1 Mel 9:7 - JAM DE NHIALIC 2011

⁷ ku Yɛn bï kɔc ke Yithriɛl nyaai piny wään cä gäm keek, ku Yɛn bï ë Luaŋdïïtë pɔ̈l, Luaŋdïït cä tɔ ɣeric ke ye të bïï Ya aa lɔ̈ŋ thïn. Ku Yithriɛl abï aa kääŋ tëde raan ëbɛ̈n, ku abïï yɔŋ.

1 Mel 9:7 ပူးပေါင်းရင်းမြစ်များ

1 Mel 9:3

Acï Bɛ̈nydït lɛ̈k en an, “Yɛn cï lɔ̈ŋdu piŋ. Ku ka cï thiëc Ɛn. Yɛn cï Luaŋdïït cï yïkë tɔ ɣeric, ke rinkï ë ke bï aa dhuëëŋ thïn ëtɛ̈ɛ̈n aɣet athɛɛr. Abä aa tiit ku gɛ̈l ë caŋ awään.

2 Mel 25:21

Go melik de Babilon ke dui, ku nɛ̈k ke wutic ë Ribla piny de Ɣamath. Ka kɔc ke Juda cï ke jɔt pinyden, ke ke cï peec.

2 Mel 25:9

Go Luaŋdït ɣɔ̈k mac, ku ɣön ë melik ku ɣööt ke Jeruthalem ëbɛ̈n, ɣön dït ëbɛ̈n acï nyuɔp piny.

2 Lëk 36:19

Ku nyop ɣön ë Nhialic kekë pänydït ë mac, ku nyop ɣööt ke bääny kedhie, ku dhoŋ päny de kal piny.

2 Lëk 7:20

ke wek bä nyaai piny cä gäm week, ku Yɛn bï Luaŋdït cä thieeiyë ke ee të bï ë Yɛn aa lam thïn nyääŋ piny. Abï kɔc ke wuöt ëbɛ̈n kääŋ aa lueel ku dɔl guöp, ku yek looi arac.

Diɛt 44:14

Yïn cï wo tɔ ye kɔc ye juöör biɔɔn gup, ku ayek kenïïm bet ke ke dɔl wo gup.

Diɛt 44:15

Ayärdï anu në yanɔm aköölnyïïn ëbɛ̈n, ka riɔ̈ɔ̈c de guöp ee ya kum nyin,

Diɛt 69:11

Yɛn cï lupɔɔ ke dhiëëu tääu në yakɔ̈u, gokï ya dɔl guöp.

Yith 65:15

Kɔckiën cï lɔc abïk rinkun të ye kë ye kɔc cieen. Yɛn Bɛ̈nydït Awärjäŋ yïn bä tɔ thou. Ku gäm kɔckiën ee ya lam rin cï piac cak.

Jeremia 24:9

Yɛn bï riääk dït bɛ̈ɛ̈i në kegup, ka juöör ke pinynɔm kedhie abïk riɔ̈ɔ̈c. Abïï kɔc ke biɔɔn gup, ku dɔl kɔc ke gup, ku bui keek gup, ku rinken abïï keek tɔ ee këde aciɛɛn në piny nɔm ëbɛ̈n, piny bän keek thiäi thïn.

Jeremia 25:9

‘Yɛn bï dhiëën nu të lɔ rut kedhie tuöc, ku tuöc raan ee ya luööi, Nebukadnedhar melik de Babilonia. Abä keek lɔ bɛ̈ɛ̈i bïk tɔŋ yiɛ̈n Juda ku kɔc ceŋ en, ku yïn tɔŋ juöör thiääk ë yen. Yɛn bï ë jurë riääk kekë juöör thiääk ë yen, ku nyääŋ keek ë riääkic aɣet athɛɛr, ee kërɛɛc de gäi në tïŋ. Acä lueel, Yɛn Bɛ̈nydït.

Jeremia 26:18

“Wään ye Ɣedhekia melik de Juda, tiët Maika wun ë Moreceth, acï kɔc ëbɛ̈n bɛ̈n yɔ̈ɔ̈k, an acïï Bɛ̈nydït de rɛm lueel nɔn, ‘Bï ë Dhiɔn puur cï dom, ku Jeruthalem abï aa dhuur nɔm, ku kuur de Luaŋdït abï aa roor.’

Jeremia 26:6

Na lak ŋoot ke we cïn riëëu, ke Yɛn bï ee Luaŋdïïtë luöi kë cä luöi Cilo, ku juöör ke piny nɔm ëbɛ̈n abï rin ke ee pänydïïtë tɔ ee ye aciɛɛn looi.”

Jeremia 44:8

Eeŋö ya wek Yɛn tɔ göth, në läm ya wek yiëth lam, ku yak yiëth kɔ̈k nyuöp wal ŋïr ë Rip eenë, të cä wek bɛ̈n ceŋ thïn? Ë we loi ee kënë ke we bï we röt riɔ̈ɔ̈k, ago juöör ke piny nɔm ëbɛ̈n, week aa luööi në abiaan, ku yek rinkun tɔ ee kë de aciɛɛn?

Jeremia 52:13

Go Luaŋdït nyuɔp piny, ku nyop ɣön de bääny, ku nyop ɣööt ke kɔc de naamden ëbɛ̈n ë Jeruthalem,

Dhiëëu 1:8

Jeruthalem acï rɔt riɔk në kërac. Dhuëëŋ de acï jäl, acïn kɔ̈u lupɔ ku aye dɔl guöp. Ee teer ku ee ye nyin kum në ayäär.

Dhiëëu 2:17

Bɛ̈nydït acï këdɛn cï lueel an bïï looi jɔ looi. Acï wook riɔ̈ɔ̈k ke cïn kokdepiɔ̈u, cït man cï yen ye lueel ɣɔn thɛɛr. Acï kɔc ke aterde tɔ tiëm, acï keek tɔ mit piɔ̈ɔ̈th në wïïk cï wok wïïk.

Edhekiɛl 24:21

“Bä we yiɛ̈n ee jamë, wek baai de Yithriɛl: wek ee röt leec në riɛl de tëɣeric. Anhiaarkï bäk aa woi ku yak lɔ kɛ̈ny, ku abïï Bɛ̈nydït riɔ̈ɔ̈k. Ku wɛ̈ɛ̈t dhuök ke bɛ̈ikun kɔc cï döŋ Jeruthalem abïï ke nɔ̈k në tɔŋic.

Edhekiɛl 5:15

“Të cän gɔ̈th ku cä piɔ̈u diu arëët wo week, juöör thiääk ë week ëbɛ̈n ayek riɔ̈ɔ̈c. Abïk week aa woi në dhääl, ku dɔlkï wegup.

Ɣodh 9:3

Kɔc ke Yithriɛl acïkï bï bɛ rëër piny de Bɛ̈nydït, kɔc ke Eparaim abïk kenïïm puɔ̈k në lïïmic cït man ɣɔn kɔn kek tɔ̈u paan ë Rip. Ka abïk aa lɔ cam në këcam nhiany piny de Athiriya.

Jowɛl 2:17

Ku takï bäny ke kake Nhialic läŋ, bäny ee Bɛ̈nydït luööi në kaam de yïk kekë Luaŋdït. Ë ke dhiau ku lɛ̈ŋkï: an, “Kok piɔ̈u we kɔcku, Bɛ̈nydït. Du kɔc ke nɔmdu tɔ biɔn gup, du ke bï tɔ ye kääŋ yup në juööriic. Acïï rɔ̈ŋ bï kɔc aa lop an, “Nu Nhialicdu ë nou?”

Maika 3:12

Ku në biäkdun yen abï ë Dhiɔn geer yic cït man de dom, ku Jeruthalem abï ya kuut de dhuur, ku Luaŋdït abï lɔ̈ɔ̈k aa roor.

Math 23:38

Tiëŋkï, ɣöndun acï nyäŋ week ke cï riääk.

Math 24:2

Go Yecu ke yɔ̈ɔ̈k an, “Cäkï kakë woi kedhie? Wek yɔ̈ɔ̈k ëyic an, acïn kuur töŋ bï döŋ ë kuur däŋ nɔm ee tënë, kuur cï bïï dɛɛny piny.”

Luk 21:24

Ku abï ke nɔ̈k ë abätäu, ku pec ke leerëke ë Juöör yiic ëbɛ̈n: ku Jeruthalem abï käcic ë Juöör, a thöökë run ke Juöör.

Nyöŋ 28:37

Në ee wuöt bïï Bɛ̈nydït week lɔ thiäi piny thïn, kɔc abïk aa gäi në kë cï rɔt luöi week, we bïï ë kääŋ aa yup, abïk we dɔl gup ku buikï we gup.

Nyöŋ 4:26

Yɛn cï tënhial cɔɔl kekë piny ee köölë, bïk bɛ̈n daai në këdun, an, na lak yɛn cïï lɔ riëëu, ke we bï dap riäär ee pinyë yic. Wek cïï bï rëër aläl në ë piny tɔ̈u ë Jordan nɔm lɔŋtui, pinyduön bäk lɔ nöömë. Wek bï riɔ̈ɔ̈r nyïïn taitai.

Jocua 23:16

Të la wek löŋ de Bɛ̈nydït Nhialicdun dhoŋ kɔ̈u, löŋ cï thɔ̈n week, ku lak yiëth kɔ̈k lam, ku luöikï keek, Bɛ̈nydït abï gɔ̈th ke week arëët, ku riëëk week arëët në piny piɛth cï gäm week.”

1 Tham 15:11

“Yɛn cï rɔt gɔ̈k në baŋ cän Thaulo tɔ ye melik, në baŋ cïï yen rɔt yal wei, ku cïï lööŋkiën cä lɛ̈k en döt.” Go Thamwɛl piɔ̈u jiɛth ago ruu ke läŋ Bɛ̈nydït ee wɛ̈ɛ̈rë yic ëbɛ̈n.