1 Pet 2:11 - JAM DE NHIALIC 2011

¹¹ Wek kɔc nhiaar, wek läŋ, luɔi ciët wek kamaan ku ciëtkï kɔc cï ɣap ë wuöt lei, ke we bï ŋɔ̈ɔ̈ŋ de kake piny nɔm aa pɔ̈l, ee ke ye tɔŋ biök në wëikun.

1 Pet 2:11 ပူးပေါင်းရင်းမြစ်များ

Cäk 21:34

Ku Abraɣam acï cieŋ ke rɛ̈ɛ̈r ë Pilithtia.

Cäk 23:4

“Yɛn ee raan lei, ku yɛn rɛ̈ɛ̈r në weyiic eenë. Ɣɔ̈ckï ya piny thiinakäŋ, bän tiiŋdï tɔ̈ɔ̈u thïn.”

Cäk 47:9

Go Jakop puk nɔm an, “Runkiën wään cath ɛn piny lei, ayek bɔt ku thiërdiäŋ ë run. Ku kek ee runkë, alikï ku atuckï thook. Acïkï kït në run ke kuarkuɔ ɣɔn nömkï ke ke cath piny lei.”

1 Lëk 29:15

Aŋic, Yïn Bɛ̈nydït, nɔn ee wok tëëk ë pïïric cï alɛi ku kamaan, cït man ɣɔn cïï kuarkuɔ ke looi. Nïnkuɔ acïtkï atïm ee cath, ku wok cïï duëër kat ë thuɔɔu.

Diɛt 119:19

Yɛn tɔ̈u ë pinynɔm ee tënë ë nïn liiakäŋ tei, du lööŋku thian ë yɛn.

Diɛt 119:54

Të ŋuɔɔt yɛn ke ya pïïr ë pinynɔm yɛn cï diɛt cak në biäk de lööŋku.

Diɛt 39:12

Piŋ lɔ̈ŋdï Bɛ̈nydït, ku piŋ dhiëndï, bä kony ɛn të dhiaau ɛn. Yɛn ee kamandu në akööl liiakäŋ, cït man cïï kuarkuɔ kɔn keny.

Lebai 15:18

Na cï moc tɔ̈c kekë tik, ku de mïth cï wɛt piny, keek kedhie abïk dhil waak në pïïu, ku abïk gup rac aɣët cï thëën.

Lebai 25:23

Piny acïï bï dhil ɣaac liŋliŋ, në biäk ye piny këdï, ku week ee kɔc lei tei, ku yak kɔckiën ee tïït.

Luk 21:34

“Yak röt tiit, ke we cïï piɔ̈ɔ̈th bï aa thiäŋ në kajuëc yak cam, ku wïn ee mɔu we wit, ku diɛɛr në ka ke pïïr ënɔɔnë, ke we cïï ëköölë bï mook ëthiäu.

Luɔi 15:20

ku abuk keek gäär tei an, bïk luɔi de yiëth pɔ̈l luɔi nhiany, ku pälkï dhööm, ku cäm de läi cï dec, ku riɛm.

Luɔi 15:29

an, bäk cäm ë rïŋ cï gam yiëth pɔ̈l, ku riɛm, ku ka cï dec, ku dhööm, të cä wek kakë pɔ̈l, ka we ye këpiɛth looi. Niɛnkï apiɛth.

Romai 12:1

Yen aa läŋ ɛn week, mïthëkɔckuɔ, në kok ë Nhialic piɔ̈u an, Gamkï gupkun abïk aa kë cï lam kë pïïr, kë ɣeric, kë mit ë Nhialic piɔ̈u, gämduön piɛth kï.

Romai 7:23

ku yɛn ë löŋ däŋ yök ë ka ke yɛnguöp yiic, löŋ de ater kekë löŋ de yanɔm, löŋ ë yɛn thel cït man ë raan cï peec abï ya tɔ ye lïm de löŋ de kërac, löŋ nu ë ka ke yɛnguöp yiic.

Romai 8:13

ku të ya wek ka ke guöp looi, ke we bï thou, ku të ya wek luɔi de guöp yiëkic thuɔɔu në riɛl ë Wëi, ke we bï pïïr.

2 Kor 5:20

Ku ënɔɔnë wok ee tuuc ke Kërtho, acït man lɛ̈ŋ ë Nhialic kɔc në wothook: wek läŋku në biäk de Kërtho an, bɛkï määth në Nhialic.

2 Kor 6:1

Ku nɔn ee wok luui në yen ëtök, en a lɛ̈ŋ wo week, ke we cïï dhuëëŋ de Nhialic piɔ̈u nöm ë ɣɔ̈ric.

2 Kor 7:1

Yen ka, ënɔn ciɛth wok wokë ka cï lueel an, bï ke gäm wookë, wek kɔc nhiaar, yok röt waak në acuɔl ëbɛ̈n acol ë guöp ku acol ë wëi, ku yok wopiɔ̈ɔ̈th tɔ ɣer abïk dikëdik në riëëu de Nhialic.

Galatai 5:24

Ku kɔc wën ë ya kɔc ke Kërtho acïk guöp piäät ë tim cï rïïu nɔm kɔ̈u kekë kak ee guöp kɔɔr ëtök, ayï ŋɔ̈ɔ̈ŋ ë ye dɔm.

Epethiei 2:19

Yen ënɔɔnë, we cïï be aa kɔc lei ku cäkï ë juöör lei, wek ee kɔc ke wun tök wekë kɔc ɣerpiɔ̈ɔ̈th ku yak kɔc ke dhiën ë Nhialic.

Epethiei 4:1

Ya kï, yɛn ee raan cï mac në këde Bɛ̈nydït, wek läŋ nɔn bä wek rëër ë rëër piɛth rëër röŋ ke cɔ̈t ë cɔɔlë week.

2Tim 2:22

Ye kat ë karɛc kɔɔr dhuök: ku ye piathëpiɔ̈u cop, ku cop gäm, ku nhiëër, ku mät, në kɔc ëtök kɔc ee Bɛ̈nydït cɔɔl në piɔ̈n awai.

Ɣeberuu 11:13

Ku kek ë kɔckë aake ŋoot ë gämic, gäm de yic aŋäth ɣɔn thou kek. Cakaa nɔn kën kek kë cï kɔn lɛ̈k keek yök, ke keek amitkï piɔ̈ɔ̈th në luɔi ëye kek ee kakë tïŋ tëmec në nyin ë gäm. Ku gamkï luɔi ë ye kek kamaan lɛɛn ë këny ee pinyë nɔm.

Ɣeberuu 6:9

Ku wek määthkï na wo cak jam aya, ke wek ŋäthku nɔn dɛ wek nïïm athiɛɛi ŋuän në këde kuny de wëikun.

Jakop 4:1

Ye tɔɔŋ bɛ̈n tënou ku ye piɔ̈t ee kɔc piɔ̈t bɛ̈n tënou bïk ë weyiic? Cïkï ee bɛ̈n ë ŋɔ̈ɔ̈ŋ ee we dɔm, ŋɔ̈ɔ̈ŋ ë tɔŋ biök ë ka ke wegup yiic?

1 Pet 1:1

Yɛn Petero, tuny ë Yecu Kërtho, awerek en gäär kɔc cï thiëi ë wuöt lei, kɔc ë Ponto, ku Galatia, ku Kapadokia, ku Athia, ku Bithunia.

1 Pet 1:17

Ku të ya wek Wääda cɔɔl rin, Raan ee löŋ guiir në kë rɔ̈ŋ ke luɔi de raan ëbɛ̈n, ku cïï kɔc ee kuany yiic, ke we rɛ̈ɛ̈r ë aköölkuön ë kɛ̈ny wek ee tënë ke we riɔ̈c.

1 Pet 4:12

Wek kɔc nhiaar, duökï gäi ë thëm tuc cït mac nu ë weyiic, thëm ee we them ënɔɔnë, duökï e lueel an, ee këgäi mɛɛn pei kë cï tuöl tëde week.

1 Pet 4:2

Ago täu täu wek ë guöpic ë aköölkuön ë pïïr cï döŋ tëde week, ke cïï bï aa këde ŋɔ̈ɔ̈ŋ ë kɔc dɔm, abï aa këde piɔ̈n ë Nhialic.

2 Pet 3:1

Yɛn cï awerek kɔn gäär week, wek kɔc nhiaar, ku renden kï, ku në keyiic kaarou piɔ̈ɔ̈thkuön awai aya ke pɔ̈ɔ̈c abïk yïn, në täŋ aa yɛn we täk nïïm ë käŋ,