1 Pet 2:15 - JAM DE NHIALIC 2011

¹⁵ Yen aye këde Nhialic piɔ̈u, yen luɔi aa wek këpiɛth looi, aguɔkï kɔc cïn nïïm miɛɛm ë kuny kuc kek käŋ.

1 Pet 2:15 ပူးပေါင်းရင်းမြစ်များ

Jop 2:10

Go lɛ̈k tiiŋde an, “Yïn e jam tei ë jam ë raan piɔlpiɔ̈u. Na yok kapiɛth gam tëde Nhialic, eeŋö cïï wok katuc thook ee guum aya?” Në ee kakë yiic kedhie akën wäc në yeliep.

Jop 5:16

Ago aŋäth aa këde kɔc kuanynyïïn ku ye kɔc ke luɔi rac thook lɔ lik.

Diɛt 107:42

Aye kɔc lɔ piɔ̈ɔ̈th wai tïŋ agokï piɔ̈ɔ̈th miɛt, ku kɔc ke rɛ̈ɛ̈c ëbɛ̈n abïï ke miɛɛm thook.

Diɛt 5:5

Yïn cïï duëër kɔ̈ɔ̈c në biäk de kɔc ee röt lɛɛc, Yïn man kɔc ee kërac looi kedhie.

Kɛ̈ŋ 9:6

Go pɛlënɔm lueel an, “Pälkï pial ë piɔ̈ndun, ke we bï pïïr, ku cathkï në kueer ë yöŋ de käŋic.”

Jeremia 4:22

Aye Bɛ̈nydït lueel an, “Kɔckï apiɔlkï piɔ̈ɔ̈th, akuckï Yɛn. Acïtkï mïth piɔl piɔ̈ɔ̈th, acïnkï ŋïny de käŋ. Keek ayek atëët ke luɔi de kërac, ku ayek löny në luɔi de këpiɛth.”

Math 25:2

Ku dhïc ë keyiic apelkï nïïm, ku dhïc ayek dhän.

Math 7:26

Ku raan ëbɛ̈n raan ë wëlkiënë piŋ, ku cïï keek ë looi, yen abä thɔ̈ɔ̈ŋ kekë raan piɔlpiɔ̈u, raan ë ɣönde yïk ë liɛɛt nɔm,

Romai 1:21

ku të ciɛk kek Nhialic ŋic, ka cïkï ee riëëu ë riëëu ee Nhialic riëëu, ku cïkï ee leec, acïk aa kɔc ee ɣɔ̈ric tak ë kepiɔ̈ɔ̈th, ago piɔ̈ndɛn piɔl ago cuɔl ëcut.

Galatai 3:1

Wek Galatai mum nïïm oou, eeŋa cï we thuëëth, bä wek yic cuö piŋ, wek kɔc cïï Yecu Kërtho tääu ë wenïïm ëdëi, ke ye piäät ë tim cï rïïu nɔm kɔ̈u?

Nyöŋ 32:6

Yen kueer bä wek Bɛ̈nydït aa luööi ka, wek kɔc dhän cie tak? Ee wuöördun, ee Aciëŋdun, raan ë loi week ku tɔ we ee jur.

1 Theth 4:3

Këde piɔ̈n ë Nhialic kï an, Ɣɛɛr bä wek piɔ̈ɔ̈th ɣɛɛr, ku päl bä wek kɔ̈ɔ̈rëdiäär pɔ̈l.

1 Theth 5:18

Yak thieithieei lueel në këriëëc ëbɛ̈n. Kënë ee këde piɔ̈n ë Nhialic në këdun ë Kërtho Yecuyic.

1 Tim 1:13

Acakaa yɛn ë ye raan ee Nhialic läät ɣɔn, raan ee kɔc yɔŋ, ku ya ke kuur: ku yɛn ë kokdepiɔ̈u yök, luɔi cän e looi ke kuöc në ciën gäm.

Tito 2:8

Ye jam ë jam piɛth, jam cïï duëërë jɔ̈ɔ̈ny, ke raan de ater ke yïn ke bï yäär, ke cïn jam rɛɛc duëërë lueel ë këda.

Tito 3:3

Ku wook ayadäŋ wok aaye kɔc cïn nïïm wään thɛɛr, kɔc ee löŋ rɛɛc piŋ, kɔc cï math, wok ee ye lïïm ke ŋɔ̈ɔ̈ŋ ee wo dɔm ŋɔ̈ɔ̈ŋ kithic, ku yok lïïm ke kamit yok kɔɔr ë wopiɔ̈ɔ̈th, wok aaye tɔ̈u ke wo racpiɔ̈ɔ̈th deku yiic tiɛɛl, ku man kɔc wook, ku manku röt.

1 Pet 2:12

Yak ŋiëc rëër apiɛth ë juööriic, ku na cakaa kek ë ye we tum gup, acäk ciët kɔc ee kërac looi, ka bïk Nhialic dhil lɛc nɔm ë kööl bï en kɔc bɛ̈n neem, në luɔiduön piɛth ye tïŋ.

1 Pet 3:16

yak cath ë piɔ̈n agɔk, ku na cakaa kek ë ye we tum gup an, yak kɔc ee kërac looi, ka bïk yäär kek kɔc ee rëërduön piɛth ë Kërthoyic lat.

1 Pet 3:17

Të nu yen ë Nhialic piɔ̈u nɔn bä wek käŋ guum në biäk de luɔi piɛth yak looi, yen aŋuän në luɔi guööm wek käŋ në biäk de luɔi de kërac.

1 Pet 4:2

Ago täu täu wek ë guöpic ë aköölkuön ë pïïr cï döŋ tëde week, ke cïï bï aa këde ŋɔ̈ɔ̈ŋ ë kɔc dɔm, abï aa këde piɔ̈n ë Nhialic.

2 Pet 2:12

Ku kɔckë, kɔc cït läi röör cïn nïïm, läi ke piny tei, läi cï cak në döm bï ke dɔm, ku ɣäth bï kek ɣäth, ayek ka kuckï lat, ku abïk määr ëtaiwei në ɣäthdɛn bï kek ɣäth,

Juda 1:10

Ku kɔckë, të de yen ka kuckï ka yek ke lat, ku të de yen ka ŋickï në täudɛn cï cäk ke, cït man ë läi cïn nïïm, ka yek röt riɔ̈ɔ̈k ee kakë.