1 Pet 2:23 - JAM DE NHIALIC 2011

²³ raan wään lɛ̈ɛ̈të, ku cïï be lat, wään guum en kërac, ke cïï kɔc wai, ku cï këde tääu ë Raan cin Raan ee löŋ ŋiëc guiir ëgɔk.

1 Pet 2:23 ပူးပေါင်းရင်းမြစ်များ

Cäk 18:25

Aŋiɛc ëgɔk nɔn cïn kɔc cïn gup awäc bï nɔ̈k në kɔc de gup awɛ̈ɛ̈c. Acïï rɔt duëër lëu! Yïn cï kë cït ee kënë duëër looi. Ku na lɔ looi, ke kɔc cïn gup awɛ̈ɛ̈c, abï keek jɔ kuum në kɔc de gup awɛ̈ɛ̈c ëtök. Ku kënë acïï rɔt duëër lëu. Raan ee löŋ guiir ë pinynɔm ëbɛ̈n cï bï looi në yith?”

Diɛt 10:14

Ku yïn ee yaaŋ tïŋ ku tïŋ nuan ku yïn ee kuɔɔny bɛ̈ɛ̈i. Kɔc yɔŋ keek ayek röt gäm yïn, ee yïn ee kɔc cïn käŋ kony.

Diɛt 31:5

Yïn cä gam wëi kï. Kony ɛn Bɛ̈nydït, Nhialic de yith.

Diɛt 37:5

Gämë kuɛɛrku Bɛ̈nydït, ye ŋɔ̈ɔ̈th, ku abï yï gël,

Diɛt 7:11

Nhialic, Yen aye bɛ̈ny de luŋ yic, ku ee kɔc rac yiëk yiëth gääk ë cieŋ.

Diɛt 96:13

Të le Bɛ̈nydït bɛ̈n bïï pinynɔm bɛ̈n ceŋ. Abï kɔc ke pinynɔm ceŋ, në piathëpiɔ̈u ku yic.

Yith 53:7

“Yen acï kuur ku acï bɛ̈n guum ke koor rɔt piny, acïn jam töŋ cï lueel. Acït nyɔɔŋ amääl le tem röl, ku cït amäl tem ë nhïm në yeguöp, acïn wɛ̈t töŋ cï lueel.

Luk 23:41

Ku këtuc cuk yök wook acï tiiŋ nɔm ëgɔk, wo cï kë röŋ ke luɔida jɔ yök: ku raanë acïn kërɛɛc cï looi.”

Luk 23:46

Na wën, ke Yecu cöt ë röl dït, lueel an “Wäär, wëikï a tääu keek ë yïcin!” Ku të cï en wëlkë lueel, ke jɔ thöök.

Luk 23:9

Go thiëëc ë wël juëc, go ciën kë cï bɛ̈ɛ̈r.

Luɔi 17:31

Në luɔi cï en kööl tök lueel, kööl bï en löŋ de pinynɔm guiir ë piathëpiɔ̈u në raan cï tɔ ye bɛ̈ny ee löŋ guiir, ku acï kënë tɔ ŋic kɔc kedhie an, ee jam yic, në jön cï en e jɔ̈t bei ë kɔc cï thou yiic!”

Luɔi 4:29

Ku ënɔɔnë, Bɛ̈nydït, piŋ wɛ̈i ee kek wo waai, ku gämë lïïmku riɛl, bïk jamdu aa guiir ke ke ye ŋeeny,

Luɔi 7:59

Gokï Thepano biöök ë kur, ke cöt, lueel an, “Bɛ̈nydït Yecu, loor wëikï!”

Luɔi 9:1

Ku Thaulo, aŋoot ke bïï wɛ̈i bei ë yethok wɛ̈i wɛɛi yen kɔcpiööcë Bɛ̈nydït an, bï ke kuur ë näk, go lɔ të nu bɛ̈nydïït ë kake Nhialic,

Romai 2:5

Ku yïn, në riɛl ril yïn piɔ̈u, ku në luɔi reec yïn puŋ de yïn piɔ̈u, yïn ë rɔt kuɛ̈t agönhdïït ɣet ë kööl ë agɔ̈th, akööl ë nyuöth bï löŋ piɛth cï Nhialic guiir rɔt nyuɔɔth.

Epethiei 6:9

Ku wek bäny de nïïm lïïm, yak luui wäklë ayadäŋ tëde lïïmkun, yak wɛ̈i pɔ̈l wɛ̈i aa wek ke waai: në ŋïny ŋiɛc wek cöökë an, Bɛ̈nydun week ayadäŋ anu paannhial, ku acïn kuëny ee yen kɔc kuany yiic.

2 Theth 1:5

Ku kënë ee ŋïny bä wek guiëër ee Nhialic löŋ guiir ŋic ëgɔk, nɔn ee yen guiëër yic, ee kë bï we tɔ ye kɔc rɔ̈ŋ në ciɛɛŋ de Nhialic aa wek kake guum në biäkde aya:

2Tim 1:12

En aa guööm ɛn ee kakë aya: ku acä keek guum, ke yɛn kën yäär, në biäk ŋiɛc yɛn raan cä gam, ku aŋiɛc ëgɔk nɔn duëër en këdäŋ ŋiëc tiit kë cä kuɛ̈i yen aɣet kööl bï bɛ̈n.

2Tim 4:8

Ku ënɔɔnë ade göl ë dhuëëŋ cï täu ɛn, göl ë piathëpiɔ̈u, göl bïï Bɛ̈nydït gäm ɛn ëköölë, Bɛ̈ny ee löŋ ŋiëc guiir apiɛth: ku acie yɛn a tök, abï gäm kɔc cï tïcde nhiaar kedhie ayadäŋ.

Ɣeberuu 12:3

Eeŋö cä wek aterdïït cïï Yecu guum ee tak, ku lɛ̈ɛ̈t wään ye kɔc kën gam ye läät! Agokï we muk piɔ̈ɔ̈th, ke we cïï röt bï pälwei ku cäkï piɔ̈ɔ̈th bï bäp.

1 Pet 3:9

Duökï kërac ë puk nɔm ë kërac, ku lɛ̈t duökï ee puk nɔm ë lɛ̈t, acie yen, athiɛɛi yen abä wek e puk nɔm, luɔi ŋiɛc wek en an, ë luɔi bä wek athiɛɛi lɔ̈ɔ̈k lak, yen kë ë cöölë week ka.

1 Pet 4:19

Yen ka, kɔc ee kërac guum në këde piɔ̈n ë Nhialic ë ke ye wëiken kuɛ̈i Nhialic në luɔiden piɛth yek looi, luɔi ee yen Aciëŋ dïït ee käŋ ŋiëc döt.

Nyuuth 19:11

Na wën, ke ya tïŋ paannhial aɣɔ̈ɔ̈r, na wën, ke jöŋgör akuur tul, ku raan rɛ̈ɛ̈r ë yekɔ̈u, acɔl Adöt ku cɔl Yic, ku ee piathëpiɔ̈u yen aye löŋ guiir ku yen aye tɔŋ lɛɛr.