1 Pet 1:3 - JAM DE NHIALIC 2011

³ Thieithieei Nhialic Wun Bɛ̈nydan Yecu Kërtho, Raan ë be wo tɔ dhiëth në kok kook en piɔ̈u arëët, ku yïn wook aŋäth pïïr në jön cï Yecu Kërtho rɔt jɔt ë kɔc cï thou yiic,

1 Pet 1:3 ပူးပေါင်းရင်းမြစ်များ

1 Mel 8:15

Go lueel an, “Thieithieei Bɛ̈nydït Nhialic de Yithriɛl! Acï thöndɛn wään cï lɛ̈k wää Debid döt, ɣɔn lueel En en an,

1 Lëk 29:20

Na wën ke Debid ë jɔ amatnɔm ëbɛ̈n yɔ̈ɔ̈k an, “Lɛ̈kkï Bɛ̈nydït Nhialicdun thieithieei!” Ago amatnɔm ëbɛ̈n Bɛ̈nydït Nhialic de kuarken lɛc nɔm, ku jɔkï kenïïm guöt piny, në riëëu rïïu kek Bɛ̈nydït ku melik aya.

2 Lëk 31:8

Na wën cï ë melik Ɣedhekia kekë bänyke kajuëc cï ke gam tïŋ, gokï Bɛ̈nydït lɛc nɔm ku leec kɔckɛn ke Yithriɛl.

Diɛt 41:13

Pianykï Bɛ̈nydït, Nhialic de Yithriɛl! Pianykï ënɔɔnë aɣet athɛɛr! Amiin! Amiin!

Diɛt 86:15

Ku Yïn Bɛ̈nydït Nhialic. Yïn ee Nhialic de nhiëër agɔk kekë piɔ̈n adöt. Yïn ee tïït aköölnyïïn, ku Yïn piathëpiɔ̈u ku Ye piɔ̈u adöt aköölnyïïn.

Diɛt 86:5

Bɛ̈nydït, Yïn piɛth wekë wook, ku ye wook päl karɛckuɔ, Yïn thiäŋ wekë nhiëër agɔk, tëde kɔc ee Yïn lɔ̈ŋ kedhie.

Bɛ̈n 34:6

Na wën, ke Bɛ̈nydït tëk ë yenɔm tueŋ, ku lueel an, “Ee Yɛn Bɛ̈nydït Nhialic de kok ë piɔ̈u ku dhuëëŋ, Nhialic cie dap gɔ̈th, ku ye Nhialic adöt, Nhialic ee nhiëër agɔk nyuɔɔth.

Yith 26:19

Kɔckuɔn cï thou abïk bɛ pïïr! Gupken abïk röt dɔ̈k ë pïïr yic. Kɔc nin në rɛ̈ŋken yiic ëbɛ̈n abïk pääc ku kïtkï ë miɛtëpiɔ̈u. Cït man ye thɛ̈ny thiin lɔ bilbil piny tɔ dëk, yen abï Bɛ̈nydït kɔc cï thou thɛɛr bɛ tɔ pïïr.

Jona 4:2

Ago lɔ̈ŋ an, “Bɛ̈nydït, cie kë wään ŋiɛc ka, luɔi bïï Yïn ë looi aya, wään ŋuɔɔt ɛn paanda? Ee yen ë tɔ ya kɔt ke ya lɔ wun cɔl Tarcic. Aa ŋiɛc luɔi Yïn Nhialic de nɔm nhiëër agɔk, ku päl de karɛc, Yïn ee piɔ̈u adhuɛ̈ŋ ku ye piɔ̈u dap kok, ku Yïn ee Yïnɔm dap waar ku cïï kɔc ee luöi këtuc.

Jɔn 1:13

Kɔc kënë dhiëëth ë riɛm, ku kënëke dhiëëth ë këde guöp, ku kënë ke dhiëëth ë këde piɔ̈n ë moc, aake dhiëëth Nhialic.

Romai 12:12

Yak piɔ̈ɔ̈th miɛt ë aŋäth ŋäthkï, yak këril dhal week guum, yak lɔ̈ŋ cök ë giët wek en.

Romai 15:13

Ku ënɔɔnë, Nhialic de aŋäth ë week thiɔ̈ɔ̈ŋ piɔ̈ɔ̈th në miɛtëpiɔ̈u ëbɛ̈n kekë mät në gäm gäm wek, ke aŋäth ŋäth wek abï lɔ ke dït, në riɛl ë Wëidït ɣer.

Romai 4:25

yen Yecu, raan cï rɔt gäm thuɔɔu në këde awäny cuk wööc, ku be yë jat nhial ke bï wo tɔ piɛthpiɔ̈ɔ̈th.

Romai 5:10

Të cï wo määt në Nhialic në thon cï Wënde thou, ke wo ŋoot ë wo ye kɔc de ater, na ënɔɔnë, nɔn cï wo guɔ määt, ke kuny bï ë wo kony në pïïr pïïr en, yen apiɔl awär ee kënë arëët.

Romai 8:11

Ku të rëërë Wëi ë weyiic, ke Wëi ke Raan wään cï Yecu jat nhial ë kɔc cï thou yiic, të rëër kek ë weyiic, ke Raan cï Kërtho jat nhial ë kɔc cï thou yiic, yen abï week tɔ pïïr gup gup de yiic thuɔɔu, në riɛl ë Wëikɛn ee rëër ë weyiic.

Romai 8:24

Wo cï kony wëi në aŋäth ŋäthku. Ku kë cï raan tïŋ acie tɔ ye aŋäth. Kë cï raan tïŋ eeŋö duëërë ye bɛ ŋɔ̈ɔ̈th?

1 Kor 13:13

Ku ënɔɔnë adɔ̈ŋ gäm, ku aŋäth, ku nhiëër, kake kedhie, ku kë dïït ë kake yiic ee nhiëër.

1 Kor 15:20

Ku ënɔɔnë Kërtho acï rɔt jɔt ë kɔc cï thou yiic, ago aa kë cï kɔn luɔk ë kɔc cï niin yiic.

2 Kor 1:3

Thieithieei Nhialic yen Wun Bɛ̈nydan Yecu Kërtho, Wun kokdepiɔ̈u ku ye Nhialic de muŋdepiɔ̈u ëbɛ̈n!

Galatai 6:16

Ku kɔc kedhie, kɔc ee mat ë cöökë, ë mät ë ye tɔ̈u ke keek ayï kokdepiɔ̈u, ku ë ke tɔ̈u në Yithriɛl de Nhialic!

Epethiei 1:17

ke Wun Bɛ̈nydan Yecu Kërtho, yen aye Wun de nɔm lɛc, ke bï we miɔɔc në wëi ke pɛlënɔm ku nyuuth bï we nyuöth käŋ, luɔi bä wek e ŋic apiɛth.

Epethiei 1:3

Thieithieei ë Nhialic, Wun Bɛ̈nydan Yecu Kërtho, Raan cï wo thieei ë athiɛɛi de wëi ëbɛ̈n, athiɛɛi de ka ke paannhial, në Kërtho yic.

Epethiei 1:7

Raan cï wo wɛ̈ɛ̈r bei në riɛmde, ago wo tɔ pɛ̈lë karɛckuɔ, në dït de dhuëëŋ de yenpiɔ̈u,

Epethiei 2:4

Ku Nhialic Raan kok piɔ̈u aläl, në dït ë nhiëër ë nhiɛɛr en wook,

Epethiei 3:20

Ku ënɔɔnë, Raan lëu käŋ ë luɔi aläldït awär ka yok lip ayï ka yok tak ëbɛ̈n, në riɛldït ee luui ë woyiic,

Kolothai 1:23

të ya wek cool ë rëër ë gämdunic, abäk kɔ̈ɔ̈c aril ku cäkï ee dap wïïk, ku të kɛ̈n wek röt rat wei ë aŋäthic aŋäth ë wëlpiɛth cäk piŋ, wël cï guiëër kɔc cï cak kedhie ë pinynɔm ëbɛ̈n, kek wëlpiɛth ë ya yɛn kake looi yɛn Paulo.

Kolothai 1:27

Acï miɛt ë Nhialic piɔ̈u luɔi bï en keek tɔ ŋic dït de dhuëëŋ de këcïmoonyë ë Juööriic, yen aye täu tɔ̈uwë Kërtho ë weyiic, ku ye aŋäth de dhuëëŋ.

1 Theth 1:3

Luɔiduön ë gäm ayok tak acïn pëk, ku takku luɔiduön ë nhiëër, ku aŋäth aa wek Bɛ̈nydït Yecu Kërtho ŋɔ̈ɔ̈th në liɛɛr ë wekpiɔ̈ɔ̈th ë Nhialic Wääda nɔm.

1 Theth 4:13

Ku wok cïn piɔ̈ɔ̈th luɔi bä wek e kuc, wek mïthëkɔckuɔ, në këde kɔc cï niin, ke we cïï piɔ̈ɔ̈th bï jiɛth aläl, cït man ë kɔc kɔ̈k, kɔc cïn kë ŋäthkï.

2 Theth 2:16

Ku ënɔɔnë, Bɛ̈nydan Yecu Kërtho guöp, ku Nhialic Wääda, Raan cï wo nhiaar, Raan cï wo gäm muŋdepiɔ̈u bï ɣet athɛɛr, ku gɛm aŋäth piɛth në dhuëëŋ de yenpiɔ̈u,

1 Tim 1:14

Ku dhuëëŋ de Bɛ̈nydïïtda piɔ̈u acï rɔt ŋuak abï kït aläl kekë gäm ku nhiëër nu ë Kërtho Yecuyic.

Tito 2:13

ku yok aŋäth cï thieei tiit, ku titku tuöl bï dhuëëŋ de Nhialicdandït ku Konydan Yecu Kërtho tuöl,

Ɣeberuu 3:6

Ku Kërtho ee mɛnh adöt në dhiën de Nhialic nɔm ëbɛ̈n. Ku wok aye dhiënde, të muk wok wopiɔ̈ɔ̈th aril, ku dötku aŋäthdan ye wok röt leec athöökë käŋ.

Jakop 1:18

Në löŋ cï lueel ë yepiɔ̈u en aa dhiëëth en wook në jam de yic, luɔi bï wok ciët ka cï kɔn luɔk, në ka cï cak kedhie.

1 Pet 1:13

Yen juɔɔc wek wepiɔ̈ɔ̈th, ku yak yïn, ku yak cök ë ŋääth wek dhuëëŋdepiɔ̈u bïï yiɛ̈n week ë kööl bï Yecu Kërtho rɔt nyuɔɔth.

1 Pet 1:21

wek kɔc cï Nhialic gam në yen, Nhialic wään jɔt en nhial ë kɔc cï thou yiic, ku jɔ gäm dhuëëŋ, ke gämdun ku aŋäthdun ke ke bï aa tɔ̈u ë Nhialic.

1 Pet 1:23

wek ë cïï beyë dhiëëth ë kɔ̈th bï dhiap, ee kɔ̈th cïï bï dhiap kek a beyë ke we dhiëëth, në jam ë Nhialic jam pïïr ku ye tɔ̈u athɛɛr.

1 Pet 2:2

Takkï röt cït mïth cï piac dhiëëth, aguɔkï cɛk ke jam ë Nhialic aa kɔɔr, cɛk awai, ke we bï dït ë keek akonyë we wëi.

1 Pet 3:15

Ku yak Kërtho theek ë wepiɔ̈ɔ̈th takï ë Bɛ̈nydït. Yak cool ë cuɔc wek röt, ke we bï löŋ de raan ëbɛ̈n ŋiëc aa bɛ̈ɛ̈r, raan ee we thiëëc në këde aŋäth ŋäthkï, abäk aa bɛ̈ɛ̈r në piɔ̈nlir ku riëëu,

1 Pet 3:21

Ku yen acït kuny ee baptith wo kony wëi ënɔɔnë aya, acie bïï bï acuɔl ë raan guöp bɛ̈ɛ̈i bei, ee kɔ̈ɔ̈r ee raan kɔɔr luɔi, ŋic en e piɔ̈u nɔn le en gɔk ë Nhialic nɔm, në jön cï Yecu Kërtho rɔt jɔt,

1 Pet 3:5

Yen aye kiëër ë ye diëër ɣeriic röt kiir ɣɔn thɛɛr aya, diëër ee Nhialic ŋɔ̈ɔ̈th, ku yek rëër ë jam de röörken yiic röörken gup:

1 Jɔn 2:29

Të ŋiɛc wek en nɔn piɛth en piɔ̈u, ka ŋiɛckï aya nɔn ee yen ë dhiëth raan ëbɛ̈n raan ë këde piathëpiɔ̈u looi.

1 Jɔn 3:3

Ku raan ëbɛ̈n raan cath ke aŋäthë aŋäth ŋɛ̈ɛ̈th en en, ee yepiɔ̈u tɔ lɔ wai cït man le en piɔ̈u wai.

1 Jɔn 3:9

Raan cï dhiëëth ë Nhialic acïï kërac ee looi, luɔi tɔ̈uwë käu de wun ë yeyic: ku acïï kërac duëër aa looi, në dhiënh cï Nhialic e dhiëëth.

1 Jɔn 4:7

Wek kɔc nhiaar, yok röt nhiaar: nhiëër yen aye këde Nhialic, ku raan ëbɛ̈n raan cath ke nhiëër ë Nhialic en ë dhiëth en, ku ŋic Nhialic.

1 Jɔn 5:1

Raan ëbɛ̈n raan ë Yecu gam, an, ee Kërtho, ka ye dhiëëth Nhialic, ku raan ëbɛ̈n raan nhiaar raan ë dhiëth meth ke nhiaar mɛnh ë dhiëëth aya.

1 Jɔn 5:18

Cöökë aŋicku, an, Raan ëbɛ̈n raan ë dhiëëth Nhialic acïï kërac ee looi, raan ë dhiëëth Nhialic ee rɔt döt, ke cïï jɔŋ rɛɛcë bï jak.

1 Jɔn 5:4

Ku kë cï dhiëëth ë Nhialic ëbɛ̈n ee ka ke piny nɔm tiaam: ku gämda yen ee tiëm ee ka ke piny nɔm tiaam.