1 Pet 1:25 - JAM DE NHIALIC 2011

²⁵ Ku jam ë Nhialic atɔ̈u aɣet athɛɛr.” Ku yen aye jam wään guïïrë week, jam piɛth.

1 Pet 1:25 ပူးပေါင်းရင်းမြစ်များ

Diɛt 102:12

Ku Yïn Bɛ̈nydït, Yïn ee melik aɣet athɛɛr, rɛm ëbɛ̈n abïk Yïn aa tak.

Diɛt 102:26

Abïk riäär kedhie, ku Yïn bï döŋ, abïk riääk cït man ë lupɔɔ. Ku abä ke rɛt cï lupɔɔ, ku abïk riäär taitai.

Diɛt 119:89

Bɛ̈nydït, jamdu abï tɔ̈u aɣet athɛɛr, ee tɔ̈u thɛɛr paannhial.

Yith 40:6

Röl adhiau an, “Luel jam!” Guɔ lop an, “Ee jamou yen bä lueel?” “Luel an mɛnh ë raan ëbɛ̈n acït wal, pïïrden acït gaak ye wal moc.

Yith 40:8

Ɣɛɛ, wal ayek biɔɔr ku löny gaak, ku wël ke Nhialicda ayek tɔ̈u aɣet athɛɛr.”

Math 5:18

Wek yɔ̈ɔ̈k ë yic, Të ŋootë tënhial ayï piny ke ke kën guɔ nyai, ka cïn gut tök ku acïn të thiin cï ɣɔ̈ɔ̈t bï nyaai në löŋic, të ŋootë käŋ ke ke kënë thöl kedhie.

Luk 16:17

Jäl bï tënhial jäl ayï piny, en ee këpiɔl, në luɔi duëërë cöök thiin töŋ de löŋ määr.

Jɔn 1:1

Të ɣɔn thɛɛr gɔlë käŋ Jam aa nu, ku nu Jam kekë Nhialic, ku Jam yen aye Nhialic.

Jɔn 1:14

Ago Jam aa guöp, ku tɔ̈u ë woyiic (agoku dhuëëŋde tïŋ dhuëëŋ cït dhuëëŋ ë Wën töŋ cïï Wun dhiëëth etök), acï piɔ̈u thiäŋ ke dhuëëŋ ku yic.

1 Kor 2:2

Yɛn cï löŋ teem ë yapiɔ̈u an, acïn kë bä ŋic ë weyiic, ee Yecu Kërtho etök, ku piëët ë piëëtë yen ë tim cï rïïu nɔm kɔ̈u.

Epethiei 2:17

Na wën, ke bɔ̈, bï jam de mät bɛ̈n guiëër week, wek kɔc ë nu tëmec, ku guïïr kɔc ë nu tëthiɔ̈k aya:

Epethiei 3:8

Yɛn guöp, acakaa yɛn ë koor ë kɔc ɣerpiɔ̈ɔ̈th kedhie, yɛn ë miɔɔc në dhuëëŋë, luɔi bän Juöör guiëër ka ke Kërtho, kek aye wëu cïï duëërë gïth nïïm,

Tito 1:3

ku acï jamde nyuöth kɔc ëkööldɛn piɛth në guiëër ë wëlpiɛth, guiëër cï tääu ë yacin këde löŋ de Nhialic Konyda.

Ɣeberuu 6:5

ku thiëpkï jam piɛth ë Nhialic ku riɛldïït ë piny bï bɛ̈n.

1 Pet 1:12

Ku acï nyuöth keek, nɔn cïï en ee biäkden ee biäkdun yen aaye kek kakë looi, ka cï guiëër week ënɔɔnë në kɔc wään guïïr week wëlpiɛth në riɛl ë Wëidït ɣer Wëi ë tooc paannhial, ku tuucnhial ayek kakë kɔɔr luɔi woi kek keyiic.

1 Pet 1:23

wek ë cïï beyë dhiëëth ë kɔ̈th bï dhiap, ee kɔ̈th cïï bï dhiap kek a beyë ke we dhiëëth, në jam ë Nhialic jam pïïr ku ye tɔ̈u athɛɛr.

1 Pet 2:2

Takkï röt cït mïth cï piac dhiëëth, aguɔkï cɛk ke jam ë Nhialic aa kɔɔr, cɛk awai, ke we bï dït ë keek akonyë we wëi.

2 Pet 1:19

Ku wo cath në jam de tït aya, jam yic ëgɔk, jam wär jamë, ku apiɛth tëde week të dɔ̈t wek jamë, luɔi ee yen ciët manyëalath ee riau tëcol, a ruu piny, ago ciëër ë runëpiny rɔt jɔt ë wepiɔ̈ɔ̈th.

1 Jɔn 1:1

Kë ë nu ɣɔn thɛɛr gɔlë käŋ. Kë cuk piŋ, kë cuk tïŋ ë wonyïïn, kë cuk woi, kë cuk dɔm ë wocin, këde jam de pïïr.

1 Jɔn 1:3

Kë cuk tïŋ ku piŋku, en a guïïrku week, ke we bï abärɔ aa mat në wook ëtök ayadäŋ: ku ë yic abärɔdan yok mat yen aye abärɔ de Wääda kekë Wëndɛn Yecu Kërtho:

Nyuuth 14:6

Na wën, ke ya tïŋ tunynhial däŋ, ke riŋ ë paannhialic cil, ke cath ke wëlpiɛth thɛɛr bï ke guiëër kɔc rɛ̈ɛ̈r ë piny nɔm, ku guïïr juöör ëbɛ̈n ku dhiën ku liëp ku kɔc ëbɛ̈n,