1 Pet 1:6 - JAM DE NHIALIC 2011

⁶ Ku yen a ya wek piɔ̈ɔ̈th miɛt arëët, acakaa wek ë ye piɔ̈ɔ̈th dhil jiɛth tëthiinakäŋ ënɔɔnë në thëm kithic ee we them,

1 Pet 1:6 ပူးပေါင်းရင်းမြစ်များ

Diɛt 119:28

Jiɛthëpiɔ̈u ë ya tiaam, gämë yɛn riɛl, cït man cïï yïn gutguut lueel.

Diɛt 119:75

Bɛ̈nydït, aŋiɛc nɔn ye guiëër de löŋdu yic, ku yïn cï ya dui në biäk yïn piɔ̈u adöt.

Diɛt 34:19

Kɔc piɛthpiɔ̈ɔ̈th aye nuɛɛn juëc ke yök, ku aye Bɛ̈nydït ke kony në keek kedhie.

Diɛt 35:10

Ku abä ja lɛ̈k Bɛ̈nydït në yapiɔ̈u ëbɛ̈n an, “Acïn raan thöŋ ke yïn. Yïn ee raan kɔ̈c gël në raan ril ku gël raan kuany nyin në raan yɔŋ en.”

Diɛt 69:20

Lɛ̈ɛ̈t acïk ya dhoŋ piɔ̈u, ku yɛn cï piɔ̈u jiɛth. Yɛn aa ŋäth kokdepiɔ̈u, go ciën tök, ku kaar duötdepiɔ̈u, go ciën kë yäk.

Diɛt 9:14

Ke yɛn bï kɔ̈ɔ̈c ë kal ë nyan de Dhiɔn thok ku lɛ̈k keek ka yan ke yïn piɔɔny kedhie. Yɛn bï piɔ̈u miɛt në luɔi cï Yïn ɛn kony.

Diɛt 95:1

Bäkkï, piɔnyku Bɛ̈nydït! Këtku diɛt ke miɛtëpiɔ̈u Nhialic, raan ee wo kony!

Yith 61:10

Jeruthalem amit piɔ̈u në biäk de kë cïï Bɛ̈nydït looi. Cït man ye monythiëk lupɔ dik cieŋ, ku thiäŋ nyan thiak rɔt në adhɛ̈p ke thiëëk. Acïï Nhialic kum kɔ̈u në lupɔɔ ke piathëpiɔ̈u ku tiëm.

Yith 61:3

Bä kɔc dhiau në Dhiɔn tɔ mitpiɔ̈ɔ̈th, gäm miɛtëpiɔ̈u në nyin ë dhiëëuwic, Diɛt ke alɛɛc në nyin ë jiɛthëpiɔ̈uwic. Abïk ciët tiim ke ɣok de piathëpiɔ̈u, cïï Bɛ̈nydït ke com guöpde. Abïk yic aa looi, ku Nhialic abï dhuëëŋ yök ë baŋ ë kë cï looi.

Math 11:28

Bäkï të nuö yɛn, wek kɔc nɛ̈k luɔi ril wedhie, ayï kɔc cï duɔɔny ë kathiek ɣɛ̈ɛ̈ckï, ke we bä gäm lɔ̈ŋ bä wek lɔ̈ŋ.

Math 26:37

Go Petero nööm kekë wɛ̈ɛ̈t ke Dhebedayo kaarou, ku jɔ piɔ̈u dhiau abï piɔ̈u jiɛth arëët.

Math 5:12

Yak piɔ̈ɔ̈th miɛt abäk dɔl ë dɔl rac, ariöpdun adït paannhial, acïk tït aa yɔŋ yikya tït ɣɔn kɔn bɛ̈n ke we liu.

Luk 1:47

Ku yɛn ë piɔ̈u guɔ miɛt wokë Nhialic Konydï.

Luk 10:20

Ku duökï piɔ̈ɔ̈th mit në ee cöökë an, ye jɔɔk rac këdun gam, aŋuän luɔi bä wek piɔ̈ɔ̈th miɛt në gäär cï rinkun gɔ̈ɔ̈r paannhial.”

Luk 2:10

Go tunynhial ke yɔ̈ɔ̈k an, “Duökï riɔ̈c, piɛŋkï, wek guiëër wël piɛth wël ke piɔ̈nmit, wël bï aa ka ke kɔc kedhie.

Jɔn 16:22

Ku week aya, we de dhiën ë wepiɔ̈ɔ̈th ënɔɔnë: ku we bä bɛ tïŋ, aguɔkï piɔ̈ɔ̈th miɛt, ku miɛt ë wepiɔ̈ɔ̈th acïn raan bï e nyaai tëde week.

Jɔn 16:33

Kakë acä ke lɛ̈k week, ke we bï dɛ mät ë yayic. Në piny nɔm ke we bï dɛ këtuc ee we dhal: riɛtkï wepiɔ̈ɔ̈th tei! Yɛn ë piny nɔm tiaam.”

Luɔi 14:22

Ku ritkï kɔcpiööcë piɔ̈ɔ̈th, yöökkï keek an, “Bïk aa tɔ̈u ë gämic apiɛth, ku an, në guöm ee wok katuc juëc guum en abï wo dhil lɔ ë ciɛɛŋ de Nhialicic.”

Romai 12:12

Yak piɔ̈ɔ̈th miɛt ë aŋäth ŋäthkï, yak këril dhal week guum, yak lɔ̈ŋ cök ë giët wek en.

Romai 5:11

Ku acie yen etök, wok mit piɔ̈ɔ̈th ayadäŋ ë Nhialicic në Bɛ̈nydan Yecu Kërtho, raan ë yök wok mät në yen.

Romai 5:2

Raan cï wo liëp kueer le wook ë dhuëëŋic dhuëëŋ tɔ̈u wok thïn ënɔɔnë, në gäm cï wok gam, agoku piɔ̈ɔ̈th miɛt në ŋäth ŋɛ̈ɛ̈th wok dhuëëŋ de Nhialic.

Romai 9:2

Yɛn ë piɔ̈u jiɛth arëët ku ya coolë dhiau piɔ̈u acïn pëk.

2 Kor 4:17

Këpiɔɔldan dhal wook, ke bï dap lɔ wïth wei, aye wo luöi dhuëëŋ thiek dhuëëŋ wär kë dhal wook aläldïïtë, ku ye tɔ̈u athɛɛr.

2 Kor 6:10

acït kɔc ë dhiau, ku wo ye piɔ̈ɔ̈th miɛt ananda, acït kɔc kuanynyïïn, ku wo ye kɔc juëc tɔ kueth, acït kɔc cïn nïïm kaken, ku wo de nïïm käŋ kedhie.

Galatai 5:22

Ku ka cï luɔk ë Wëidït, kek aye nhiëër, miɛtëpiɔ̈u, mät, guöm de kajuëc, ŋiëc rëër ëmääth, dhuëëŋ, dön ë käŋ,

Pilipoi 2:26

Acä tooc, luɔi cï en we tak wedhie, ku acï wëi miɛt, luɔi cä wek e piŋ nɔn ë de en guöp juäi.

Pilipoi 3:3

Ku wook, wok aye aŋueel yith, wok kɔc ee lam ë Wëidït ke Nhialic, ku yok röt leec në Kërtho Yecu, ku cuku röt ee ŋɔ̈ɔ̈th ë guöp.

Pilipoi 4:4

Yak piɔ̈ɔ̈th miɛt ë Bɛ̈nydïtic ë aköölnyïïn kedhie: abä nyɔkic an, Yak piɔ̈ɔ̈th miɛt!

1 Theth 1:6

Ku we cï aa kɔc cï täuda dɔmic, ayï täu de Bɛ̈nydït, në gäm cä wek jam gam në këtuc dhal week arëët, ku në miɛtëpiɔ̈u ë Wëidït ɣer.

Jakop 1:2

Yak tɔ ye kë bä wek piɔ̈ɔ̈th miɛt aläl, wek mïthëkɔckuɔ, të ya wek lööny ë thëmic, thëm kith yiic,

Jakop 1:9

Ë mɛnhkënëdan nu ciëën ë mit piɔ̈u nɔn cï e tääu tueŋ:

Jakop 4:9

Jiɛthkï piɔ̈ɔ̈th, ku yak thuc, ku dhiaukï, takï dɔldun puk rɔt aye dhiëëu, ku takï miɛt ë wepiɔ̈ɔ̈th puk rɔt aye jiɛthëpiɔ̈u!

1 Pet 3:17

Të nu yen ë Nhialic piɔ̈u nɔn bä wek käŋ guum në biäk de luɔi piɛth yak looi, yen aŋuän në luɔi guööm wek käŋ në biäk de luɔi de kërac.

1 Pet 4:7

Ku thök bï käŋ thök kedhie acï guɔ thiɔ̈k: yen piath wek nïïm, ku yak röt tiit aguɔkï Nhialic ŋiëc aa lɔ̈ŋ.

1 Pet 5:10

Ku ënɔɔnë, Nhialic de piɔ̈u dhuëëŋ ëbɛ̈n, Raan cï we cɔɔl në këde dhuëëŋdɛn ee tɔ̈u athɛɛr në Kërtho Yecu, miäk, të cä wek käŋ guɔ guum tëthiinakäŋ, ee we tɔ ye dikëdik yen guöp, ku tɔ we kääc, ku tɔ we ril, ku tɔ we lïk piny.

1 Tham 2:1

Go Ɣana lɔ̈ŋ ayadäŋ ku lueel an: “Piɔ̈ndï amit në Bɛ̈nydïtic, yɛn mit piɔ̈u arëët në biäk de kë cïï Bɛ̈nydït luöi ɛn! Ee yɛn tɔ dɔl kɔc ke ater gup, yɛn mit piɔ̈u aläl në luääkde!