1 Pet 1:13 - JAM DE NHIALIC 2011

¹³ Yen juɔɔc wek wepiɔ̈ɔ̈th, ku yak yïn, ku yak cök ë ŋääth wek dhuëëŋdepiɔ̈u bïï yiɛ̈n week ë kööl bï Yecu Kërtho rɔt nyuɔɔth.

1 Pet 1:13 ပူးပေါင်းရင်းမြစ်များ

1 Mel 18:46

Go riɛl ë Bɛ̈nydït bɛ̈n tëde Elija go yeyic duut ku riŋ në Aɣap nɔm tueŋ aɣeet en Jedhreel.

2 Mel 4:29

Go Elica Geɣadhi yɔ̈ɔ̈k an, “Ruökë lupɔdu ë yïkɔ̈u, ku nöm thienydï, ku lɔ, ku na rämë wekë raan, ke du thiëc, ku na de raan thiëc yïn, ke du gam, ku bä thienydï lɔ kan ë meth nyin.”

Jop 38:3

Kääcë na ye moc, ku puk wël bä thiëc yïnë nïïm?

Jop 40:7

“Kääcë ënɔɔnë na ye moc, ku puk wël bä thiëc yïnë nïïm.

Bɛ̈n 12:11

Ku dapkï cuet ke we cï röt duöt në kake jäl, tääukï lupɔɔ në wekɔ̈ɔ̈th ku war në wecök, ku thieec në wecin. Në luɔi yen dhuëëŋ ë Winythok bä wek Ɛn door, Yɛn Bɛ̈nydït.

Yith 11:5

Abï kɔcke mac në piathëpiɔ̈u ku yic.

Jeremia 1:17

Guiir rɔt, Jeremia, lɔ lɛ̈k ë keek këriëëc cä lɛ̈k yïn ëbɛ̈n an, bä lɔ lɛ̈k keek. Du riɔ̈c në keek ënɔɔnë, ku nɔn bä yïn tɔ riɔ̈c ë keek arëët, të le yïn lɔ tɔ̈u në keyiic.

Math 20:4

go ke yɔ̈ɔ̈k an, “Lakï domic ayadäŋ ke we bä miɔɔc në kapiɛth. Gokï lɔ.

Luk 12:35

Yak tɔ̈u ke we duööt yiic, ku dɛ̈p mɛ̈ckuön ë alath.

Luk 17:30

Acït täu manë guöp en abï käŋ tɔ̈u ëkööl bï Wën ë Raan rɔt nyuɔɔth.

Luk 17:8

Ku cïï bï kɔn yɔ̈ɔ̈k an, ‘Guik kë bä cam, ku jɔ yïyic duut, yiɛ̈në ya këcam, bä cam ku dɛ̈k: na ëlë, ke yïn bï jɔ cam ku dɛ̈kë.’

Romai 13:13

Yok ŋiëc rëër apiɛth, luɔi ee yen aköl, yok thuëëc pɔ̈l, ku wïn ee mɔ̈u wo wit, ayï ŋɔ̈ɔ̈ŋ de tik ayï luɔi rac, ayï ater ayï tiɛɛl.

Romai 8:19

Ka cï cak ëbɛ̈n ayek käŋ ŋɔ̈ɔ̈th arëët, atitkï kööl ë tïc bï wɛ̈ɛ̈t ke Nhialic tïc.

1 Kor 1:7

ago ciën miɔ̈c töŋ dak week, të tiɛɛt wek nyuöth bï Bɛ̈nydan Yecu Kërtho rɔt nyuɔɔth.

1 Kor 13:13

Ku ënɔɔnë adɔ̈ŋ gäm, ku aŋäth, ku nhiëër, kake kedhie, ku kë dïït ë kake yiic ee nhiëër.

Epethiei 6:14

Yen aa wek kɔ̈ɔ̈c, ke we cï weyiic duut në thiönh cɔl yic, ku tääukï ke bä wek weyöth kum, yen aye piathëpiɔ̈u,

Kolothai 3:4

Miäk, të tïcë Kërtho pïïrda, ke we bï tïc aya në yen ëtök ë dhuëëŋic.

2 Theth 1:7

ku luɔi bï en week cuööt në lɔ̈ŋ bä wek lɔ̈ŋ në wook ëtök, wek kɔc ee luöi këtuc, kööl bï Bɛ̈nydït Yecu rɔt nyuɔɔth, të bï en paannhial kekë tuuckɛn ril bɔ̈ nhial,

2Tim 4:5

Ku yïn, ye röt tiit ë këriëëcic ëbɛ̈n, ye katuc guum, ye luɔi de raan ee wëlpiɛth guiir looi, ku jɔ luɔidu tiiŋic ëgɔk.

2Tim 4:8

Ku ënɔɔnë ade göl ë dhuëëŋ cï täu ɛn, göl ë piathëpiɔ̈u, göl bïï Bɛ̈nydït gäm ɛn ëköölë, Bɛ̈ny ee löŋ ŋiëc guiir apiɛth: ku acie yɛn a tök, abï gäm kɔc cï tïcde nhiaar kedhie ayadäŋ.

Ɣeberuu 10:35

Duökï riët ya wek wepiɔ̈ɔ̈th riit në aŋäthdunic päl, këriëëc ëbɛ̈n abï cuöl week.

Ɣeberuu 3:6

Ku Kërtho ee mɛnh adöt në dhiën de Nhialic nɔm ëbɛ̈n. Ku wok aye dhiënde, të muk wok wopiɔ̈ɔ̈th aril, ku dötku aŋäthdan ye wok röt leec athöökë käŋ.

Ɣeberuu 6:19

Wok de nïïm aŋäth dït cï mac piny cïn kë lëu en në wuök tëde, në biäk de këde pïïrda, aŋäth ŋicku ëgɔk bï wo tɛ̈ɛ̈k në gëlgël ë luaŋdït ë paannhial, ku ɣeet wook tëɣeric ëwic wär këriëëc.

Ɣeberuu 9:28

Yen acï Kërtho thou, nyiɛɛi karɛc ke kɔc juëc. Ku miäk të le Yen bɛ bɛ̈n në bɛ̈n ee kek rou, acie karɛc kek bï bɛ̈n bɛ nyaai, abï bɛ̈n bï raan ëbɛ̈n raan tit En bɛ̈n kony wëi.

1 Pet 1:10

Ku kunydewëi aaye tït luɔp arëët, ku yek cök ë kɔɔr kek en, tït ɣɔn ë käŋ caar në këde dhuëëŋdepiɔ̈u bï aa këdun.

1 Pet 3:15

Ku yak Kërtho theek ë wepiɔ̈ɔ̈th takï ë Bɛ̈nydït. Yak cool ë cuɔc wek röt, ke we bï löŋ de raan ëbɛ̈n ŋiëc aa bɛ̈ɛ̈r, raan ee we thiëëc në këde aŋäth ŋäthkï, abäk aa bɛ̈ɛ̈r në piɔ̈nlir ku riëëu,

1 Pet 4:7

Ku thök bï käŋ thök kedhie acï guɔ thiɔ̈k: yen piath wek nïïm, ku yak röt tiit aguɔkï Nhialic ŋiëc aa lɔ̈ŋ.

1 Pet 5:12

Yɛn ë awerek cekë tɔ luëthë week ë Thiluano, raan ŋiɛc nɔn ee yen mɛnhkënëdan adöt, acä gäär week riɛɛt ɛn wepiɔ̈ɔ̈th, ku ta rɔt ee cäätɔ në cöökë an, kënë ee dhuëëŋ de Nhialic piɔ̈u dhuëëŋ yic, dhuëëŋ kääc wek thïn.

1 Pet 5:8

Yak röt tiit, yak yïn: raan de ater ke week, yen aye jɔŋdït rac, ee cool ë ciɛɛth piny, cït man ë köör ee kïïu, ke ye raan bï cuääl kɔɔr.

1 Jɔn 3:3

Ku raan ëbɛ̈n raan cath ke aŋäthë aŋäth ŋɛ̈ɛ̈th en en, ee yepiɔ̈u tɔ lɔ wai cït man le en piɔ̈u wai.