1 Pet 2:24 - JAM DE NHIALIC 2011

²⁴ Yenguöp ë karɛckuɔ ɣääc ë yeguöp ë tim kɔ̈u, luɔi bï wok thou tëde kërac, ku jɔku pïïr tëde piathëpiɔ̈u, dui ë duiyë ye, en aa tɔ we dem.

1 Pet 2:24 ပူးပေါင်းရင်းမြစ်များ

Cäk 22:6

Ago Abraɣam tiim ke miaac jat ë Yithaak kët. Ku muk Abraɣam mac kekë lem, ku lekï kaarou.

Diɛt 147:3

Ee kɔc cï piɔ̈ɔ̈th jiɛth tɔ piɔl gup ku duut bɔ̈ɔ̈tken nyïïn.

Diɛt 38:4

Awɛ̈ɛ̈ckï acïk ɛn doony, ka yɛn ë ciët kë ɣɛ̈ɛ̈c kathiek.

Bɛ̈n 28:38

Ku ë ye Aron cieŋ në yenyin tueŋ, ke Ya bï miɔ̈c ɣeric cï kɔc ke Yithriɛl gäm Ɛn aa gam ëbɛ̈n, Yɛn Bɛ̈nydït. Na cak dɛ kë cïk wööc në kueer ë gɛm kek miɔ̈c.

Kɛ̈ŋ 20:30

Dui tök thok ee kërac waak wei, ku yup ee raan waak piɔ̈u thïn.

Yith 53:11

Na cï pïïr de guöm thök, abï piɔ̈u bɛ miɛt, abï ŋic nɔn kën Yen gum në ɣɔ̈ric. Awundiën cï rɔt gam, miɛt ɛn piɔ̈u we yen, abï këtuc de kɔc juëc ɣääc ku në biäkde abä keek päl karɛcken.

Lebai 16:22

Ku nyɔk, abï karɛcken kedhie jɔ lɛɛr wei piny cïn raan ceŋ en, ku jɔ nyɔk lɔ nyääŋ ë jɔ̈ɔ̈ric.

Lebai 22:9

“Bäny ke kake Nhialic abïk wëëtdï dhil döt, ke cïï bïï aa kërac në kegup, ke ke cïï bï thou, të lan keek jääm në agɔ̈th. Ee Yɛn Bɛ̈nydït, Raan ë tɔ keek ɣer.

Malakai 4:2

Ku na week, wek kɔc ee rinkï riëëu, wek bä yiɛ̈n piathëpiɔ̈u ku rëër lɔ dïu cït man ye akɔ̈l thok bɛ̈n. Wek bï nïïm lääu, ku miɛtkï piɔ̈ɔ̈th cït man ë dɛɛu cï luöny bei kɛl.

Kuɛ̈n 18:22

Ë cïn raan däŋ de Yithriɛl ee lɔ në paany de mät lɔ̈ɔ̈m, ke ke cïï kërac bï looi ku yïnkï röt thuɔɔu kapäc.

Math 27:26

Na wën, ke luny Barabath keek, ku jɔ Yecu tɔ dui ë waat, ku yïn kɔc, bïk lɔ piäät ë tim cï rïïu nɔm kɔ̈u.

Math 5:20

Wek yɔ̈ɔ̈k an, “të kën wok kɔc wöör në piathëpiɔ̈u kɔc ë löŋ gɔ̈ɔ̈r kekë Parithai, ke we cïï bï lɔ ë ciɛɛŋ de paannhialic anandun.

Math 8:17

ago jam aa yic jam ɣɔn cï lueel ë tiët Yithaya an, “Yen guöp acï tëtöökuɔ nööm, ku acï juɛ̈ikuɔ jɔt.”

Mak 15:15

Na wën, akɔɔr Pilato luɔi bï en kut ë kɔc tɔ lɔ piɔ̈ɔ̈th yum, ke jɔ Barabath luöny keek. Go Yecu kɔn tɔ dui ë waat, ku yïn kɔc bï lɔ piäät ë tim cï rïïu nɔm kɔ̈u.

Luk 4:18

“Wëidït ke Bɛ̈nydït acïk nyuc ë yaguöp, En aa tɔc en a guöp, bä kɔc kuanynyïïn aa guiëër wëlpiɛth. Acï a tooc bä kɔc cï piɔ̈ɔ̈th jiɛth bɛ̈n duut piɔ̈ɔ̈th, Ku bä kɔc cï mac bɛ̈n guiëër luny bï ke lony, Ku guiëër cöör yïn bï kek bɛ yïn,

Jɔn 1:29

Na ɣɔn amiäk, ke Jɔn tïŋ Yecu ke bɔ̈ tëde yen, go lueel an, “Wɔikï, Amɛthɔ̈k de Nhialic kï, anyiɛɛi kërɛɛc de piny nɔm!

Jɔn 19:1

Go Pilato Yecu tɔ leerë, le dui ë waat.

Luɔi 10:35

Ku në juöör yiic ëbɛ̈n, raan riëëu en ku ye këpiɛth looi, yen anu ë Nhialic piɔ̈u.

Luɔi 10:39

Ku wook ee cäätɔɔ në ka cï looi ëbɛ̈n paan ë Judai, ayï Jeruthalem, ku acïk nɔ̈k abï thou, në nök cï kek e nöök në tim nɔm.

Luɔi 13:29

Na wën, aa cïk käŋ thöl kedhie ka cï gɔ̈ɔ̈r në këde, ke jɔkï bɛ̈ɛ̈i bei ë tim kɔ̈u, tɛ̈ɛ̈ukï ë raŋic.

Luɔi 5:30

Nhialic de kuarkuɔ acï Yecu jat nhial, raan cäk nɔ̈k, wään nɔ̈ɔ̈k wek en ë tim nɔm.

Romai 6:11

Ayï week ayadäŋ, yak röt tɔ ye kɔc cï thou ëdhöc tëde kërac, ku takï röt ë kɔc pïïr tëde Nhialic në Kërtho Yecu Bɛ̈nydïïtda.

Romai 6:13

Ayï ka ke wegup duökï ke gëm kërac, abïk aa ka ke racdepiɔ̈u bï kërac aa looi, yak röt gäm Nhialic cït man ë kɔc cï bɛ pïïr ë kɔc cï thou yiic, ku yak Nhialic gäm ka ke wegup abïk aa ka ke piathëpiɔ̈u.

Romai 6:16

Kuöckï week an, raan cä wek röt tɔ ye lïïmke, abäk ka ke yen aa looi, yen aya wek lïïmke, yen raan aa wek ka ke looi, nɔn ee yen kërɛɛc ee thuɔɔu bɛ̈ɛ̈i, ku nɔn ee yen pïŋ aa wek ka ke Nhialic piŋ, yen aye piathëpiɔ̈u bɛ̈ɛ̈i?

Romai 6:2

Acie yen! Wok kɔc cï thou tëde kërac, buk ŋoot ë wo pïïr thïn adï?

Romai 6:22

Ku ënɔɔnë, nɔn cï we luöny bei ë kërac cin, aguɔkï aa lïïm ke Nhialic, ke we de kakuön cï luɔk ënɔɔnë ka ke ɣɛɛrëpiɔ̈u, ku thök bï en thök ee pïïr athɛɛr.

Romai 6:7

Raan cï thou acï wɛ̈ɛ̈n bei ë këracic.

Romai 7:6

Ku ënɔɔnë, wo cï luöny bei ë löŋ cin, kë wään cï wo mac thïn ë guɔ thou, luɔi bï wok käŋ aa looi në wëi cuk piac yök, ku cuku käŋ ee looi në kathɛɛr cï gɔ̈ɔ̈r ë löŋic.

1 Kor 15:3

Yɛn ë jam kɔn yiɛ̈n week ɣɔn, jam cä nööm ayadäŋ, jam ë thon cï Kërtho thou në biäk de karɛckuɔ acït man cï këcïgɔ̈ɔ̈r e lueel,

2 Kor 6:17

Go ë Bɛ̈nydït lueel an, “Yen bä wek bei në keyiic, abäk röt tɔ ye kɔc mɛɛn pei. Ku duökï kënhiany ee jak, ku we bä dɔm.

Galatai 3:13

Kërtho acï wo wɛ̈ɛ̈r bei ë aciɛɛn ë löŋic, luɔi cï e tɔ ye aciɛɛn në biäkda: luɔi cï e gɔ̈ɔ̈r an, “Raan ëbɛ̈n raan nɔ̈ɔ̈k ë tim nɔm, ka cï cieen.”

Epethiei 5:9

kak ye ɣɛɛrëpiny ke luɔk ayek luɔi de këpiɛth ëbɛ̈n ku piathëpiɔ̈u ku yic.

Pilipoi 1:11

Ke we bï thiɔ̈ɔ̈ŋ piɔ̈ɔ̈th ë kak ee piathëpiɔ̈u ke luɔk, kak ë bɔ̈ tëde Yecu Kërtho, ke Nhialic bï dhuëëŋ yök ayï lɛc.

Kolothai 2:14

ku cï jam cï gɔ̈ɔ̈r ë lööŋ yiic cuöth bei, kë de ater ke wook: ago nyaai ë woyiic, në piëët cï en e piäät ë tim cï rïïu nɔm kɔ̈u.

Kolothai 2:20

Ku të cä wek thou në Kërtho ëtök, të lɔ ka ke piny nɔm, eeŋö ya wek ka lueel kɔc piŋ, cït man piëër wek ë piny nɔm,

Kolothai 3:3

Wek cï thou, dï, ku pïïrdun acï thiaan kekë Kërtho ë Nhialicic.

Ɣeberuu 10:10

Ënɔɔnë yen kë tɔ wo piɛthpiɔ̈ɔ̈th ka, në biäk cï Kërtho Nhialic riëëu ku gɛm rɔt raantök në këde kɔc kedhie.

Ɣeberuu 10:5

Yen aa lueel ë Kërtho en, ɣɔn bïï Yen ë piny nɔm, go lɛ̈k Nhialic an, “Ka gɛmë ka näk acie kek kɔɔr, ku yen, ee guöp yen aa gämë Yɛn bän aa raan bï ya miɔ̈c näk.

Ɣeberuu 12:13

Ku yak kueer lɔ loulou cak në wecök ke ŋɔl cï rɔt bï yal wei kueer, aŋuɛ̈ɛ̈n luɔi bï ŋɔl waar ku deem.

Ɣeberuu 7:26

Ɣɛɛ, Yen Bɛ̈nydïït ë kake Nhialic kɔɔrku ka. Yen aɣeric, acïn guöp awäc, acïn këthïïn cool nu ë Yeguöp, acï pɔ̈c bei ë kɔc ee karɛc looi yiic. Yen Yecu acï jat nhial.

Ɣeberuu 9:28

Yen acï Kërtho thou, nyiɛɛi karɛc ke kɔc juëc. Ku miäk të le Yen bɛ bɛ̈n në bɛ̈n ee kek rou, acie karɛc kek bï bɛ̈n bɛ nyaai, abï bɛ̈n bï raan ëbɛ̈n raan tit En bɛ̈n kony wëi.

Jakop 5:16

Yen aa wek awɛ̈ɛ̈c gam ë röt wapäc, ku yak lɔ̈ŋ në röt wapäc, ke we bï dem. Pal ë raan piɛthpiɔ̈u, pal cath ke riɛl, en aye kajuëc tiaam.

1 Jɔn 2:29

Të ŋiɛc wek en nɔn piɛth en piɔ̈u, ka ŋiɛckï aya nɔn ee yen ë dhiëth raan ëbɛ̈n raan ë këde piathëpiɔ̈u looi.

1 Jɔn 3:7

Wek mïththiaakäŋ, duökï röt ee tɔ mɛthë raan: raan ee këde piathëpiɔ̈u looi, ka piɛthpiɔ̈u, cït man piɛth en piɔ̈u:

Nyuuth 22:2

Ku tim ë pïïr anu ë kiir nɔm lɔŋë, tim ee luɔk ë mïth ee yiic thiëër ku rou, ee luɔk ë pɛ̈i nyïïn kedhie: ku yïth ke tim aye ke tɔ ye wɛ̈ɛ̈l ee juöör tɔ dem.