1 Pet 1:2 - JAM DE NHIALIC 2011

² Kɔc cï lɔc në ŋïny ee Nhialic Wääda ka ŋoot tueŋ ŋic, ku cï Wëidït ke tɔ piɛthpiɔ̈ɔ̈th, bïk këde Yecu Kërtho aa piŋ ku bïke yoor në riɛmde. Ë dhuëëŋdepiɔ̈u ku mät ë ke ŋuak nyïïn tëde week.

1 Pet 1:2 ပူးပေါင်းရင်းမြစ်များ

Yith 55:7

Takkï kɔc ee karɛc looi päl kueer ë pïïrden, ku waar kɔc cïï piɔ̈ɔ̈th piath täŋden ë ke puk röt Bɛ̈nydït, Nhialicda ee piɔ̈u kok ku ee karɛc dap pɔ̈l.

Yith 65:22

Acïkï bï yïk ku lɔ kɔc kɔ̈k rɛ̈ɛ̈r thïn, ku acïkï bï com ku lɔ kɔc kɔ̈k ke cam. Kɔckï abïk aa pïïr abïk dhiɔp cï tiim. Abïk kuɛth de kakɛn cïk looi cam në miɛtëpiɔ̈u.

Yith 65:9

Yɛn bï athiɛɛidï gäm kɔc ke Yithriɛl, kɔc ke dhiën ë Juda ku kuatden abïk dɛk pinydiën de kur. Kɔckiën cä lɔc ee ya luööi abïk rëër ëtɛ̈ɛ̈n.

Danyel 4:1

Go melik Nebukadnedhar thoŋë tuöc kɔc ke wuöt ëbɛ̈n ku juöör, ku thook ëbɛ̈n nu ë piny nɔm: “Wek cä thiëëc!

Danyel 6:25

Na wën ke melik Dariouth ë gɛ̈ɛ̈r awerek juöör ëbɛ̈n ku kɔc ëbɛ̈n ku thook ëbɛ̈n ë piny nɔm an, “Wek cä thiëëc!

Lebai 1:5

Ku abï miɔɔr koor nɔ̈k në Bɛ̈nydït nɔm. Na ëlë, ke wɛ̈ɛ̈t ke Aron, bäny ke kake Nhialic, abïk riɛm nööm ku wïïthkï në aguuk ke yïk kedhie, të lɔ paany de mät thok.

Math 24:22

Ku të kënë aköölkë teem kɔ̈ɔ̈th, ka cïn kɔc duëërë luök, ku në baŋ de kɔc cï lɔc, aköölkë abï ke teem kɔ̈ɔ̈th.

Math 24:24

Kërtho aluɛth abïk röt jɔt kekë tït aluɛth, ku abïk göök dït aa nyuöth kɔc, ayï kagɛ̈iyë ke dït, ku aduëërkï kɔc cï lɔc gup cɔ̈k nïïm wei, të cï kek e lëu.

Math 24:31

Na ëlë, abï tuuckɛn nhial tooc në kaaŋ kök arëët, lek kɔc cï lɔc kut nïïm, kɔc nu të lɔ rut, ku wöuwic, ku të lɔ aköl amiäk, ku të lɔ aköl athɛ̈i, gɔl ë nhial baŋ tök aɣët nhial baŋ tui.

Mak 13:20

Ku tëë Bɛ̈nydït kën aköölkë tɛm kɔ̈ɔ̈th, adï cïn kɔc bï luök: ku në baŋ de kɔc cï lɔc, kɔc wään cï meek, en acï en aköölkë tɛm kɔ̈ɔ̈th.

Mak 13:22

Kërtho aluɛth abïk röt jɔt ayï tït aluɛth, ku abïk kagöök dït nyuöth kɔc, ayï ka ke gäi dït, arëk abïk kɔc cï lɔc duɛ̈ɛ̈r cɔ̈k nïïm wei aya, të de yen të bï kek e lëu.

Mak 13:27

Na ëlë, ka abï tuucnhial tooc, lek kɔckɛn cï lɔc kut nïïm të ye yom pɔ̈t në aguut ke piny yiic ŋuan, gɔl ë piny thar aɣët të guutë tënhial thar thïn.

Luk 18:7

Ku cïï Nhialic kɔckɛn cï lɔc bï kony, kɔcke guöp, kek kɔc ee cool ë cɔl en akööl ku wakɔ̈u, acakaa yen ë cool ë gum käŋ në këden?

Luɔi 15:18

Luɔi looi ëbɛ̈n aŋic Nhialic të ɣɔn gɔlë käŋ.’

Luɔi 2:23

yen acäk nööm, të cï e yiɛ̈n week në këde löŋ cïï Nhialic lueel ë yepiɔ̈u, ku në ŋïny cï en e kɔn ŋic, aguɔkï piäät ë tim cï rïïu nɔm kɔ̈u në ciin rac, ku näkkï abï thou.

Luɔi 20:32

“Ku ënɔɔnë, wäthii, wek tääu ë Nhialic cin, ayï jam de dhuëëŋ de yenpiɔ̈u, jam duëër week kueet, agokï week gäm biäkduön bäk lɔ̈ɔ̈k lak ë kɔc piɛthpiɔ̈ɔ̈th yiic kedhie.

Romai 1:5

raan cï wo tɔ yök dhuëëŋdepiɔ̈u, ku yökku tuöc cï wo tooc, në luɔi bï kɔc wël aa piŋ ku gamkï keek ë juöör yiic kedhie, në baŋ de rinke.

Romai 1:7

Wek kɔc nu Roma wedhie, kɔc nhiɛɛr Nhialic, ku cï we cɔɔl, bäk aa kɔc ɣerpiɔ̈ɔ̈th. Ë dhuëëŋdepiɔ̈u tɔ̈u ë weyiic kekë mät, ë ke bɔ̈ tëde Nhialic Wääda kekë Bɛ̈nydït Yecu Kërtho.

Romai 11:2

Nhialic akën kɔcke cuat wei, kɔckɛn cï kɔn lɔc. Kuöckï kë cï këcïgɔ̈ɔ̈r lueel në këde? Läŋ cï Elija Nhialic lɔ̈ŋ në këde Yithriɛl an:

Romai 11:28

Në këde wëlpiɛth, ayek kɔc de ater në Nhialic në baŋdun, ku në këde löny lɔcë keek, ayek kɔc nhiaar në löŋ de wärkuɔ.

Romai 15:16

Ke yɛn bï aa raan ë Yecu Kërtho luööi ë Juöör yiic, raan ë wëlpiɛth ke Nhialic luöi keek, ke gäm cï Juöör gäm Nhialic ke bï aa läm mit ë Nhialic piɔ̈u, läm cï tɔ piɛth në Wëidït ɣer.

Romai 16:19

Ku piŋ piɛŋ wek löŋ acï ɣet tëde kɔc kedhie. Aguɔ piɔ̈u miɛt në baŋdun, ku ënɔɔnë yɛn kɔɔr luɔi bä wek aa kɔc pelnïïm të lɔ këpiɛth, ku yak kɔc kuc käŋ të lɔ kërac.

Romai 16:26

Ku acï tɔ tiëc ënɔɔnë, ku tɔ ŋic juöör ëbɛ̈n në kacïgɔ̈ɔ̈r ë tït, acït löŋ cïï Nhialic de pïïr athɛɛr lueel, bï kek wël aa piŋ ku gamkï ke.

Romai 8:13

ku të ya wek ka ke guöp looi, ke we bï thou, ku të ya wek luɔi de guöp yiëkic thuɔɔu në riɛl ë Wëi, ke we bï pïïr.

Romai 8:33

Eeŋa bï kɔc cïï Nhialic ke lɔc lɔ gaany? Ee Nhialic yen aye Raan ë keek tɔ cïn yiëth gääk!

1 Kor 1:30

Ku yen aye week tɔ tɔ̈u ë Kërtho Yecu yic, raan cïï Nhialic tɔ ye pɛlënɔm në baŋda, ku piathëpiɔ̈u, ku ɣɛɛrëpiɔ̈u, ku wëër wëërë wo bei,

1 Kor 6:11

Ku kɔc kɔ̈k ë weyiic aake ye kɔc cït keek: ku ënɔɔnë we cï waak, we cï tɔ ɣerpiɔ̈ɔ̈th, we cï tɔ piɛthpiɔ̈ɔ̈th në rin ke Bɛ̈nydït Yecu Kërtho, ku në Wëidït ke Nhialicda.

2 Kor 10:5

ayek lööŋ rac dhuöör piny, ayï këriëëc nu nɔm nhial ëbɛ̈n, kak ee rɔt jɔt ku cakkï ater në ŋïny de Nhialic, ku jɔku kë yok tak ë wopiɔ̈ɔ̈th ëbɛ̈n tɔ ye lïm bï këde Kërtho aa piŋ.

2 Kor 13:14

Dhuëëŋ de Bɛ̈nydan Yecu Kërtho piɔ̈u, ku nhiëër ë Nhialic, ku määth de Wëidït ɣer, ë ye tɔ̈u kekë week wedhie. Amiin.

Nyöŋ 7:6

Luɔikï ee kënë në baŋ ya wek kɔc ɣeriic ke Bɛ̈nydït Nhialicdun. Në kɔc ke pinynɔm ëbɛ̈n yiic acï week lɔc bäk aa kɔckɛn ke nɔmde.

Kolothai 3:12

Yen dam wek piɔ̈n ë dap kok, cït kɔc cïï Nhialic lɔc, kɔc ɣeriic ku nhiaar ke, ku damkï dhuëëŋ, ku piɔ̈n koor, ku kuur ee raan rɔt kuɔɔr piny, ku rëër ëmääth, ku guöm de kajuëc.

2 Theth 2:13

Ku wo bï dhil cool ë lec Nhialic në biäkdun, wek mïthëkɔckuɔ nhiɛɛr Bɛ̈nydït, në lony cï Nhialic we lɔc të ɣɔn ciɛkë käŋ, ke bï we kony wëi në ɣɛɛr bä wek piɔ̈ɔ̈th ɣɛɛr, ku në gäm bä wek yic gam.

2Tim 2:10

Yen a ya yɛn këriëëc guum ëbɛ̈n në biäk de kɔc cï lɔc, ke ke bï kunydewëi yök aya kuny nu ë Kërtho Yecuyic kekë dhuëëŋ bï tɔ̈u aɣet athɛɛr.

Tito 1:1

Yɛn Paulo, lïm ë Nhialic, ku ye tuny ë Yecu Kërtho, në këde gäm de kɔc cïï Nhialic lɔc, ku në këde ŋïny bï kɔc yic ŋic ëgɔk, yic ee röŋ ke riëëu de Nhialic,

Ɣeberuu 10:22

Jɔku lɔ në Nhialic lɔ̈ɔ̈m në piɔ̈n cïnic ruëëny, ku lokku në gäm adöt cï we waak piɔ̈ɔ̈th abuk piɔ̈ɔ̈th lɔ wai ke cïn kërɛɛc ŋïcku röt në täŋda yic ëbɛ̈n ku cï wook juɔɔl në pïïu lɔ top.

Ɣeberuu 11:28

Gäm de yic aŋäth yen atɔ Mothe loi Dhuëëŋ de winythok, ago lɛ̈k keek an bïk rim wiɛ̈ɛ̈th në ɣöötken thook ke riäŋ bï tunynhial bɛ̈ɛ̈i cïï mïth kɛ̈i ke Yithriɛl bï nɔ̈k piny de Rip.

Ɣeberuu 12:24

Ku yïn bï Yecu yök raan ee kɔc määt në löŋ cï piac mac, ku lëu cï Ye lɛ̈u riɛm, aluel kë ŋuän wär riɛm de Abel.

Ɣeberuu 5:9

Ku të cï Yen dikëdik, acï ya kueer ë kuny de wëi aɣet athɛɛr, tëde kɔc ee jamde riëëu.

1 Pet 1:14

Yak ciët mïth ee käŋ piŋ, aguɔkï cuö rɛ̈ɛ̈r ë rëërduön wään në këde ŋɔ̈ɔ̈ŋduön wään ee we dɔm në kuny aa wek këpiɛth kuc.

1 Pet 1:19

ee riɛm piɛth de naamde, cït riɛm de nyɔɔŋ amääl lɔ guöp kuiny ku cïn tëthiin col, en aa wëërë we bei, yen aye riɛm de Kërtho.

1 Pet 1:20

Raan cï kɔn ŋic ɣɔn thɛɛr ke piny ŋoot ke kënë cak, ku cï nyuɔɔth ëkööl ë thök ë piny në biäkdun,

1 Pet 1:22

Ku nɔn cä wek wepiɔ̈ɔ̈th tɔ ɣer në gäm cä wek yic gam në riɛl ë Wëidït, gäm cï we yiëk piɔ̈ɔ̈th nhiëër aa wek mïthëkɔckun nhiaar ë nhiëër cïnic lueth, ke we nhiaar röt arëët ë piɔ̈n ɣeric ëwic:

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.

2 Pet 1:2

Ë dhuëëŋdepiɔ̈u ku mät ë ke lɔ ke ke ŋuak kenyïïn tëde week, në ŋïny ŋiɛc wek Nhialic kekë Yecu Kërtho Bɛ̈nydïïtda.

2 Jɔn 1:1

Yɛn monydït awerek en gäär tiiŋ dïït cï lɔc kekë mïthke, kɔc nhiaar në yic, ku acie yɛn a tök, ee kɔc cï yic ŋic kedhie aya,

2 Jɔn 1:13

Yïn thiëëc mïth ke nyankui cï lɔc.

Juda 1:2

Ë kokdepiɔ̈u, ku mät, ku nhiëër, ë ke ye lɔ ke ke ŋuak kenyïïn tëde week.