1 Pet 2:2 - JAM DE NHIALIC 2011

² Takkï röt cït mïth cï piac dhiëëth, aguɔkï cɛk ke jam ë Nhialic aa kɔɔr, cɛk awai, ke we bï dït ë keek akonyë we wëi.

1 Pet 2:2 ပူးပေါင်းရင်းမြစ်များ

2 Tham 23:5

Yen luɔi bïï Nhialic käudï thieei ka, në baŋ cï yen män bï tɔ̈u athɛɛr looi kekë yɛn, amat cïï bïï bɛ dhoŋ kɔ̈u, ee gutguut cïï bïï waar. Yen kë ya kɔɔr ëbɛ̈n ka, kënë abï ya tiëmdï, ku abï Nhialic tɔ loi rɔt.

Jop 17:9

Ku abïk ŋoot ke ke rɛ̈ɛ̈r në piathëpiɔ̈ndenic, ku abïk lɔ ke ke ŋuak riɛlden nyin.

Kɛ̈ŋ 4:18

Ku kueer de kɔc ɣerpiɔ̈ɔ̈th, acït ɣɛɛr de run ë piny, ë lɔ ke jɔ ɣɛɛr abï piny jɔ ruu ë gɔk.

Ɣodh 14:5

Yɛn bï ciët thäc tëde kɔc ke Yithriɛl. Abïk gaak moc cït man agurbiök, Abïï keek riɛɛt piny ka meiken abïk ɣet piny ya cït man ë mei ke tim de thidar de Lebanɔn.

Ɣodh 14:7

Ku kɔc abïk bɛ rëër në atïmde yic. Abïk bɛ kaar cï rap ku abïk bɛ luɔk cï enap. Abï keek bɛ aa leec cït man de mɔ̈n de Lebanɔn.

Ɣodh 6:3

Gamku Bɛ̈nydït, themku buk dhil ŋic ëgɔk. Ku aŋicku ëgɔk nɔn bï Yen dhil tïc cït man cïï akɔ̈l duëër rëër ke cïï thok bɔ̈. Abï bɛ̈n tëde wook cït nyieer ke deŋ, ku cït deŋ yaak ee piny liëër.

Malakai 4:2

Ku na week, wek kɔc ee rinkï riëëu, wek bä yiɛ̈n piathëpiɔ̈u ku rëër lɔ dïu cït man ye akɔ̈l thok bɛ̈n. Wek bï nïïm lääu, ku miɛtkï piɔ̈ɔ̈th cït man ë dɛɛu cï luöny bei kɛl.

Math 18:3

ku lueel an, “Wek yɔ̈ɔ̈k ëyic an, ‘Të kɛ̈n wek röt puk, abäk ciët mïththiaakäŋ, ke we cïï bï lɔ ë ciɛɛŋ de paannhialic.

Math 19:14

Go Yecu lueel an, “Pälkï mïththiaakäŋ, duökï ke pën bɛ̈n të nuö yɛn, ciɛɛŋ de paannhial ee këde kɔc cït keek.”

Mak 10:15

Wek yɔ̈ɔ̈k ëyic an, Raan reec ciɛɛŋ de Nhialic nööm cït man ë mɛnhthiinakäŋ, ka cïï bï lɔ thïn ëtaiwei.”

Luk 18:17

Wek yɔ̈ɔ̈k ëyic an, Raan reec ciɛɛŋ de Nhialic nööm cït man ë mɛnhthiinakäŋ, ka cïï bï lɔ thïn ë taitai.”

Romai 6:4

Yen ka, wok cï tɔ̈ɔ̈u në yen ëtök ë thuɔɔuwic në baptith cï wo baptith, luɔi bï wok tɔ̈u ë pïïr ë piɛcku yökic aya, cït man ë jön cï Kërtho jat nhial ë kɔc cï thou yiic në dhuëëŋ de Wun.

1 Kor 14:20

Wek mïthëkɔckuɔ, duökï bï aa mïthiikë në ŋïnydekäŋ, yak aa mïththii ateteet në racdepiɔ̈u tei, ku në ŋïnydekäŋ yak aa röördït.

Epethiei 2:21

Alooc ëbɛ̈n acï kiëët nɔm ë yen, abï dikëdik, go ŋuak abï aa luaŋdïït ɣeric ë Bɛ̈nydïtic.

Epethiei 4:15

Wok bï yic dhil aa muk në nhiëër, ku yok dït ë këriëëcic ëbɛ̈n të nu yen, yen aye naamde, yen Kërtho guöp.

2 Theth 1:3

Wo bï dhil aa cool ë lec Nhialic nɔm në biäkdun, wek mïthëkɔckuɔ, cït man piɛth en, ë luɔi ee gämdun rɔt ŋuak aläldïïtë, ku luɔi dïïtë nhiëër nhiaar wek röt wedhie aläl.

1 Pet 1:23

wek ë cïï beyë dhiëëth ë kɔ̈th bï dhiap, ee kɔ̈th cïï bï dhiap kek a beyë ke we dhiëëth, në jam ë Nhialic jam pïïr ku ye tɔ̈u athɛɛr.

2 Pet 3:18

Yak lɔ ke we lɔ tueŋ në dhuëëŋ de wepiɔ̈ɔ̈th ku në ŋïny ŋiɛc wek Bɛ̈nydïïtdan Yecu Kërtho, yen aye Konydan ë wëi. Ë dhuëëŋ ë ye tɔ̈u ke ye këde ayï ënɔɔnë aɣet athɛɛr. Amiin.