1 Pet 1:17 - JAM DE NHIALIC 2011

¹⁷ Ku të ya wek Wääda cɔɔl rin, Raan ee löŋ guiir në kë rɔ̈ŋ ke luɔi de raan ëbɛ̈n, ku cïï kɔc ee kuany yiic, ke we rɛ̈ɛ̈r ë aköölkuön ë kɛ̈ny wek ee tënë ke we riɔ̈c.

1 Pet 1:17 ပူးပေါင်းရင်းမြစ်များ

Cäk 47:9

Go Jakop puk nɔm an, “Runkiën wään cath ɛn piny lei, ayek bɔt ku thiërdiäŋ ë run. Ku kek ee runkë, alikï ku atuckï thook. Acïkï kït në run ke kuarkuɔ ɣɔn nömkï ke ke cath piny lei.”

1 Lëk 29:15

Aŋic, Yïn Bɛ̈nydït, nɔn ee wok tëëk ë pïïric cï alɛi ku kamaan, cït man ɣɔn cïï kuarkuɔ ke looi. Nïnkuɔ acïtkï atïm ee cath, ku wok cïï duëër kat ë thuɔɔu.

2 Lëk 19:7

Riëëukï Bɛ̈nydït ku luöikï apiɛth, në biäk cïï Bɛ̈nydït Nhialicda kɔc ee tek yiic, ku acïï ruëëny ee kɔɔr ku acïï kum thok ee kɔɔr.”

Jop 34:19

Yen acïï rɔt ee mät bäny ku nɔn nhiɛɛr kɔc kueth, ku mäl kɔc kuanynyïïn, Yen aa cak raan ëbɛ̈n.

Diɛt 39:12

Piŋ lɔ̈ŋdï Bɛ̈nydït, ku piŋ dhiëndï, bä kony ɛn të dhiaau ɛn. Yɛn ee kamandu në akööl liiakäŋ, cït man cïï kuarkuɔ kɔn keny.

Diɛt 89:26

Abï ya lëk ɛn an, ‘Yïn ee Wäär, ku Ye Nhialinydï, Yïn ee gëlgëldï ku konydï.’

Kɛ̈ŋ 14:16

Raan pelnɔm ee rɔt tiit ku mec rɔt wei në kërac, ku raan piɔl piɔ̈u acie diɛɛr ë riäŋ bï ye yök.

Kɛ̈ŋ 28:14

Thieithieei në raan ee diɛɛr anande në luɔi de kërac, ku riɛl ë nɔm aye riääk kɔc lɔ̈ny.

Jeremia 3:19

Aye Bɛ̈nydït lueel an, “Yithriɛl yïn kaar bä yï gam ke yï wëndï ku gäm yïn piny bï yïn piɔ̈u miɛt, piny wär piiny ke juöör në piath. Akaar bä Yɛn aa cɔɔl an Wäär, ku du rɔt bï bɛ yal wei tëde Yɛn.

Dhep 3:9

“Ku Yɛn bï jam de juöör puk ke ye jam lɔ wai, ku abïk Ɛn aa lam ke cie yiëth kɔ̈k, ku yek A riëëu kedhie.

Math 16:27

Wën ë Raan abï bɛ̈n në dhuëëŋ de Wun kekë tuuckɛn nu nhial, ago raan riɔp ëbɛ̈n në kë rɔ̈ŋ në luɔide.

Math 22:16

Gokï kɔckɛn ë piööcë tuöc en, në kɔc ke Ɣerod ëtök, agokï lueel an, “Bɛ̈ny de wëët, yïn ŋicku nɔn ee yïn yic, ku nɔn ee yïn kɔc wɛ̈ɛ̈t në kueer ë Nhialic ë yic, ku acïn raan bï yïn riɔ̈ɔ̈c ë yen, yïn cïï kɔc ë woi gup biic.

Math 6:9

Yen aa wek lɔ̈ŋ wäklë: Wääda nu paannhial, Tɔ rinku riëëuwë.

Romai 11:20

Ee yicdu, në baŋ de reec de gäm yen a dhuŋë ke bei, ku yïn, yïn kääc në gäm. Du yïnɔm muk nhial, ye riɔ̈ɔ̈c tei.

2 Kor 1:2

Ë dhuëëŋdepiɔ̈u kekë mät në ke tɔ̈u ë weyiic, në ke bɔ̈ tëde Nhialic Wääda kekë Bɛ̈nydït Yecu Kërtho.

2 Kor 5:6

Agoku cool ë riit wok wopiɔ̈ɔ̈th, në ŋïny ŋic wok ëcöökë an, të nu wok baai ë guöpda yic, ke wok tɔ̈u roor të liiuwë Bɛ̈nydït.

2 Kor 7:1

Yen ka, ënɔn ciɛth wok wokë ka cï lueel an, bï ke gäm wookë, wek kɔc nhiaar, yok röt waak në acuɔl ëbɛ̈n acol ë guöp ku acol ë wëi, ku yok wopiɔ̈ɔ̈th tɔ ɣer abïk dikëdik në riëëu de Nhialic.

2 Kor 7:11

Thɔ̈ɔ̈ŋkï këmanë guöp, dhiën cï we tɔ dhiau piɔ̈ɔ̈th në këde Nhialic, thɔ̈ɔ̈ŋkï lɛ̈th cï we tɔ lëth yiic dït dïït en, yeka, ku dït ë luɛl cä wek këdun lueel, yeka, ku diu cä wek piɔ̈ɔ̈th diu, yeka, ayï täŋ cä wek käŋ tak arëët, yeka, ayï tuöc cä wek piɔ̈ɔ̈th tuöc, yeka, ayï guur cä wek käŋ guöör! Në këriëëc ëbɛ̈n we cï röt nyuɔɔth nɔn cä wek gup a gɔk ë liu liɛɛu wek ë jamë yic.

Galatai 2:6

Ku kɔckë kɔc cï tɔ ye kɔc de naamden, acakaa kek ë ye ŋö, acakaa kek ë dït ku acakaa kek ë kor, akïtkï tëde yɛn: Nhialic acïn raan ee riëëu guöp, kɔckë kɔc cï tɔ ye röördït acïn löŋ däŋ cïk lɛ̈k ɛn.

Epethiei 1:17

ke Wun Bɛ̈nydan Yecu Kërtho, yen aye Wun de nɔm lɛc, ke bï we miɔɔc në wëi ke pɛlënɔm ku nyuuth bï we nyuöth käŋ, luɔi bä wek e ŋic apiɛth.

Epethiei 3:14

Yen atuök ɛn a miɔl ë Wääda nɔm Wun Bɛ̈nydan Yecu Kërtho,

Epethiei 6:9

Ku wek bäny de nïïm lïïm, yak luui wäklë ayadäŋ tëde lïïmkun, yak wɛ̈i pɔ̈l wɛ̈i aa wek ke waai: në ŋïny ŋiɛc wek cöökë an, Bɛ̈nydun week ayadäŋ anu paannhial, ku acïn kuëny ee yen kɔc kuany yiic.

Nyöŋ 10:17

Bɛ̈nydït Nhialicdun anu nhial ë yiëth nïïm ëbɛ̈n, ku riɛl nïïm ëbɛ̈n. Yen Adït ku Awärjäŋ, ku abïï ë dhil riɔ̈ɔ̈c. Yen acïï tɛ̈ɛ̈k yic ee nyuɔɔth, ku acïï kumthok ee gam.

Pilipoi 2:12

Yen ka, wek kɔckiën nhiaar, acït man aa wek jam piŋ ë caŋɣɔn, ku acie të nuö yɛn etök, yak kunyduön ë wëi looi, kunydun guöp, luɔikï abäk thöl në riɔ̈ɔ̈c ku lɛ̈thëguöp, ku bäk cök ë luɔɔi wek en arëët ënɔɔnë të liɛɛu ɛn,

Kolothai 3:25

Ku raan ë kërac looi abï këde yök në kërɛɛc cï looi, ku kuëny bï kɔc aa kuany yiic aliu.

Ɣeberuu 12:28

Jɔku Bɛ̈nydït leec në luɔi cï Yen wo gäm ciɛɛŋ cïï duëër ë nieeŋ. Yok Nhialic tiiŋ piɔ̈u në läm ye wok e lam ku luuiku, ku lecku, yok riɔ̈ɔ̈c ku rïïuku.

Ɣeberuu 4:1

Ye ka, cït man ŋoot ë Nhialic ke cöl wook lɔ̈ŋ aɣet cï ënɔɔnë, jɔku röt tiit ke bï ciën kɔc bï döŋ ke ke cïï lɔ në ee lɔ̈ŋë yic.

1 Pet 2:11

Wek kɔc nhiaar, wek läŋ, luɔi ciët wek kamaan ku ciëtkï kɔc cï ɣap ë wuöt lei, ke we bï ŋɔ̈ɔ̈ŋ de kake piny nɔm aa pɔ̈l, ee ke ye tɔŋ biök në wëikun.

1 Pet 3:15

Ku yak Kërtho theek ë wepiɔ̈ɔ̈th takï ë Bɛ̈nydït. Yak cool ë cuɔc wek röt, ke we bï löŋ de raan ëbɛ̈n ŋiëc aa bɛ̈ɛ̈r, raan ee we thiëëc në këde aŋäth ŋäthkï, abäk aa bɛ̈ɛ̈r në piɔ̈nlir ku riëëu,