1 Pet 1:8 - JAM DE NHIALIC 2011

⁸ Ee raan nhiaar, na cakaa yen ë kɛ̈nkï tïŋ: ku ye raan cäk gam, na cakaa yen ë cäkï woi guöp ënɔɔnë, aguɔkï piɔ̈ɔ̈th miɛt në miɛt cïï themë thok, ku de yic dhuëëŋ dït,

1 Pet 1:8 ပူးပေါင်းရင်းမြစ်များ

Diɛt ke 1:7

Raandiën nhiaar, lɛ̈kë yɛn, Ee tënou bï yïn lunyduön ë thök tɔ lɔ nyuäth thïn? Ee tënou bï yïn luny tɔ lɔ lɔ̈ŋ thïn aköl, të cïï akɔ̈l tuöc? Eeŋö bï yïn yɛn tɔ kɔɔr yïn në luuny ke tïït kɔ̈k yiic?

Diɛt ke 5:16

Thoŋde amit arɔ̈ŋ ke ciëm, këriëëc tɔ̈u ë biäkde ëbɛ̈n ee ya miët piɔ̈u. Yen täu tɔ̈u ë monydiën nhiaar ka, diëër ke Jeruthalem.

Diɛt ke 5:9

Tiiŋ läk aläl në diäär yiic, Monyduön nhiaar, de kë duëër en wöc kekë kɔc kɔ̈k? Eeŋö nu në yeguöp kën ee këde gäi, kë duëër wok yïn lɛ̈k gutguutda?

Math 10:37

Raan nhiaar wun ayï man awär nhiëër nhiɛɛr en en, ka cïï rɔ̈ŋ kekë yɛn, ku raan nhiaar wënde ayï nyande awär nhiëër nhiɛɛr en ɛn, ka cïï rɔ̈ŋ kekë yɛn.

Jɔn 14:15

Të nhiaar wek ɛn, ke we döt lööŋ thɔ̈n week.

Jɔn 14:21

“Raan gam lööŋ cï ke thɔ̈n ɛn, ku muk keek, yen aye raan nhiaar ɛn: ku raan nhiaar ɛn abïï Wäär nhiaar, ku abä nhiaar aya, aguɔ rɔt nyuöth en.”

Jɔn 14:24

Raan cïï a nhiaar, ka cïï wëlkï ee döt: ku jam piɛŋkï acie këdï, ee jam ë Wäär raan ë toc ɛn.

Jɔn 16:22

Ku week aya, we de dhiën ë wepiɔ̈ɔ̈th ënɔɔnë: ku we bä bɛ tïŋ, aguɔkï piɔ̈ɔ̈th miɛt, ku miɛt ë wepiɔ̈ɔ̈th acïn raan bï e nyaai tëde week.

Jɔn 20:29

Go Yecu yɔ̈ɔ̈k an, “Tïŋ cï yïn a tïŋ, Thoma, yen aa gɛ̈m yïn? Thieithieei ë kɔc cï gam, acakaa kek ë ke kën a tïŋ!”

Jɔn 8:42

Go Yecu ke yɔ̈ɔ̈k an, “Tëë ye Nhialic yen ee Wuöördun, adï yak a nhiaar: nɔn ë bä yɛn tëde Nhialic bä eenë, ku yɛn ë cïï bɔ̈ në këde yenhdï, yen aa toc ɛn.

Luɔi 16:34

Na wën, ke ke bïï ɣönde, ku tɛ̈ɛ̈u këcam ë kenïïm, ke mit piɔ̈u aläl, kekë dhiënde ëbɛ̈n, në gäm wën cï kek Nhialic gam.

Romai 14:17

Ciɛɛŋ de Nhialic acie cäm ku acie dëk, ee piathëpiɔ̈u, ku mät, ku piɔ̈nmit ë Wëidït ɣer yiic.

Romai 15:13

Ku ënɔɔnë, Nhialic de aŋäth ë week thiɔ̈ɔ̈ŋ piɔ̈ɔ̈th në miɛtëpiɔ̈u ëbɛ̈n kekë mät në gäm gäm wek, ke aŋäth ŋäth wek abï lɔ ke dït, në riɛl ë Wëidït ɣer.

1 Kor 16:22

Na de raan cïï Bɛ̈nydït Yecu Kërtho nhiaar, ka bï guöp dɛ aciɛɛn! Bɛ̈nydïïtda ka bɔ̈yë!

2 Kor 1:22

Raan cï wo gäär piɔ̈ɔ̈th rinke aya, ago wo gäm Wëidït ë wopiɔ̈ɔ̈th, ke ye biäk de kë buk yök rial.

2 Kor 12:4

raanë acï gap nhial ɣeet Paraditho, ago wël piŋ wël ë raan pɛ̈n luɛɛl lueel en ke.

2 Kor 4:18

Në luɔi cïï wok ka cï tïŋ ee tak, ee ka kënë tïŋ kek ayok tak: ka cï tïŋ ayek ka ke aköölkë tei, ku ka kënë tïŋ ayek tɔ̈u thɛɛr.

2 Kor 5:7

(Ee gäm en aye wo rëër acie daai).

2 Kor 9:15

Thieithieei Nhialic ë biäk de miɔ̈cdɛn ë ye miööc ë dhuëëŋ, miɔ̈c liu eenë!

Galatai 5:22

Ku ka cï luɔk ë Wëidït, kek aye nhiëër, miɛtëpiɔ̈u, mät, guöm de kajuëc, ŋiëc rëër ëmääth, dhuëëŋ, dön ë käŋ,

Galatai 5:6

Ku në Kërtho Yecu yic cuɛ̈l acïn naamde ayï luɔi kënë raan cueel, ee gäm lui në nhiëër en ade nɔm.

Epethiei 3:19

Aguɔkï nhiëërde ŋic, nhiëër wär ŋïnydekäŋ, ke we bï kuɛth në kuɛth ë Nhialic ëbɛ̈n.

Epethiei 6:24

Ë dhuëëŋdepiɔ̈u tɔ̈u ke kɔc kedhie kɔc nhiaar Bɛ̈nydan Yecu Kërtho në piɔ̈n agɔk. Amiin.

Pilipoi 1:25

Ku ŋïny ŋiɛc ɛn ee kake ëgɔk, yen a ŋiɛc ɛn en nɔn bän tɔ̈u, ku rɛ̈ɛ̈r wokë week wedhie, ke we bï lɔ tueŋ ku miɛtkï piɔ̈ɔ̈th ë gäm,

Pilipoi 3:3

Ku wook, wok aye aŋueel yith, wok kɔc ee lam ë Wëidït ke Nhialic, ku yok röt leec në Kërtho Yecu, ku cuku röt ee ŋɔ̈ɔ̈th ë guöp.

Pilipoi 4:4

Yak piɔ̈ɔ̈th miɛt ë Bɛ̈nydïtic ë aköölnyïïn kedhie: abä nyɔkic an, Yak piɔ̈ɔ̈th miɛt!

Ɣeberuu 11:1

Gäm de yic aŋäth ë tiët ë kë bï rɔt dhil looi, ku nɔ̈m de kë kën ë kɔn tïŋ aye yic.

Ɣeberuu 11:27

Në biäk de gäm de yic aŋäth, Mothe paan ë Rip bɛ̈n nyääŋ piny, ku cï riɔ̈c në agönh ë melik, aaye Nhialic ŋɔ̈ɔ̈th Raan kën tïŋ guöp.

1 Pet 1:6

Ku yen a ya wek piɔ̈ɔ̈th miɛt arëët, acakaa wek ë ye piɔ̈ɔ̈th dhil jiɛth tëthiinakäŋ ënɔɔnë në thëm kithic ee we them,

1 Pet 2:7

Yen a de en naamde tëde week, wek kɔc cï gam: ku tëde kɔc reec gäm, “Kuur ɣɔn reecë yïk, Yen guöp acï tɔ ye kuur dïït nu ë aguk de pänyic.”

1 Pet 5:4

Na ëlëmiäk të cï Tïndïït ë Thök tuöl, Tïn nu ë tïït nïïm, ke we bï göl ë dhuëëŋ yök göl cïï bï biɔɔr anande.