1 Mel 8:63 - JAM DE NHIALIC 2011

⁶³ ku gëm Tholomon ka cï näk Bɛ̈nydït ke ke ye miɔ̈c de mät, ka cït agum thiërrou ku rou 22,000 de ɣɔ̈k, ku agum bɔt ku thiërrou 120,000 ke amɛ̈l. Go melik kekë kɔc ke Yithriɛl kedhie Luaŋdït jɔ gäm Bɛ̈nydït.

1 Mel 8:63 ပူးပေါင်းရင်းမြစ်များ

1 Lëk 29:21

Na wën, në kööl däŋë gokï läi nɔ̈k ke ke ye miɔ̈c ye nyop ëbɛ̈n, miɔ̈c gɛ̈më Bɛ̈nydït, ku gëmkï keek Nhialic, gokï gäm kɔc bïk cam. Ku bekï aguum ke miöör nɔ̈k, ku aguum ke nyök amɛ̈l, ku nɛ̈kkï aguum ke amɛ̈l, ku nyopkï keek kedhie ë yïk nɔm. Ku bïïkï miɔ̈c de mɔ̈u aya.

2 Lëk 15:11

Yen ee köölë acïk Bɛ̈nydït bɛ̈n gäm miɔ̈c ye nyop ëbɛ̈n ë kak ë peckï yiic. Bot kadhorou (700) de ɣɔ̈k, ku aguum kadhorou 7000 de thök.

2 Lëk 2:4

Yɛn yïk Luaŋdït, bä yɛn Nhialicdï riëëu guöp. Abï aa tëɣeric, të bän aa lɔ̈ŋ thïn wok ë kɔckï ku nyopku wal ŋïr, ku të bïï wok miɔ̈c de kuïn cï pam aa gam ë ceŋ, ku ee të bïï wok miɔ̈c ye nyop ëbɛ̈n gam ë ceŋ miäk ku thëën, ku akööl ke Thabath, ku dhuëëŋ de Wil ë Pɛɛi, ku lɔ akööl kɔ̈k ɣeriic, bïï ke Bɛ̈nydït Nhialicda riëëu guöp. Acï kɔc ke Yithriɛl yɔ̈ɔ̈k bïk ee kënë looi aɣet athɛɛr.

2 Lëk 30:24

Go melik Ɣedhekia amatnɔm gäm agum de miöör, ku aguum kadhorou de amɛ̈l, në luɔi bï kɔc keek nɔ̈k ku cuetkï keek, ku gëm ë wɛ̈ɛ̈t bäny keek aguum kathiëër 10,000 ke amɛ̈l kɔ̈k. Na wën ke bäny juëc ke kake Nhialic ke ke jɔ kegup tɔ piɛth.

2 Lëk 7:4

Go Tholomon kekë kɔc kedhie miɔ̈c jɔ gam.

2 Lëk 7:5

Go Tholomon aguum kathiërrou ku rou 22,000 de ɣɔ̈k gam, ku aguum bɔt ku thiërrou 120,000 de amɛ̈l ke ye miɔ̈c de mät. Gokï ɣön ë Nhialic jɔ gam ëtɛ̈ɛ̈n yen kekë kɔc kedhie.

Edhr 6:15

Ku në kööl ye pɛɛi de Adar thok diäk (yen aye Aköldït në thoŋda), në ruöön ye Melik Dariouth run dhetem në bäänyic, yen aa jɔ ɣöt thök në yïk.

Neɣe 12:27

Ɣɔn gëmë Nhialic kal ë pänydït de Jeruthalem cï piac looi, kɔc ke Lebai aake cï bɛ̈n lɔ bɛ̈ɛ̈i ɣäänkɛn rëër kek thïn, në biäk bïï kek röt bɛ̈n mat ë dhuëëŋ dïït de kal gëmë Nhialic bï thieei agokï kake miɛtëpiɔ̈u looi në kiët kiit kek diɛt ke piɔ̈ny ku lec leecë Nhialic nɔm në lɔ̈r ku thom ku kɛŋ.

Diɛt 30:1

Yïn bä piɔɔny Bɛ̈nydït, në luöi cï Yïn ya luök. Yïn kën kɔc de wok ater tɔ thuɛ̈ɛ̈c në yɛn.

Edhekiɛl 36:38

Kek pɛ̈ɛ̈nydït tɔ̈u ke ke cï riääk ënɔɔnë, abïk bɛ thiäŋ në kɔc, cït man wään ye Jeruthalem thiäŋ ke amɛ̈l ye keek gam ke ke ye miɔ̈c näk në dhuëŋ yiic. Ëtɛ̈ɛ̈n abïk jɔ ŋic nɔn ee Yɛn Bɛ̈nydït.”

Edhekiɛl 45:17

Abï ya luɔi de wën bɛ̈ny bï miɔ̈c de lɛ̈n bï nyop ëbɛ̈n yök, ku miɔ̈c ë rap, ku miɔ̈c de mɔ̈u në biäk de baai de Yithriɛl ëbɛ̈n, në kööl de dhuëëŋ ë Wil de Pɛɛi. Ee yen bï miɔ̈c de awɛ̈ɛ̈c yök, ku miɔ̈c de kööl ë Thabath, ku jɔ aa dhuëŋ kɔ̈k. Ee yen abï miɔ̈c de awɛ̈ɛ̈c bɛ̈ɛ̈i, ku miɔ̈c ë rap, ku miɔ̈c ye nyop ëbɛ̈n, ku miɔ̈c de mät, bïï baai de Yithriɛl jɔ teem guöp.”

Maika 6:7

Bï Bɛ̈nydït piɔ̈u miɛt kekë agum ke nyök amɛ̈l? Ku nɔn bï aguum kathiëër ke kiɛɛr ke miök nhiaar? Ja Bɛ̈nydït bɛ̈n gäm mɛnh kɛ̈idï bï nɔm aa karɛc cä looi? Bä gäm mɛnh ë nɔmdï ke bï ya päl awɛ̈ɛ̈ckï?

Jɔn 10:22

Ku nu dhuëëŋ ë Jeruthalem, Dhuëëŋ de kööl cïï Luaŋdït gäm Nhialic: