këcïgɔ̈ɔ̈r ëbɛ̈n ee kë cï Nhialic tɔ bɔ̈ në Wëike, ku ade naamde në këde wëët, ku jäny, ku kïït ee käŋ kiɛt piny, ku piööc në piathëpiɔ̈u:

1 Pet 2:4

Ee kuur pïïr, kuur cïï kɔc rɛɛc ë liŋliŋ ë yic, ku ye kuur ë lɔc Nhialic, aye kuur de naamde, ku na bäkï të nu yen.

1 Pet 2:8

Ku lueel ë këcïgɔ̈ɔ̈r däŋ an, “Kënë ee Kuur ee kɔc kɔ̈th ë ye, ku ye kuurdït ee kɔc tɔ wiëëk. Kɔc ee kɔ̈th ë jam, në reec ee kek wël rɛɛc gam: këdɛn cï mɛk keek kï.”

2 Pet 1:20

Ku kankï cöökë ŋic, an, acïn jam töŋ de tiët jam de kacïgɔ̈ɔ̈r jam ë lueel raan ë këde nɔmde.

2 Pet 3:16

Acït man cï e lueel ë awereek ke yiic kedhie, të jiɛɛm en ë keyiic në kakë. Ku cök kɔ̈k anukï thïn cök cie dap yök yiic, cök ye kɔc kënë wɛ̈ɛ̈t puk aye kërac, ayï kɔc kën lïk piny ë gäm, cït man ee kek kacïgɔ̈ɔ̈r kɔ̈k puk aya, lek röt gɔ̈n riääkden.